Спорт
Дончиќ доби 207 милиони, па призна дека не размислил на што ќе ги потроши парите

Откако во Словенија пристигна газдата на Далас Маверикс, Марк Кјубан, со Џејсон Кид и Дирк Новицки, денеска на прес-конференција во Љубљана се потврди новиот петгодишен договор за Лука Дончиќ, вреден фантастични 207 милиони долари.
Кјубан на прес-конференцијата се обрати на словенечки јазик по што објасни дека е пресреќен од договореното.
„Храна и вино, вино, вино… Преубаво. Кога го драфтувавме Лука, знаевме дека е добар играч, но никогаш не замислувавме дека е толку добар. Феноменално е што можеме да ја продолжиме соработка со него, со играч што може да има кариера како Дирк Новицки. Се гордеам со него“, изјави Кјубан.
Дончиќ признава дека е изненаден од сумата и од договорот.
„Уште не знам што да кажам. Не можев да замислам вакво нешто. Сакав да ја продолжам соработката со Далас, немаше двоумење. Благодарност до моите родители што ме пратија во Шпанија кога бев многу млад. Беше тешко, но успеав. Да, се работи за голема сума, но уште не сум размислувал да си купам нешто вредно. Првин ќе размислам“, изјави Дончиќ.
The journey has been one for the history books, yet it’s just the beginning.
Congratulations, @luka7doncic! ??@chime | #MFFL pic.twitter.com/WYaf70pMfV
— Dallas Mavericks (@dallasmavs) August 10, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ нема да дозволи уште еден „случај Мбапе“, експресно најде нов голман

Шампионот на Франција и Европа, Пари Сен Жермен, испрати официјална понуда за голманот на Лил, Лукас Шевалие.
Финалистот од Светското клупско првенство на ФИФА бара засилување на оваа позаиција поради неизвесноста околу иднината на Џанлуиџи Донарума, објави „Лекип“.
Наводно, ПСЖ веќе постигнал договор со Шевалие за петгодишен договор и останува да се договори со Лил за обештетувањето. Лил инсистира на обештетување од најмалку 40 милиони евра, сума што „Светците“ се подготвени да ја платат. Првата понуда е малку помалку профитабилна од посакуваната.
Лил веќе се подготвува за можноста да остане без својот прв голман и бара нов голман.
Потенцијалниот трансфер на Шевалие во Париз е тесно поврзан со судбината на Донарума, чиј тековен договор важи до јуни 2026 година.
Непродуктивните преговори за продолжување на соработката и желбата да се избегне сценарио слично на бесплатниот трансфер на Килијан Мбапе го натераа ПСЖ на експресна реакција и ангажман на нов голман.
Според медиумите, Манчестер јунајтед и Челзи се заинтересирани за Донарума, а интерес покажува и Галатасарај.
Шевалие се етаблираше како еден од најдобрите млади голмани во Европа и неодамна беше прогласен за голман на годината во Лига 1 за сезоната 2024/25.
Доколку сè оди според планот во наредните недели, Шевалие ќе стане првото засилување на ПСЖ во летниот преоден рок.
Исто така, европските шампиони размислуваат да доведат и крилен напаѓач, а Родриго од Реал Мадрид се споменува како потенцијална цел.
Фото/ Принтскрин
Спорт
Алонсо подготвува чистка во Реал

Чаби Алонсо закажал состанок со пет играчи за 4 август. Според тврдењата на шпанските медиуми, ќе им каже дека повеќе нема место за нив во клубот. Станува збор за Родриго, Ферланд Менди, Давид Алаба, Дани Себаљос и Ендрик.
Како што пишува „АС“, Реал е отворен за продажба на Родриго, Менди и Алаба, додека сè уште постои одредена неизвесност околу Себаљос и Ендрик. Одлуката треба да биде онесена по состанокот со Алонсо.
Најголем „проблем“ во соблекувалната наводно е Давид Алаба, кој не сака да го раскине договорот, а заработува дури 22,5 милиони евра годишно. Според извештаите, тој е еден од оние на кои Алонсо дефинитивно не смета.
Најблиску до заминување е Бразилецот Родриго. Многу европски гиганти се заинтересирани за него, а најконкретен е Арсенал.
Ова лето, Реал Мадрид се впушти во сериозна реконструкција на тимот. Одбраната беше значително зајакната со доаѓањето на Дин Хујсен, Алваро Карерас и Трент Александар-Арнолд. Пристигна и младиот напаѓач Франко Мастантуоно, додека Лука Модриќ, Лукас Васкез и стоперот Хесус Ваљехо го напуштија клубот.
Фото/ Принскрин
Спорт
(Видео) Македонски судија нападнат на кадетското Европско првенство во бокс

Извор и фото/ b92.net
Заврши Европското првенство за кадети и кадетки (ученици на возраст од 13 и 14 години), кое се одржа во Златибор, Србија.
Последниот ден го обележа инцидентот, што се случи во финалето во категоријата до 75 килограми.
Златниот медал му припадна на Виктор Мајсторовиќ од Србија, откако неговиот противник, Азербејџанецот Јусиф Агакишијев, беше дисквалификуван во втората рунда поради неспортското однесување на тренерот.
Имено, македонскиот судија Стефан Цубалевски беше физички нападнат од тренерот на азербејџанскиот боксер. Тренерот влета во рингот среде борбата и го зграпчи за вратот.
Потоа следеше давење и удирање пред целата публика и присутните малолетни деца, кои не можеа да поверуваат што гледаат.
Поради целата ситуација, борбата веднаш беше прекината, а победата му беше доделена на Виктор Мајсторовиќ.
Судијата Цубалевски потоа се смири и ја крена раката во рингот кон новиот кадетски европски шампион од Србија.
Погледнете го овој момент од 3:31:53 од приложеното видео: