Спорт
Една недела по елиминацијата од СП Нејмар организирал забава во вилата на својата сестра
Помалку од една недела по шокантното испаѓање на Бразил во четвртфиналето на Светското првенство, првата ѕвезда на тимот Нејмар се најде на удар на домашната јавност. Причината е што веднаш по слетувањето во Бразил, напаѓачот на ПСЖ организирал забава во вилата на неговата сестра во Сао Паоло.
Бразилските медиуми пишуваат дека Нејмар направил се за да ја сокрие и прикрие забавата, но не успеал. На забавата било забрането да се користат мобилните телефони.
Меѓу гостите биле неколку личности од бразилската естрада, а присутен бил и неговиот соиграч од репрезентацијата и играч на Манчестер јунајтед, Антони.
„Овој тип не е за националниот тим… Погледнете само како игра за своите клубови и погледнете како игра за репрезентацијата на Бразил… Дали сте виделе како играше Меси?“, беше еден од коментарите. на разочараните навивачи.
„Леле, дали сите сакаат целосно да потонат поради слабата репрезентација? Тој е тука, му е жал, сега животот продолжува. Тој е млад, богат и има повеќе причини да биде среќен. Ништо подобро од добра забава за подобрување на менталната состојба. “, пишува еден од корисниците кој решил да застане на страната на Нејмар.
Бразил во четвртфиналето на СП испадна од Хрватска. По 120 минути игра резултатот беше 1:1, голот за „Селесао“ го постигна Нејмар. Пенал-серијата им припадна на Хрватите со 4:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.