Спорт
Еден „пеколен“ удар за титула – Вајлдер со брутален нокаут над Ортиз (видео)

Непоразениот ВБЦ шампион во тешка категорија, Дионтеј Вајлдер уште еднаш покажа зошто го сметаат за боксерот со најопасен удар по Мајк Тајсон, праќајќи го Луис Ортиз на подот во седмата рунда во саботата да ја одбрани титулата.
Вајлдер (42-1-0, 41 КО), беше надбоксуван во седум рунди од мечот во „МГМ Гранд гарден арената“, но еден удар со десната рака го „заврши“ Ортиз, за 10. одбрана на титулата која ја освои во 2015 година, по што следува пресметката со Тајсон Фјури во февруари.
Еден удар со десницата го прати Ортиз (31-2, 26 КО) на подот, и иако тој успеа да стане на нозе и да го изддржи броењето до десет, судијата Кени Бејлес го прекина мечот.
„Гледате зошто никој не сакаше да боксува со Ортиз. Тој е умешен, боксер со стратегија и морав да се играм со него и да го чекам мојот момент. Имам голем интелект во рингот, иако никој не зборува за тоа. Му ја најдов мерката и го повредив“, вели 34-годишниот Вајлдер.
Многу боксерски експерти сметаа дека Вајлдер прави непотребен ризик со прифаќање на ри-меч со опасниот 40-годишен Кубанец, посебно бидејќи мечот со Фјури е на само три месеци. Ортиз го покажа квалитетот со 35-34 однос на удари додека мечот не беше прекинат.
„Тоа е боксот. Им кажав на сите дека ќе биде – или тој или јас и дека нема да заврши во 12 рунди“, признава Ортиз.
Scary power from Deontay Wilder. Here’s the knockout! ??? #WilderOrtiz2 pic.twitter.com/Vgi9X51FXO
— Chris Burke (@chrisburke) November 24, 2019
DEONTAY WILDER. ONE SHOT KO!!
???
pic.twitter.com/EYBPHgMGcL— Complex Sports (@ComplexSports) November 24, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ништо од Димитриевски, Леванте го потпиша Мет Рајан

Голманот на фудбалската репрезентација на Македонија, Столе Димитриевски ги разгледува опциите да го смени клибот до крајот на преодниот рок. Валенсија, откако Георги Мамардашвили си замина во Ливерпул, на позајмица го донесе Хулен Агирезабала од Атлетик Билбао и тој е проектиран да биде прв голман.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул.
Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија, на барање на тренерот Карлос Корберан, на позајмица го донесе Хулен Агирезабала од Атлетик Билбао. По овој потег што го повелекова „лилјаците“ беше јасно дека Димитриевски ќе замине од „Местаља“.
Пред пет дена шпанските медиуми објавија дека Димитиревски е блиску до договор со Леванте, но по се изгледа трансферот нема да се случи.
Претпалднево, Леванте повтрдија дека потпишале договор со искусниот австралиски голман Мет Рајан (33). Тој потпиша како слободен агент (година плус година), откако му истече договорот со Ленс.
Шпанските медиуми, пред три недели, пишуваа дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Евертон плати 40 милиони евра за Диблинг

Поранешниот фудбалер на Саутемптон, 19-годишниот Тајлер Диблинг, ќе ја продолжи кариерата во синиот дрес на Евертон.
Клубот од Ливерпул потпиша четиригодишен договор со талентираниот фудбалер, а „Светците“ ќе добијат 35 милиони фунти (околу 40,5 милиони евра) како обештетување, евентуално уште пет милиони во бонуси, што е вкупно 40 милиони фунти (околу 46 милиони евра).
Диблинг дебитираше за Саутемптон кога имаше само 17 години, а во Евертон ќе го носи дресот со број 20.
Диблинг е осмото засилување за тимот на Дејвид Мојес ова лето.
Пред него пристигнаа Џек Грилиш (позајмен од Манчестер сити), Карлос Алкараз (Фламенго), Тиерно Бери (Виљареал), Марк Траверс (Борнмут), Адам Азну (Баерн), Кирнан Дјусбери-Хол (Челзи) и Том Кинг (Вулверхемптон).
Во второто коло од Премиер лигата, Евертон за прв пат играше на новиот стадион „Хил Дикинсон“ и го победи Брајтон со 2:0.
Foto/ Everton FC
Спорт
16-годишно момче во 100-тата минута му донесе победа на Ливерпул – Кој е Рио Енгумоу?

Неверојатно драматичен натпревар на „Сент Џејмс Парк“, синоќа одиграа Њукасл и Ливерпул. „Црвените славеа со 3:2, во последниот натпревар од второто коло на Премиер лигата.
Со играч помалку и два гола негатива, Њукасл успеа да израмни во 88-та минута и реално, според сè што се случуваше на теренот, домашните не само што заслужија бод, тие заслужија да победат.
И кога изедначија, и покрај тоа што беа со играч помалку, тие напаѓаа за победа. На крајот едно невнимание и лошата поставка во одбраната, го искористи тинејџерот на Ливерпул, Рио Енгумоу.
Тој влезе во игра во шестата минута од судиското продолжение наместо Коди Гакпо и во 100-та минута му донесе победа на Ливерпул.
Тој стана најмладиот стрелец во историјата на клубот. И тоа на своето деби во Премиер лигата.
Рио Енгумоу има 16 години (за неколку дена, на 28 август, ќе го прослави својот 17-ти роденден).
Станува збор за поранешен ученик на Академијата на Челзи и младински репрезентативец на Англија по потекло од Нигерија. Англиските медиуми велат дека не можат да си простат на „Стемфорд Бриџ“ што дозволиле таков талент да го напушти клубот. Тој дојде во Ливерпул минатото лето, играше во младинската Лига на шампиони, но Арне Слот брзо го префрли да тренира со првиот тим.
Дебитираше за првиот тим на Ливерпул на 11 јануари 2025 година и стана најмладиот стартер во историјата на клубот во победата од 4:0 против Акрингтон Стенли во ФА Купот. Имаше точно 16 години и 135 дена.
Значи, за неколку дена ќе наполни само 17 години, а веќе покажува неверојатен талент и спортска дрскост. Англиските медиуми ја објавија неговата самоуверена изјава пред неколку месеци:
„Навистина верувам дека еден ден можам да ја освојам Златната топка. Сакам да станам фудбалска легенда и еден од најдобрите играчи на сите времиња“, рече Рио Енгумоа.
A star is born 🌟
Rio Ngumoha's dramatic winner for Liverpool made the wonderkid the fourth youngest goalscorer in Premier League history pic.twitter.com/MXJ4ZyVq8T
— Transfermarkt.co.uk (@TMuk_news) August 25, 2025