Спорт
Дурент се врати, Феникс ги растури Лејкерси – доминантни партии на Европејците
Кошаркарите на Феникс на домашен терен ги победија Лос Анџелес Лејкерс со 127:100 и ја прекинаа серијата од пет последователни порази во НБА лигата. Во тимот на Феникс се вратија Кевин Дурент и Бредли Бил.
Клучната разлика Феникс ја направи во третиот период, го доби со 36:18.
Девин Букер беше најефикасен во победничкиот тим со 26 поени, имаше и 10 скока, додека Бил и Дурент постигнаа по 23 поени.
Во тимот на Лејкерси дабл-дабл учинок имаше Ентони Дејвис со 25 поени и 15 скока, Леброн Џејмс запиша 18 поени и 10 асистенции, додека ДиАнџело Расел постигна 16 поени.
Кошаркарите на Милвоки на гости го победија Мајами со 106:103, што е нивна петта последователна победа во НБА лигата.
Во текот на третата четвртина гостите водеа со најголеми плус 22 (76:54), а до крајот на овој период Мајами успеа да намали на 85:80.
Во последната четвртина Мајами не успеа да направи целосен пресврт, бидејќи Тајлер Хиро промаши шут за победа.
За Милвоки, поради повреда не играше Јанис Адетокумбо. Демијан Лилард ги предводеше Бакс со дабл-дабл учинок од 37 поени и 12 асистенции. Ова е десетти меч во кариерата на најмалку 35 поени и 10 асистенции што се изедначија со Алан Ајверсон на деветтото место на вечната листа.
Победи изминатата ноќ забележаа и кошаркарите на Хјустон, Чикаго и Сан Антонио.
Европските центри беа главни играчи во своите тимови на тие натпревари. Турчинот Алперен Шенгун ја одбележа вечерта со трипл-дабл учинок (22 поени, 11, скока, 10 асистенции) во победата на Хјустон против Минесота 117:111, Виктор Вембањама го предводеше Сан Антонио против Јута со 34 поени (128:115). ), додека Никола Вучевиќ со 19 поени и 12 скока придонесе за победата на Чикаго над Вашингтон 127:108.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

