Спорт
Ѕјуба по скандалот со мастурбирањето утна пенал, постигна гол и се извини!

Артем Ѕјуба го комплетираше проблематичниот викенд во кој се најде во скандал со видео на кое мастурбира, со промашување пенал, но и со гол за Зенит при 3:1 победата над Краснодар.
Капитенот на Зенит и на руската репрезентација беше дел од голем скандал во Русија, откако се појави видео на кое тој се самозадоволува, по што рускиот селектор Станислав Черчесов го исфрли од репрезентацијата за следните три меча. Зенит пак, решија капитенската лента да оди кај Дејан Ловрен, кој пристигна во клубот ова лето, а Ѕјуба беше пречекан со свирежи од дел од публиката.
Работите да станат полоши, тој утна пенал во првото полувреме, а гостите поведоа со голот на Маркус Берг во 15. минута. Но, откако Далер Кузјаев израмни за Зенит во 64. минута, Ѕјуба се запиша во листата на стрелците 10 минути подоцна, по што им праќаше бакнежи на навивачите. Алексеј Сутормин ги постави конечните 3:1 во емотивен меч за него, кој го играше само еден ден по смртта на неговиот татко.
По мечот, тој ја предаде својата награда за фудбалер на мечот на Сутормин, а потоа објави видео на својот Инстаграм профил во која се заблагодари на фановите и призна дека е „човек кој прави грешки“.
? VAAAMOOOOOSSSSS! ARTEM DZYUBA MAKES IT 2-1!
2-1 #ZenitKrasnodar | #WinlineDerby pic.twitter.com/2jqfMvkSnf
— FC Zenit in English✨ (@fczenit_en) November 8, 2020
Дзюба отдал приз лучшему игроку матча Сутормину. У Алексея перед игрой скончался отец ?
Лови флеш-интервью Артема после битвы с «Краснодаром»:https://t.co/WrQI5H2g4z pic.twitter.com/f4jaNyOx9e
— Матч ТВ (@MatchTV) November 8, 2020
An emotional Artem Dzyuba addresses fans:
‘Like any person, I’m not ideal. I make mistakes like everyone… I appreciate the people who are with me in tough times… This is my path, it’s not easy. I hope I can be a good person… I tried not to break today, but it was tough.' https://t.co/3ygnwdZ3tY
— Liam Tyler (@tyler_lj) November 8, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.
Спорт
(Видео) Хамилтон: Бескорисен сум

Луис Хамилтон се огласи по борбата за пол-позицијата за Големата награда на Унгарија.
Хамилтон го имаше 11-то најдобро време со 1:15.702 во квалификациите на Хунгароринг. Очекувано не беше задоволен од тоа настапот во квалификациите.
„Јас сум бескорисен, апсолутно бескорисен. Тимот нема проблем, можете да го видите автомобилот на пол-позиција. Веројатно треба да го сменат возачот“, изјави Хамилтон за „Скај Спортс“.
Неговиот колега Шарл Леклер го имаше најдоброто време и ќе стартува од пол-позицијата на трката во недела. Леклер беше најбрз со 1:15.372.
“It’s me every time. I’m just useless. The team has no problem. The second car is on pole, so they probably just need to change driver.”
Distraught Lewis Hamilton after qualifying 💔
— Ferrari News 🐎 (@FanaticsFerrari) August 2, 2025
Спорт
Леклер ја грабна пол-позицијата на Хунгароринг

Шарл Леклер ги шокира возачите на Мкларен во квалфикациите за трката на Големата награда на Унгарија. Возачот на Ферари ја освои 27. пол позиција во кариерата, до неа дојде со резултат 1:15.327 минути.
Мекларен, најдоминантниот тим сезонава во првенството на Формула 1, доминираше на тренинзите и во првите две квалификациски сесии, но двајцата возачи разочараа во последното излегување на патеката. Постигнаа времиња далеку под она што можат со доминантниот болид.
Осакр Пјастри, лидерот во првенството, трката ќе ја започне веднаш до Леклер, а неговиот тимски колега Ландо Норис го освои третото место. До него, од вториот ред, трката ќе ја започне возачот на Мерцедес, Џорџ Расел.
Неизвесноста во борбата за пол-позицијата најдобро го отсликува податокот дека разлиата меѓу првиот и четвртиот беше само 53 илјадити делови од секундата.
Третиот ред на стартот го освоија пилотите на Астон Мартин: Фернандо Алонсо и Ленс Строл.
Блесна во квалификациите Габриел Бортолето. Бразилецот со Кик заубер го освои седмото место, пред светскиот првак Макс Ферстапен. Зад него се возачите на сестринскиот тим, Рејсинг Булс: Лијам Лосон и Исак Хаџар.
Аполутно разочарување во квалификациите е Луис Хамилтон. Седумкратниот шампион трката во Унгарија ќе ја започне од 11.место.
Големата награда на Унгарија, на Хунгароринг се вози в недела од 15 часот.
Foto/ EPA/Zsolt Czegledi