Рома на Жозе Мурињо продолжува со победите на сите фронтови, откако на отварањето на Конференциската Лига Европа на УЕФА, на „Олимпико“ се созедоа од шокот во првите 10 минути за да стигнат до 5:1 победа над ЦСКА Софија.

Ирецот Греем Кери ја замолче домашната публика во 10. минута за неочекувано водство на ЦСКА, но „волчицата“ бргу се созеде и до крајот на полувремето направи пресврт преку Лоренцо Пелегрини (25.) и Стефан Ел Шарави (38.). Пелегрини во 68. минута постигна уште еден гол, за до крајот на мечот во листата на стрелците да се запишат и Џанлука Манчини (82.) и Теми Абрахам (84.).

Фантастичното влијание на „Специјалниот“ на римскиот клуб се покажува дека ова е само третпат во историјата Рома да стартува со шест победи едноподруго во сите натпреварувања. Претходно тоа им успеа во 2013/14 и 2014/15, двапати под водство на Руди Гарсија.

До победа на стартот на Конференциската лига стигна и белградски Партизан, откако со головите на Квинси Мениг (42.) и Рикардо Гомеш (68.) ги победија Анортозис на Кипар.

КОНФЕРЕНЦИСКА ЛИГА ЕВРОПА, 1.КОЛО

ГРУПА Б

Анортозис – Партизан 0:2

ГРУПА Ц

Рома – ЦСКА Софија 5:1

Бодо/Глимт – Зорја Луханск 3:1

ГРУПА Д

Јаблонец – ЦФР Клуж 1:0

Рандерс – АЗ Алкмар 2:2

Виктор Осимен постигна два гола за да помогне Наполи да се врати од 2:0 негатива кај Лестер и да извлече поен од тешкото гостување во првото коло на Лига Европа, во меч во кој македонскиот репрезентативец, Елиф Елмас влезе во игра во 64. минута.

На „Кинг пауер“, Ајозе Перез ги донесе „лисиците“ во водство уште во 9. минута, а изгледаше дека домаќинот ќе стигне до убедлива победа кога Харви Барнс во 64. минута зголеми на 2:0, откако претходно им беше поништен и голот на Дака. Меѓутоа, Осимен пет минути подоцна намали на 2:1, за во 85. минута да извлече нерешен резултат за „партенопеи“.

Интересно беше и во Холандија, каде што ПСВ Ајндховен и Реал Сосиедад одиграа идентично 2:2 реми, додека Лион лесно со 2:0 славеше на преполниот „Ајброкс“ против Ренџерс. Монако со 1:0 го совлада Штурм, додека на Фенербахче во драматична завршница им беше поништен гол во 93. минута за да одиграат 1:1 на гости кај Ајнтрахт, откако прво Месут Озил ги донесе во водство уште во 10. минута.

ЛИГА ЕВРОПА, 1.КОЛО

ГРУПА А

Брондби – Спарта Прага 0:0

Ренџерс – Лион 0:2

ГРУПА Б

Монако – Штурм Грац 1:0

ПСВ Ајндховен – Реал Сосиедад 2:2

ГРУПА Ц

Лестер – Наполи 2:2

ГРУПА Д

Ајнтрахт Франкфурт – Фенербахче 1:1

Олимпијакос – Антверпен 2:1

ЛЕСТЕР – НАПОЛИ

АЈНТРАХТ – ФЕНЕРБАХЧЕ

РЕНЏЕРС – ЛИОН

ПСВ АЈНДХОВЕН – РЕАЛ СОСИЕДАД

МОНАКО – ШТУРМ

Актуелниот десеткратен европски шампион, Барселона стигна до гостинска 21:25 (10:13) победа кај Флензбург комплетирајќи го првото коло во ЕХФ Лигата на шампионите и најавувајќи дека и оваа сезона ќе се први фаворити за титулата.

Каталонците почнаа моќно, со 1:4 водство на стартот на мечот, и во ниту еден момент не му дозволија на бундеслигашот да се врати во игра и да се доближи на помала разлика.

Дика Мем беше најефикасен за Барса со седум гола, додека шест уфрли неговиот сонародник Мелвин Ришардсон, додека кај Флензбург, Хампус Ване и Ханс Арон Менсинг имаа по шест гола.