Спорт
Дончиќ-шоу против Голден стејт, со трипл-дабл ги урна шампионите
Далас Маверикс славеа победа 116:113 над актуелните шампиони, Голден стејт Вориорс. Натпреварот со нов трипл-дабл, го обележа Лука Дончиќ, а решавачката тројка во финишот на мечот ја постигна Тим Хардавеј јуниор.
Лука Дончиќ постигна најмалку 40 поени по јубилеен 20. пат во својата НБА кариера и на тој начин се изедначи со легендата на франшизата, Дирк Новицки, кому за 20 вакви натпревари му беа потребни 20 години.
Фантастичната игра на Дончиќ му помогна на Далас да ја прекине серијата од четири порази и да ги победи Голден Стејт Вориорс со 116:113, откако Клеј Томпсон промаши тројка за продолжение.
Дончиќ го оствари и својот јубилеен 40. трипл-дабл во НБА. Вкупно постигна 41 поен (шут 14/27, тројки 4/9, слободни фрлања 9/15) со 12 скока, 12 асистенции, една блокада, четири украдени топки и пет загубени топки. Тој е само шестиот играч во историјата со пет трипл-дабл натпревари, во кои постигнал најмалку 40 поени.
Тим Хардавеј јуниор, во стартната петорка го замени Реџи Булок, на крајот ги постигна клучните поени, а натпреварот го заврши со 22 поени. Кај Голден стејт, Стеф Кари уфрли 32 поени, но не доби никаква поддршка од соиграчите. Најблиску до него беше Џонатан Куминга со 14 поени, Дрејмонд Грин уфрли 12, а целосно потфрли Клеј Томпсон, постигна само пет коша.
Резултати:
Детроит – Њујорк 110:140
Далас – Голден стејт 116:113
Портланд – ЛА Клиперс 112:118
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

