Спорт
Драма во вилата на Грилиш – фудбалерот ограбен додека играше против Еверотн
Џек Грилиш (28), ѕвезда на Манчестер Сити и на репрезентацијата на Англија, во средата стана жртва на голем и драматичен грабеж. Грилиш играше за Сити во Ливерпул, против Евертон, а неговите родители, двете сестри, братот, бабата и вереницата го следеа натпреварот во одлично расположение и празнична атмосфера во луксузната вила, која неодамна ја купи за 100 милиони фунти.
Но, идиличната атмосфера беше нарушена од лаењето на кучињата и и вревата на горните катови. Набрзо сфатиле дека во вилата има разбојници, кои упаднале во имотот, а потоа и во куќата.
Кога сфатиле дека над нив има провалници кои крадат од куќата и дека се наоѓаат во непозната средина, шокирани барале скривница и ги притиснале „копчињата за паника“. Тоа ја алармирало полицијата.
Набрзо, пет полициски автомобили се упатиле кон имотот со сирени, а за прв пат хелиодромот бил во функција во рамките на огромниот имот со езеро, фудбалски, голф, тенис и игралишта за крикет бидејќи во него влетал и полициски хеликоптер кој ја пребарувал површина со рефлектори во потрага по разбојниците.
Меѓутоа, бројните полициски сили и нивното чешлање на областа не успеале да ги пронајдат крадците. Тие украле накит и часовници во вредност од еден милион фунти. На фудбалерот не му помогнало тоа што поставил висока ограда околу имотот и што имало стражари на влезот на имотот. Ден по грабежот, на имотот дошло комбе од фирма која поставува надзорни камери, аларми и бариери за провалници.
Грилиш пред две години се пресели од Астон Вила во Манчестер сити за отштета од 100 милиони фунти (117 милиони евра). Така стана најскапиот англиски фудбалер во историјата и седми најскап фудбалер воопшто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ПСЖ го договори трансферот на Јоро
Лени Јоро има 18 години, сезонава играше станардно за Лил, со што го привлече вниманиетот на големите клубови. За ова момче стручњаците велат дека е најталентиранот стопер во својата генерација. За неговиот потпис се бореа Реал Мадрид и ПСЖ.
Трката за неговиот потпис ја доби ПСЖ. Реал се повлече бидејќи Флорентно Перез на сакал да издвои 50 милиони евра. Медумите пишуваат дека Реал за Јоро понудил 30 милиони евра.
За разлика од Реал, ќелниците на клубот од Парзи веднаш се согласиле да ја платат бараната сума.
Лени Јоро оваа сезона одигра вкупно 44 натпревари за Лил и постигна три гола.
Спорт
Јокиќ: Лука ми е пријател, му посакувам да ја освои титулата
Никола Јокиќ и кошаркарите на Денвер не успеаја да го одбранат шампионскиот прстен оваа сезона. Тие беа поразени во полуфиналната серија на Западот од Минесота со 4-3, последниот, седми натпревар во серијата Минесота го доби во Денвер со (90:98).
Јокиќ не беше расположен по натпреварот, делуваше исцрпено по големата борба. Минесота често играше со тројца високи играчи Руди Гобер, Карл-Ентони Таунс и Наз Рид кои максимално го изморија најдобриот играч во лигата.
Кога Јокиќ на прес-конференцијата беше запрашан да опише што им се случи, можеби со својот одговор индиректно прстот го впери кон челниците на франшизата, се пожали на на недоволниот квалитет што го има Денвер на клупата за резерви.
Јокиќ беше запрашан и кого би сакал да види на местото каде минатата година беше Денвер, со шампионски прстен.
„Тоа му го посакувам на Лука. Тој ми е добар пријател“.
Спорт
Меси ја предводи Аргентина, Дибала го нема на списокот
Селекторот на фудбалската репрезентација на Аргентина, Лионел Скалони го објави списокот на играчи за пријателските натпревари против Еквадор и Гватемала, во пресрет на Копа Америка.
На списокот на светските шампиони има 29 играчи, меѓу кои е и Лионел Меси, но го нема Пауло Дибала кој беше дел од тимот што го освои Светското првенство во 2022 година.
Аргентина ќе игра со Еквадор на 9 јуни во Чикаго, додека пет дена подоцна ќе се соочи со Гватемала во Ландовер, Мериленд.
Фудбалерите на Аргентина ќе го започнат натпреварувањето на Копа Америка на 20 јуни против Канада. Во групата А се и Чиле и Перу.
Голмани: Емилијано Мартинез (Астон Вила), Франко Армани (Ривер Плата), Херонимо Рули (Ајакс);
Одбрана: Гонзало Монтиел (Нотингем Форест), Нахуел Молина (Атлетико Мадрид), Леонардо Балерди (Марсеј), Кристијан Ромеро (Тотенхем), Херман Пецела (Бетис), Лукас Мартинез Кварта (Фиорентина), Николас Отаменди (Бенфика), Лисандро Мартинез (Манчестер Јунајтед), Маркос Акуња (Севилја), Николас Таљафико (Лион), Валентин Барко (Брајтон);
Среден ред: Гвидо Родригез (Бетис), Леандро Паредес (Рома), Алексис Мекалистер (Ливерпул), Родриго де Пол (Атлетико Мадрид), Езекиел Паласиос (Баер Леверкузен), Енцо Фернандес (Челзи), Џовани Ло Селсо (Тотенхем), Анхел ди Марија (Бенфика), Валентин Карбони (Монца);
Напад: Лионел Меси (Интер Мајами), Анхел Кореа (Атлетико Мадрид), Алехандро Гарначо (Манчестер Јунајтед), Николас Гонзалес (Фиорентина), Лаутаро Мартинез (Интер), Хулијан Алварез (Манчестер Сити).