Спорт
Две легенди пристигнаа во МЛС: Сон во Лос Анџелес, Милер во Ванкувер

Во ист ден, ФК Лос Анџелес го претстави јужнокорејскиот ас Сон Хјунг-мин, додека легендарниот германски фудбалер Томас Милер позираше со дресот на Ванкувер Вајткепс.
Фудбалскиот клуб од Лос Анџелес го објави трансферот на екс-капитенот на Тотенхем, Сон Хјунг-мин. Договорот со 33-годишниот Кореец важи до 2027 година. Исто така, предвидува можност за продолжување за една или две сезони.
Црно-златните официјално го претставија Сон на стадионот „БМО“, само еден ден откако слета во Соединетите Држави. ЛАФЦ за него плати 26,5 милиони долари, што е апсолутен рекорд за трансфер во МЛС.
На почетокот на август, Сон Хјунг-мин го објави своето заминување од Лондон. Тој играше за Тотенхем десет години. Почнувајќи од 2015 година, одигра вкупно 454 натпревари постигна 173 гола со 101 асистенција.
Круната на својата кариера, а воедно и најубавото збогување со Тотенхем, го доживеа на 21 мај кога го крена трофејот од Лигата на Европа со капитенската лента околу раката по победата од 1:0 над Манчестер јунајтед во финалето во Билбао.
Истиот ден, само во Канада, уште една легенда на светскиот фудбал, Томас Милер, се пресели во МЛС и официјално стана фудбалер на Ванкувер Вајткепс.
Договорот со 35-годишниот Германец беше потпишан до крајот на сезоната 2025 година со можност за продолжување за една година.
Томас Милер го напушти Баерн Минхен по 25 години, вкупно, одигра 756 натпревари, постигна 250 голови и имаше 276 асистенции.
Играјќи за Баерн, тој стана еден од најтрофејните играчи во историјата на фудбалот. Освои вкупно 33 трофеи.
Фото/ Принскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Европскиот првак на колена пред Грузија

Репрезентацијата на Грузија забележа над бранителот на титулата Шпанија 83:69, во првиот натпревар во Ц групата на 42. Европско првенство во кошарка. Натпреварите во ова група се играта во Лимасол, Кипар. Подоцна ќе играат Кипар-Босна и Херцеговина и Италија-Грција.
Шпанија со видно изменет состав допатува на Евробаскетот и уште во првиот меч се покажа дека ќе очекува тежок пат. Грузија, од првата до последната секунда го контролираше натпреварот. Шпанците само еднаш водеа, во финишот на прворо полувреме.
Грузија во првиот период стеква двоцифрена предност а откако Шпанците се вратија во натпреварот, предноста на Грузините се движеше најчесто од четири до осум поени.
Во завршницата кога Гога Ботадзе постигна осум поени во серија, Грузија дојде до плус од 16 поени и го реши победникот.
Мамукелашвили ги предводеше Грузијците со 19 поени, седум скока и шест асистенции, Битадзе имаше 15 поени, Шенгелија 13 за 20 минути на паркетот, Болдвин постигна 12 поени, додека Санадзе сите 11 поени ги постигна во првото полувреме.
На спротивната страна, Хуанчо имаше 13 поени, Алдама 12 (5/15) од поле, а Бризуела уфрли 11.
Foto/ EPA/GEORGI LICOVSKI
Спорт
Колку е лош Јунајтед на Рубен Аморим?

Мандатот на Рубен Аморим во Манчестер јунајтед стана синоним за неуспех. „Црвените ѓаволи“ синоќа го допреа дното, испаднаа во второто коло во Лига купот од членот на Четвртата лига, Гримзби, што се смета за историски неуспех.
Рубен Маорим, донесен да го стабилизира тимот, стана најлошиот менаџер во поновата историја на славниот клуб. Катастрофата на Јунајтед под Аморим ја покаѓуваат и бројките.
Катастрофата против Гримзби достигнува епски размери бидејќи летово Јунајтед на засилувања потрошија 200 милиони фунти.
Аморим победил на само 24,7 отсто од натпреварите во Премиер лигата, што е најлош учинок на кој било менаџер на Јунајтед по заминувањето на Сер Алекс Фергусон.
За споредба, често критикуваниот Дејвид Мојес имаше половичен успех, победи на 50 отсто од натпреварите, додека Жозе Мурињо е убедливо најдобар со 58,3 отсто победи.
Јунајтед победи само на седум од 29 лигашки натпревари под водство на Аморим, односно тимот победува на еден од четири натпревари, учинок што му доликува на тим во зоната за испаѓање.
Минатата сезона беа освоени само 42 бода, најмалку во историјата на клубот во Премиер лигата, додека 15-то место на табелата е најлошата позиција откако лигата се игра во овој формат.
Тимот постигна само 44 гола во текот на целата сезона, соборувајќи уште еден негативен рекорд.
Јунајтед ретко постигнувал голови во првата половина од натпреварите, во петте најдобри европски лиги, само Џенова била понеефикасна во првите 45 минути од почетокот на сезоната 2024/25.
Фактот дека Аморим има водено повеќе натпревари во Премиер лигата (29) отколку што има добиено (28) е особено разочарувачки.
Во домашните купови и во Европа, против англиски клубови, Аморим има само една победа од пет натпревари, против Арсенал на пенали во ФА Купот.
Тие беа поразени од Тотенхем (двапати), Фулам и во среда од четвртолигашот Гримсби.
Извор/ Би-би-си
Спорт
Милан експресно го договори трансферот на Нкунку

Челзи и Милан експресно го договрија трансферот на напаѓачот Кристофер Нкунку.
Клубовите го договорија трансферот за помалку од 24 часа. Двете страни се согласија за обештетување од околу 35 милиони евра.
Што се однесува до Нкунку, тој ќе потпише петгодишен договор со „росонерите“. Потенцијалниот француски репрезентативец е седмото засилување на Милан, но преодниот рок сè уште не е завршен. Тие би сакале да доведат уште еден напаѓа и стопер на „Сан Сиро“. Главни кандидати во моментов се Душан Влаховиќ и Артим Довбик, односно Мануел Аканџи.
Нкунку дојде во Челзи како големо засилување во 2023 година од РБ Лајпциг за 60 милиони евра. За две сезони, тој одигра 62 натпревари и постигна 18 голови.