Спорт
„Дождливиот човек“ Бањаја победи на трката во Тајланд
Актуелниот шампион Франческо Бањаја на Дукати победи на трката за Големата награда на Тајланд. Втор трката ја заврши лидерот во генерланиот пласман Хорхе Мартин (Прамак Дукати), а место на подиумот обезбеди и Педро Акоста (ГасГас КТМ). Во пресрет на последните две трки во сезоната Мартин на врвот има 17 поени повеќе од Бањаја.
Во Бурирам, Пеко Бањаја ја забележа деветтата победа сезонава, со која му возврати на Хорхе Мартин за влерашниот триумф во спринт трката.
Траката се возеше во тешки услови, патеката беше натопена со вода, а на стартото најдобро се снајде Мартин кој од третото се проби на првото место пред Бањаја и Маркез.
Шпанецот водеше пет круга кога направи грешка, излезе од патеката, а откако се врати во трката пред него беа Бањаја и Марк Маркез.
Маркез се обиде да го мине идниот тимски колега Бањаја, првиот обид му беше неуспешен, а вториот на девет круга д крајот заврши со негов пад.
До крајот Бањаја рутински ја извозе трката, а исто тоа го направи и Матин, кој откако дојде до второто место возеше без ризик.
Дебитантот Акоста, на стартот дојде до четвртото место, во вториот круг излезе од патеката се врати на осмото место, а откако во претпоследниот круг мина пред Џек Милер и дојде до третата позиција.
Милер на крајот остана и без четвртото кое му припадна на возачот на ВР 46 тимот, Фабио Диџанантонио.
Следната трка, претпоследна во сезоната ќе се вози наредната недела во Малезија.
.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед доби ривал за потписот на Бен Чилвел
Бен Чилвел речиси сигурно од јануари ќе има нов клуб. Левиот беке е вишок во Челси, а за неговите усуги интерес покажале два клуба.
Манчестер јунајтед веќе покажа интерес за повремениот англиски репрезентативец. „црвените ѓаволи“ имаат многу проблеми со повреди на левите бекови, а сега добија и ривал за потписот на Чилвел.
Решение на позицијата покрај левата аут линија бара и Вест Хем, а Чилвел влегува во буџетот на лондонскиот клуб.
„Чеканите“ лошо ја започнаа сезоната, а промените се неопходни. Во моментов Емерсон е првата опција на Хулен Лопетеги, исто така поранешен играч на Челзи, но тој не ги оправдува очекувањата, исто како и поголемиот дел од тимот во моментов.
Чилвел е во Челзи од 2020 година и има одиграно вкупно 107 натпревари.
Спорт
Срамни извици кон Ламин Јамал, Реал одговори со итно соопштение
Барселона синоќа го понижи Реал во Мадрид каде славеше со убедливи 4:0, а еден од најзаслужните за триумфот на каталонскиот клуб беше Ламин Jамал.
За жал, шпанскиот репрезентативец се најде на удар на расистички извици од навивачите на Реал на стадионот Сантијаго Бернабеу, а еден од нив беше уловен на камера.
Како што може да се види на видеото, навивачот извикува „путо моро“, што во превод од шпански би значело „е**** Арапи“.
По тој повод, Реал Мадрид и се обрати на јавноста со официјално соопштение во кое ги осудува ваквите извици.
„Реал Мадрид категорично го осудува секој тип на однесување што вклучува расизам, ксенофобија или насилство во спортот и длабоко жали за навредите што неколку навивачи ги упатија синоќа. Реал Мадрид започна истрага за да ги идентификува лицата кои ги упатиле овие навреди и да ги преземе соодветните дисциплински и судски мерки“, се вели во соопштението на Реал Мадрид.
Спорт
ШК Алкалоид е европски вицепрвак
Во последното седмо коло на Европскиот клупски куп, шахистите на Алкалоид го одиграа својот најдобар меч, и убедливо тријумфираа над францускиот Шартр со 5:1 за нова европска вицешампионска титула.
Арјун Еригаиси на првата табла ремизираше со легендарниот украински шахист Василиј Иванчук, со црни фигури беше и С.Л. Нарајан на петтата табла кој го подели поенот со Максим Лагард. На останатите четири табли беа извојувани убедливи победи: Веи Ји го совлада Маркандрија Маурици водејќи ги белите фигури на втората табла, а неговиот сонародник Јангји Ју со црните триумфираше против Лорен Фресине. На четвртата и шестата табла Читамбарам Аравинд со бели фигури освои цел поен против Даниел Дарда, додека Александар Инѓиќ го заокружи настапот со уште една победа, овојпат против Кристијан Бауер.
Триумфот во последното седмо коло им донесе два бода на играчите на Алкалоид, со што тие стигнаа до вкупно 12 бода. Турнирот го завршија со пет победи, два нерешени резултат.
Од поголемата група на екипи која имаше 10 бода по шесте одиграни кола, ниту една друга не успеа во финишот да оствари победа, СуперЧес беше поразен во дербито со Нови Бор, додека двобојот на Бајеган Пендик и Туркиш Ерлајнс заврши со нерешен резултат, исто како и оној на Тајфун против Сентименто Ајка.
На овој начин, Нови Бор стигна до третата европска титула со 13 бода, еден повеќе од Алкалоид.
За ШК Алкалоид ова е трет пат како е остварен пласман меѓу првите две екипи на Стариот континент, во 2016 година Алкалоид беше европски првак.