Капитенот на македонската фудбалска репрезентација Горан Пандев на најдобар начин ја започна новата сезона во Серија А.

Пандев во стартната постава го започна мечот против Кротоне и постигна гол во 10 минута за 2:0. Претходно Дсетро го постигна првиот гол за Џенова.

Фудбалерот на Тотенхем Деле Али наскоро би можел да се пресели во редовите на ПСЖ. Али во денешната победа над Тотенхем од 5:2 во Саутемптон не беше во протоколот.

Менаџерот на тимот Жозе Мурињо рекол дека има голем број на играчи и дека поради тоа Али не бил во протоколот, меѓутоа новинарите тврдат дека фудбалерот се подготвува да го напушти тимот.

Покрај тоа неименуван извор од Лига 1 реекол дека наскоро во Франција ќе се случи голем трансфер од Премиер лигата.

Тотенхем имаат намера да го продадат Али бидејќи овој преоден рок е еден од последните во кој ќе можат да извлечат добра сума на пари.

Возачот на Јамаха Маверик Вињалес победи на трката за Големата награда на Сан Марино и Римини. Шпанецот со првата победа во сезоната се искачи на второто место во генералниот пласман со 83 поени, колку шти има и Фабио Квартараро од Петронас Јамаха, додека со поен повеќе лидер е Андреа Довициозо од Дукати.

Вињалес кој стартуваше од пол-позицијата првото место му го препушти на Пеко Бањаја (Прамак Дукати) во четвртиот круг, но фдојде до победата откако лидерот во трката на седум круга до крајот направи грешка излета од патеката и не ја заврши трката.

Драматично беше во борбата за второто место, Жоан Мир на Сузуки на два круга до крајот успеа да ги мине Габиот Квартараро и Пол Еспаргаро (КТМ).

На крајот Мир заврши како втор, Квартараро мина трет низ целта, меѓутоа доби казна од три секунди па му го препушти местото на Еспаргаро.