Спорт
Два прекрасни концепти за новиот „Сан Сиро“ (галерија+видео)

Италијанските фудбалски гиганти Милан и Интер ги објавија последните два дизајнерски концепти за новиот стадион, кој треба да го замени застарениот „Сан Сиро“.
Претседателот на Милан, Паоло Скарони уште во јуни објави дека новиот стадион со 60.000 седишта ќе биде изграден веднаш до легендарниот Сан Сиро, а денеска на презентација се покажаа двата потенцијални дизајни.
Дизајнот „Катедрала“ од компанијата „Популус“ црпи инспирација од славната катедрала Дуомо и во неа се вклучени концепти за оддржливост, собирање на дождовница, нула-емисии и соларни панели. Американската компанија „Популус“ претходно го дизајнираа новиот стадион на Тотенхем.
„Инспирацијата е од иконите на Милано, како Дуомо и Галерија. Сакаме да се вклопи традицијата, богатата култура и архитектура со модерни нови концепти“, изјави директорот на „Популус“, Крис Ли.
Il progetto di #Populous per lo stadio di #Inter e #Milan, con museo per San Siro dove ora c’è il dischetto del centrocampo pic.twitter.com/fifY9uT2eT
— Daniele Mari (@marifcinter) September 26, 2019
Вториот концепт е на компанијата „Спортиум“ со име „Прстените на Милано“. Слично како „Алијанц арената“ во Минхен, која ги менува боите според тоа дали играат Баерн Минхен или 1860 Минхен, новиот стадион би ги менувал боите за Интер и Милан.
Овој план вклучува стаклени облакодери во близината на стадионите и огромен фудбалски терен веднаш до стадионот.
„Фасадите се отворени како театар и боите можат да се менуваат – кога ќе играм Милан ќе биде црвен, кога ќе игра Интер ќе биде син. Секој прстен одбележува еден од клубовите, обединети. Ова е стадион за жителите на Милано“, велат од „Спортиум“.
Проектот ќе чини над 1.2 милијарди евра и ќе придонесе за 3.500 нови вработувања во Милано.
Il progetto Manica-CMR per il nuovo stadio di #Inter e #Milan: il prato di San Siro sarà lasciato intatto sul tetto del nuovo centro commerciale pic.twitter.com/NhujM0ao9Z
— Daniele Mari (@marifcinter) September 26, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
НБА шампион пристигна во Басконија

Гвинејскиот кошаркар Мамади Диаките потпиша двегодишен договор со Басконија.
Во НБА, тој играше за Милвоки, Оклахома, Кливленд, Сан Антонио и Њујорк. Стана НБА шампион со Милвоки Бакс во 2021 година.
Дијаките ја помина минатата сезона во Вели Санс, филијалата на феникс во развојната НБА лига. Имаше просек од 13,6 поени, 8,4 скока и 2,2 асистенции по натпревар.
Кошаркарите на Басконија ќе го пречекаат Олимпијакос во првото коло од Евролигата на 30 септември.
Фото/ Принтскрин
Спорт
Едерсон сака да го напушти Манчестер сити

Бразилецот Едерсон по осум години е подготвен да го напушти Манчестер сити. Сериозен интерес за него покажа Галатасарај. Челниците на турскиот првак испратија понуда од 10 милиони евра, но Манчестер Сити сè уште не ја прифатил.
Англискиот шампион го држи турскиот клуб во неизвесност бидејќи бара поголема отштета, па затоа сè уште не е постигнат договор меѓу клубовите.
Од друга страна, Едерсон и Галатасарај целосно се согласиле, бразилскиот голман сака трансфер и е подготвен веднаш да ги заврши лекарските прегледи, тврди германскиот новинар Флоријан Плетенберг.
Едерсон е во клубот од Манчестер во последните осум години. Тој има 372 настапи,, со клубот освоил 18 трофеи.
Фото/ Принтскрин
Спорт
Санчо ја одби Рома

Џејдон Санчо нема да ја продолжи кариерата во Рома, пишува „Скај Спортс“.
Италијанскиот клуб испрати понуда од 23,6 милиони евра за напаѓачот на Манчестер jунајтед, а Санчо во меѓувреме разговарал и со Римјаните. Сепак, тој одлучил дека сака да истражи други опции.
Како што објави „Скај Спортс“, одлуката не е поврзана со личните услови. Неколку клубови сè уште се заинтересирани за Санчо, меѓу кои се издвојува Борусија Дортмунд.