Спорт
Дрогба плачел кога Челси го отпуштил Мурињо

Дидие Дрогба бил толку потресен од заминувањето на Жозе Мурињо од Челси во 2007 година, што не можел да ги сопре солзите, тврди неговиот поранешен соиграч Стив Сидвел.
Мурињо двапати беше успешен на „Стемфорд бриџ“, а во првиот период освои две титули едноподруго во Премиер лигата со моќен тим, во кој беа Дрогба, Френк Лампард, Џон Тери, Арјен Робен и Петр Чех. Сидвел открива дека кога Роман Абрамович решил да го отпушти Мурињо, во соблекувалната било чудно.
„Сум бил во многу клубови каде што менаџерот добива отказ. Но, најтешко беше во Челси кога Жозе замина. Многу фудбалери беа со него долго време и имаше чувство на семејна атмосфера. Игравме со Розенборг во ЛШ и не се сеќавам дали загубивме или одигравме нерешено и Жозе доби отказ. Сите бевме во соблекувалната додека горе имаше состанок. Тогаш тој се симна. Јас бев таму неколку месеци, а тој одеше од играч до играч и се поздравуваше и луѓето плачеа. Дрогба беше во солзи. Скршен“, вели Сидвел.
“@didierdrogba was in pieces. I think everyone was just broken by it.” @sjsidwell tells @KellyCates and @JonWalters19 about the emotional scenes in the Chelsea dressing room when Jose Mourinho was sacked. pic.twitter.com/5TwM7zg1Xu
— FootballJOE (@FootballJOE) September 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.
Спорт
Мира Андреева преку Сабаленка до титулата во Индијан Велс

Руската тенисерка Мира Андреева (17) успеа да ја совлада Белорусинката Арина Сабаленка со 2:1 во сетови и да го освои Индијан Велс.
Андреева, која е 11. на ВТА-листата, за два часа и шест минути, ја победи светската тенисерка број еден со 6:2, 4:6, 3:6.
Се чинеше дека Сабаленка ова ќе го реши „рутински“, Белорусинката одлично влезе во првиот сет и во четвртиот гем направи брејк кој го потврди за 4:1, а потоа во осмиот гем направи уште еден брејк за 1:0 во сетови.
Сабаленка самоуверено влезе во вториот сет, но Андреева во третиот гем успеа да ја изненади и го одзеде сервисот што беше клучен за вториот сет.
Таа ја одржуваше предноста до самиот крај на вториот сет и израмни на 1:1.
Андреева уште подобро го отвори решавачкиот трет сет со брејк топка, но не успеа да ја искористи. Она што не и успеа во првиот, го направи во третиот гем и го одзеде сервисот на Сабаленка и си го трасираше патот кон победата. Во деветтиот гем направи уште еден брејк за конечен триумф.
Ова беше 12. последователна победа за младата руска тенисерка и втора голема титула. Претходната ја освои пред три недели во Дубаи.
Спорт
Повторно еден-два за браќата Маркез – Марк победи пред Алекс во Аргентина

Браќата Маркез доминираа на трката за Големата награда на Аргентина. Како и на отворањето на сезоната, победи Марк, а Алекс беше втор. На најниското скалило на пиедесталот се искачи возачот на ВР46 тимот, Франко Морбидели.
Осумкратниот светски шампион, Марк Маркез сега возач на Дукати, ја забележа својата 90-та победа во кариерата на патеката, со што на вечната листа се израмни со сонародникот Анхел Нието. Пред нив се само Џакомо Агостини со 122 триумфи и Валентино Роси со 115 победи.
За разлика од трката во Бурирам, постариот Маркез не возеше без грешка, но демонстрираше сила. Возачот на Дукати го презеде водството пред неговиот помлад брат и Бањаја, кој беше предизвикан од Жоан Зарко на ЛЦР Хонда.
Сепак Шпанците бргу успеаја да се одлепат од конкурентите, а во четвртиот круг помладиот Алекс (Гресини Дукати) ја презеде првата позиција од постариот брат.
Осумкратниот светски шампион постојано бараше начин да го претекне својот брат, во еден момент дури и заврши надвор од седиштето, за да го започне својот прв вистински напад во 18-от круг. Алекс веднаш возврати, обидувајќи се да ги спречи следните обиди на неговиот постар брат, но на пет круга до крајот, тој не можеше да се одбрани.
Морбидели беше три секунди зад Алекс, негов прв пласман на подиумот од трката во Херез во 2021 година, следен од Багнаја, тимскиот колега Фабио ди Џанантонио, Зарко и Бред Биндер од КТМ Рејсинг. Аи Огура од Трекхаус беше осми, откако стартуваше од 15. позиција, а во топ 10 се најдоа и Педро Акоста и Џоан Мир.
Постариот Маркез има максимални 74 бода на врвот во генералниот пласман, помладиот Маркез е втор со 58, а ги следи Бањаја со 43.
Мото ГП шампионатот продолжува со Големата награда на Америка во Остин од 28-30 март.