Спорт
Душан Ивковиќ имал шанса да биде прв странски тренер во НБА лигата
Легендарниот кошаркарски тренер, Душан Дуда Ивковиќ можел да стане прв странски тренер во НБА лигата уште во 2002 година. Тој тогаш преговарал со Денвер Нагетс, но до договор не дошло поради чудни околности.
„Имав прв состанок во Ница со ЦСКА Москва. Истовремено добив понуда од Денвер, отидов во Њујорк, рзговарав со Кики Вандевеге, тогашен генерален секретар на Нагетси, а потоа заедно со мојот агент и со уште тројца скаути отидовме на вечера. Цела ноќ, додека јадевме, ми поставуваа прашања. На крајот агентот Бил Даф ми рече `Подготви се утре наутро да потпишеш договор` раскажува Ивковиќ за грчки „Sport24″.
Сепак, следниот ден настанал пресврт.
„Ги договоривме условите за соработка, воедно и мојата улога. Се договоривме во првата година да бидам советник, односно да учам од НБА, а потоа да потпишам двегодишен договор. Следното утро бевме на кафе и ми рекоа дека сопствениците се на одмор и дека не може ништо да се заврши. Ми рекоа да бидам трпелив неколку дена, на што им реков дека за 2 недели имам состанок со ЦСКА. Поминуваа деновите и јас потпишав за ЦСКА“ вели Дуда Ивковиќ.
Следувала уште една покана од Денвер, но предоцна.
„По некое време добив повик од Денвер, ми рекоа `Тренеру, ние сме подготвени`. Им реков `Жал ми е, потпишав за ЦСКА` – открива Ивковиќ.
Српскиот стратег во трите години додека беше во московскиот клуб не успеа да ја освои Евролигата.
Тоа што не му успеа со „армејците“, го постигна со Олимпијакос, во 1997 и во 2012 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Се пишат три бода, Родриго за триумф на Реал во Виторија
Фудбалерите на Реал, славеа победа 2:1 на „Мендизороза“ во Вторија, над Алавес, во 16-то коло на шпанското првенство.
Работите не одат добро за Мадрид во последно време, па за Чаби Алонсо и тимот, победата во овој натпревар беше императив. До неа се стигна со многу мака, поради што се уште не е сигурна идноната на шпанскиот тренер.
Се чинеше дека Реал лесно ќе победи, кога Килијан Мбапе погоди за предноста во 24-та минута.
Тоа беше единствениот гол во првото полувреме, а вориот дел, поточно првата половина од овој дел од играта им припадна на домашните фудбалери.
За добрата игра беа нагадени со голот на Карлос Висенте, кој влезе во игра во 68-та минута, а 60 секунди подцна го изедначи резултатот.
Радоста на домашните траеше само неколку минути пред Родриго, на асистенција на Винисиус, да го постави конечниот резултат. Родриго по постот кој траеше осум месеци, или 32 натпревари, постигна гол и на вториот меч по ред, претходно погоди во средата против Манчестер Сити.
Со оваа победа, Реал се врати на четири бода зад лидерот Барселона. Алавес е на 12-то место.
Во следното коло, Реал ја пречекува Севилја, додека Алавес ќе гостува кај Осасуна.
Foto/ Depositphotos
Спорт
(Видео) Јувентус победи во Болоња
Фудбалерите на Јувентус ја победија Болоња на гостински терен (1:0) во дербито на 15-то коло од Серија А.
Херој на „Старата дама“, беше Хуан Кабал, кој постигна гол со глава во 64-та минута, по центаршутот на Кенан Јилдиз.
По директниот црвен картон за Торбјорн Хагем во 69-та минута, беше јасно дека тимот на Лучано Спалети ќе победи на „Ренато Дал’Ара“.
Болоња ќе жали за шансите во првото полувреме. Рикардо Орсолини имаше шанса во петтата минута, додека Надир Зортеа ја затресе гредата во судиското продолжение.
Летаргичното второ полувреме го прекина Кабал со одличен скок по комбинацијата на Јилдиз и Консеисао.
Со овој триумф, Јуве се искачи на петтото место, кое го држи со 26 бода. Тоа е седум помалку од водечкиот Интер.
Болоња нема победа три натпревари и моментално е шеста со 25 бода.
Foto/ depositphotos
Спорт
(Видео) Кејн спречи сензација во Минхен
Три минути го дела Мајнц од најголемата сензација сезонава во Бундес лигата, но Баерн сепак успеа да се спаси од пораз. Хари Кејн со гол од пенал во 88-та минута не дозволи последно пласираниот тим на табелата да победи во Минхен.
Баерн поведе во 29-та минута со голот на суперталентираниот Ленарт Карл, но во судиското продолжение во првото полувреме, Потулски израмни.
Во 67-та минута, Ли Џе Сунг ја шокираше „Алијанц Арена“ со гол за водство на гостите, но во 88-мата минута, Хари Кејн постигна гол од пенал и ги постави конечните 2:2.
Мајнц, убедливо најслабиот тим во Бундеслигата оваа сезона, остана со само една победа, и со седум освоени бода.
Ова беше втор нерешен резултат за Баерн во 14 кола, но имаат убедлива предност на врвот, девет поени повеќе од Лајпциг и Борусија Дортмунд.
Foto/ depositphotos

