Спорт
Два шпански тима се пред елиминација од ЛШ

Европската фудбалска среда носи голем број важни и потенцијално интересни дуели.
Поради звучноста на имињата, големината и трофејната традиција на Баерн и Барселона, нивниот дуел во Шпанија привлекува поголемо внимание од другите седум натпревари во Лигата на шампионите.
Во различно расположение Барса и Баерн ќе влезат во меѓусебната пресметка, во Ц групата. Баерн со максимални 12 поени веќе е во осмина-финалето, додека на Барса ѝ е потребно чудо за пласман во наредната рунда. Барселона треба да победи и да чека кикс на Интер против Викторија Плзен.
Доколку Интер слави притив шампионот на Чешка ќе обезбеди место во нокаут-фазата и во исто време ќе ја испрати Барселона во Лига Европа.
Табела, Група Ц:
Баерн 12, Интер 7, Барселона 4, Викторија 0.
Во групата А работите се јасни. Наполи со максимален ефект од четири победи веќе се пласираше во осмина-финалето, па сега единствено прашање е дали ќе ја потврдат лидерската позиција. Наполитанците се апсолутни фаворити, Глазгов Ренџерс.
Дерби во оваа група е пресметката во Амстердам помеѓу Ајакс и Ливерпул. Јирген Клоп и неговите играчи доколку не загубат и теоретски ќе обезбедат место меѓу најдобрите 16.
Табела, Група А:
Наполи 12, Ливерпул 9, Ајакс 3, Ренџерс 0.
Односот на силите е интересен и во групата Б, каде Бриж (10) ги изненади и воодушеви сите со тоа што обезбеди пласман во следната фаза од елитното натпреварување на УЕФА. Во случајот со белгискиот состав, единствената дилема е дали тие ќе останат на врвот на табелата. Тие ќе бидат победници во групата доколку останат непоразени против Порто додека португалскиот претставник ќе им се придружи доколку биде победник, а Атлетико остане со празни раце против Баер Леверкузен.
Табела, Група Б:
Бриж 10, Порто 6, Атлетико 4, Баер Леверкузен 3.
Најголем метеж и неизвесност има во групата Д, каде што никој не е безбеден и мирен, но не е отпишан од кругот на кандидати за Топ 16 во пресрет на последните 180 минути.
Тотенхем може да обезбеди пласман понатаму, под услов да го победи Спортинг на својот стадион. Марсеј има шанса да профитира ако победи против Ајнтрахт во Франкфурт, а Англичаните го совладаат Спортинг.
Португалците можат д наредната рунда доколку го победат Тотенхем, а Ајнтрахт и Марсеј одиграат нерешено.
Табела, Група Д:
Тотенхем 7, Марсеј 6, Спортинг 6, Ајнтрахт 4.
Програмата во ЛШ од 18:45 часот ќе ја отворат Интер и Викторија Плзен, односно Бриж и Порто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер оствари рекорден приход

Италијанскиот фудбалски гигант Интер оствари рекордни 567 милиони евра приходи во изминатата финансиска година, беше објавено на веб-страницата на клубот.
Финансиските извештаи за сезоната 2024/25 покажуваат приходи од 567 милиони евра, што е зголемување од 94 милиони евра во споредба со претходната сезона. Ова е рекорд, не само за Интер, туку и за италијанскиот фудбал како целина. Претходниот рекорд го држеше Јувентус кога имаше приходи од 464 милиони во првата сезона на Роналдо.
Рекордните приходи на Интер се резултат на зголемените приходи од домашните и европските натпреварувања, како и учеството во првото издание на проширеното Светско клупско првенство. Во исто време, имаше зголемување на комерцијалните приходи од спонзорства и натпревари.
Интер ја затвори финансиската година со нето добивка од 35,4 милиони евра, во споредба со загуба од 35,7 милиони евра во претходната финансиска година. Интер ја заврши рекордната финансиска година без трофеј.
Во финалето на Лигата на шампионите загуби од ПСЖ, во Серија А беше втор од Наполи, во Купот на Италија испадна во полуфиналето против градскиот ривал Милан, „росонерите“ беа подобри и во финалето на Суперкупот на Италија, додека на клупскиот Мундијал клубот загуби од Флуминензе.
Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.