Спорт
Две супер пресметки во четврт-финалето во ЛШ
Познати се двојките за четврт и полу-финалето во најпрестижното клупско натпреварување во светот, Лигата на шампиони. На ждрепката во Нион, се најдоа три тима од Англија, два од Германија и по еден од Шпанија, Португалија и Франција. Прв пат по пет години, Италија нема екипа меѓу најдобрите осум во Европа.
Ждрепката во четврт-финалето, ги спои минатогодишните финалисти, Баерн и ПСЖ и ова е едно од двете дерби средби во оваа фаза, втората е Реал-Ливерпул. Актуелниот европски првак, доколку го мине ПСЖ и во полу-финалето ќе има тешка задача бидејќи веројатно ќе игра против Манчестер сити. „Граѓамиѕе“, во четврт-финалето, се фаворити против Борусија Дортмунд.
Четврт-финални двојки:
Манчестер сити- Борусија Дортмунд
Порто-Челси
Бајерн Минхен-ПСЖ
Реал Мадрид-Ливерпул
Полу-финални двојки:
Бајерн Минхен/ПСЖ- Манчестер сити/ Борусија Дортмунд
Реал Мадрид/Ливерпул- Порто/Челси
Првите натпревари ќе се одиграат на 6. и 7.април, а реваншите се една недела подоцна.
Полу-финалните дуели ќе се играат на 27. и 28.април, реваншите на 4. и 5.мај, а финалето во Истанбул на програмата е на 29.мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Познати сe полуфиналните термини во Лигата на шампионите
Пари Сен Жермен, Борусија Дортмунд, Баерн Минхен и Реал Мадрид се пласираа во полуфиналето, во Лигата на шампионите.
Познато е дека во полуфиналето ќе се сретнат Пари Сен Жермен и Борусија Дортмунд, односно Баерн Минхен и Реал.
Домаќини на првите натпревари ќе бидат германски клубови, додека реваншите ќе се играат на „Паркот на принцовите“ во Париз и на „Сантијаго Бернабеу“ во Мадрид.
Полуфиналните натпревари се закажани за 30 април и 1 мај, а реваншите на 7 и 8 мај.
Сите натпревари започнуваат во 21:00 часот.
Финалето на Лигата на шампионите е на 1 јуни на стадионот „Вембли“ во Лондон.
Спорт
Де Роси ќе ја води Рома и следната сезона
Даниеле Де Роси и следната сезона ќе остане на клупата на Рома. Поранешниот капитен ги оправда очекувањата и на навивачите и на клупските челници.
Поранешниот италијански репрезентативец, функцијата ја презеде од Жозе Мурињо, кој доби отказ во јануари по поразот од Милан (1:3).
Де Роси ја донесе Рома на петтото место на табелата, кое според сегашната ситуација треба да го одведе тимот во Лигата на шампионите, бидејќи Италија во моментов води на УЕФА рангирањето на најдобрите клубови и со тоа би добила уште едно место во елитното европско клупско натпреварување.
Исто така, Рома е и во четвртфиналето на Лига Европа, каде со Милан се бори за место меѓу најдобрите четири екипи.
„По средбата со Даниеле Де Роси, можеме да кажеме дека ќе остане со нас и следната сезона. Тој донесе позитивни промени и сакаме да продолжиме по тој пат“, изјавија газдите на Рома, Американците Ден и Рајан Фридкин.
Спорт
Судиите во Украина пред натпревар ќе одат на полиграф
Легендарниот украински фудбалер Андриј Шевченко воведува неверојатно правило во тамошниот фудбал. Судиите ќе мора да поминат на полиграф пред натпреварите. Судиите ќе бидат избрани по случаен избор, а целта на овој проект во украинскиот фудбал е да се стави крај на местењето натпревари.
Оваа информација ја пренесува италијанскиот весник „Кориере дела сера“, со образложение дека идејата на Шевченко има за цел „да ја намали корупцијата во фудбалот и да спречи местење натпревари“.
Судиите ќе мора да поминат тестирање пред натпреварите. Нешто слично како случајните допинг тестови за фудбалерите, кои се прават по натпреварите.
„Го гледаме полиграфот како шанса да добиеме повеќе информации и да разбереме кои судии можат да се справат со оваа работа, а кои не. Почнуваме од нула“, рече Шевченко, поранешен напаѓач на Милан, Челзи и Динамо Киев.