Спорт
Дурент откри зошто ги напушти Вориорси по кавгата со Грин: Сите се правеа „наудрени“!
НБА-ѕвездата Кевин Дурент јавно откри зошто ги напушти Голден Стејт вориорс во 2019 година и премина во редовите на Бруклин нетс. Со него во составот Вориорси беа еден од најдоминантните тимови во НБА-лигата.
Тој одлучи да си оди од тимот по дуелот со Дрејмонд Грин на сред меч во 2018 година, а сега ја откри и вистинската причина.
„Според мое мислење, челниците на Вориорси погрешија“, вели Грин, а Дурент се согласи со него „И јас исто мислам“.
„Не беше проблемот во кавгата, туку како сите се однесуваа. Тренерот Стив Кер се правеше како ништо да не се случило, а генералниот менаџер Боб Мајерс се обиде тебе да те дисциплинира мислејќи дека така сè ќе замаскира“, додава Дурент.
Него најмногу го изнервирало тоа што Вориорси нагласувале дека се семејство.
„Но тоа не го покажавме. Тоа е она што ме мачи повеќе од што било“, вели Дурент.
Дрејмонд Грин го опиша својот разговор со челниците на екипата откако екипата се врати во Оукленд од Лос Анџелес, каде Дурент и тој се судрија на сред меч против Клиперси.
„Единствени кои ова можат да го поправат сме Дурент и јас“ вели Грин.
Тогаш Вориорси го суспендираа Грин на еден меч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Роџерс си замина од Селтик
Брендан Роџерс, поднесе оставка од функцијата менаџер на Селтик. Роџерс си замина од функцијата откако се скара со мнозинскиот сопственик на клубот, Дермот Дезмонд, кој го обвини дека се однесува „себично“. Неговото место привремено ќе го заземе поранешниот менаџер Мартин О’Нил.
Веќе некое време се шпекулираше за неговата иднина поради лошиот почеток на сезоната, а по поразот од Хартс минатиот викенд, по кој Селтик има осум поени помалку од Хартс, Роџерс одлучи да ја преземе одговорноста и да си замине.
Клубот ја прифати оставката и ги назначи Мартин О’Нил и Шон Малони да го водат тимот како привремени менаџери.
Се претпоставува дека двајцата ќе бидат на клупата за претстојниот натпревар од „Олд Фирм“ на 2 ноември.
Роџерс освои 11 трофеи во два мандата на клупата на Селтик, за четири години.
Спорт
Кеш доби нов договор
Еден ден откако го водеше својот тим до победа против Манчестер Сити, Мети Кеш потпиша нов договор со Астон Вила.
Како што потврди клубот, Кеш го продолжи договорот до јули 2029 година. Актуелниот договор му истекуваше во јули 2027 година, а клубот се обиде да избегне каква било можност Кеш да влезе во последната година од договорот со некои неизвесности.
Мети Кеш пристигна во Астон Вила од Нотингем Форест во септември 2020 година. Тој сега се приближува до својот 200-ти натпревар за Вила. Досега одигра 193 натпревари.
Голот што го постигна против Манчестер Сити е негов втор оваа сезона и 12 за клубот.
Спорт
Скандал го тресе турскиот фудбал
Турската фудбалска федерација (ТФФ) покрена дисциплинска постапка, откако резултатите од петгодишна истрага покажаа дека 371 од 571 судии во таа земја имаат налози за обложување, а 152 од нив активно се обложуваат.
Овие статистики ги вклучуваат и оние кои се обложувале само еднаш, иако е откриено дека 42 од нив имале уплати на повеќе од илјада натпревари, а „рекордерот“ меѓу нив се обложувал на дури 18.227 типови.
Претседателот на ТФФ, Ибрахим Хаџиосманоглу, не ги именуваше, но објави дека ќе биде покрената постапка против седум главни и 15 помошни судии од првите два ранга, како и 36 класифицирани судии и 94 помошници од пониските натпреварувачки нивоа.
Според правилата на ТФФ, тие се соочуваат со суспензија од една година, но член 27 од Етичкиот кодекс на ФИФА наметнува многу построга казна, 100.000 швајцарски франци и тригодишна забрана од какви било фудбалски активности.
По повод овој скандал, афирмативни пораки испратија бројни турски клубови, меѓу кои и Фенербахче, Бешикташ и Трабзон.

