Спорт
Драма во Групата Б – Три репрезентации во трка за второто место
Б-групата на Европското првенство, во последното коло ќе привлече најголемо внимание. Белгија, со две победи избори пласман во осмина-финалето, а останатите три репрезентации имаат реални шанси да стигнат до нокаут-фазата.
Белгија, ја оправда фаворитската улога во оваа група и со победите над Русија (3:0) и Данска (2:1), го обезбеди првото место во групата. Во осмина-финалето, Белгијците ќе играат против третопласираниот тим од Д или Е-групата.
За преостанатото место или места се борат Финска, Русија и Данска. Данците иако се без бодови, по поразите од Финска (0:1) и Белгија (1:2), имаат реални шанси да бидат дури и втори во групата.
Во последното коло, Данска ќе игра против Русија, а Финска против Белгија.
Јасно е дека еден бод ги носи и Русите и Финците во осмина-финалето, бидејќи во првите две рунди тие освоија по три бода.
Во случај, Финска да загуби од Белгија, што е реално сценарио, а Данска да ја победи Русија, тогаш овие три репрезентации ќе имаат по три бода. Во тој случај ќе се формира мини табела.
Ако Данска ја победи Русија со два гола разлика, а Финска загуби од Белгија, тогаш на мини табелата Данците ќе бидат најдобри и ќе го освојат второто место во групата, Финците би биле трети, а Русите последни. Финците тогаш би се надевале дека ќе бидат една од најдобрите третопласирани репрезентации.
Доколку Данска ја победи Русија со еден гол разлика, а да притоа постигне минимално два гола, тогаш Данците и Русите би биле еднакви на мини табелата, а Финците би биле последни. Во овој случај би се гледале и резултатите на Данска и Русија против Белгија, а тига во предност би биле Данците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.