Спорт
Едниот Богдановиќ блескаше против Портланд, другиот против Детроит (Видео)
Пет натпревари се одиграа изминатата ноќ во НБА лигата. Мемфис славеа против Атланта и се зацврстија на осмата позиција на Западот. Нивната позиција ја напаѓаат Сакраменто Кингс кои славеа во Портланд и ги оддалечија Блејзерси од местото кое води во разигрувањето. Хјустон во Шарлот го забележаа третиот последовен пораз, додека Голден стејт славеа против Филалдлефија.
Порталнд полека ги губат шансите за пласман во плејофот. Минатогодишните финалисти на Западот им го препуштија деветтото место на Сакраменто. Кингс славеа во Портланд со 123:111. Богдан Богдановиќ ги предводеше Сакраменто со 27 поени, Бади Хилд постигна 22, а Херисон Барнс 20 поени. На спротивната страна Си Џеј Мекалом и Хасан Вајтсајд реализираа по 19 поени.
Одлична ноќ имаше и другиот Богдановиќ, Бојан од Јута Џез. Хрватот постигна 32 поени во победата на Џезерите над Детроит 111:105.
Денвер забележаа уште еден изненадувачки пораз. Кливленд ги победија Нагетс со 104.102. Кевин Лав со 27 односно Колин Секстон со 25 поени беа најзаслужни за победата на Кавалирс.
Мемфис убедливо победија против Атланта 118:101. Гризлис ги предводеше Јонас Валанчиунас со 27 поени 17 скока.
Шарлот како домаќини го совладаа Хјустон со 108:99. Ова беше третиот пораз во низа за Хјустон, во чии редови Џејмс Харден забележа трипл-дабл од 30 поени, 10 скока и 14 асистенции. најефикасен кај Хорнетс беше Тери Розир со 24 поени.
Голден стејт ја запишаа 15 победа во сезоната. Вориорс, повторно без Стеф Кари, славеа во дуелот со Филаделфија 118:114.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Челси го плати 62 милиона евра, тој одигра 36 минути и ја заврши сезоната
Челзи ги извести своите навивачи дека до крајот на сезоната е завршена за 20-годишниот играч од средниот ред Ромео Лавија. Кариерата на талентираниот фудбалер е забавена поради повредите, последната повреда е трета од доаѓањето во Челси.
Лавија пристигна во Манчестер сити од Андерлехт на 16-годишна возраст, а во тимот на Пеп Гвардиола дебитираше на 17-годишна возраст. Сепак, во 2022 година беше продаден на Саутемптон за нешто повеќе од 22 милиони евра. Челзи го донесе во август минатата година во трансфер кој надмина 62 милиони евра.
Оттогаш, тој пропушти 10 натпревари поради повреда на скочниот зглоб и пет поради фитнес проблеми, а потоа во декември минатата година заработи повреда на тетивата, поради која ја заврши сезоната.
Оваа сезона одигра само 36 минути, сите против Кристал Палас.
Спорт
Нејмар сака да се врати во Барселона
Нејмар по само една година, во која одигра само неколку натпревари за Ал-Хилал, бил подготвен да ја напушти Саудиска Арабија. Шпанските медиуми тврдат дека тој ќе се врати во Барселона.
Бразилецот наводно веќе разговарал со претседателот на Каталонците Џоан Лапорта.
Нејмар играше седум години на Камп Ноу, од 2010 до 2017 година, кога се пресели во француски ПСЖ за рекордни 222 милиони евра.
Тој освои осум трофеи со Барса, вклучувајќи две титули во шпанската лига и една во Лигата на шампионите.
За Барселона одигра вкупно 186 натпревари, постигна 105 гола и забележа 76 асистенции.
По шест години минати во Париз, минатата година ја прифати астрономската понуда на Ал-Хилал од 150 милиони евра по сезона.
Сепак, по само пет натпревари, на кои постигна еден гол, ги повреди предните вкрстени лигаменти на левото колено.
Според Шпанците, пореално е да се очекува евентуалното враќање на Нејмар во Барса во летото 2025 година, кога ќе му истече договорот.
Причината се финансиските проблеми во каталонскиот клуб поради кои има ограничен буџет за трансфери и плати.
Спорт
Родри една година не доживеал пораз
Фудбалерот на Манчестер сити и шпанската репрезентација, Родри (27) зад себе има неверојатно достигнување. Еден од главните адути на Пеп Гвардиола нема загубено натпревар за клубот или репрезентација веќе една година.
Последниот пораз Родри го имаше во дресот на Шпанија од Шкотска во квалификациите за Европското првенство на 28 март минатата година.
Оттогаш Манчестер сити и Шпанија се непоразени во натпреварите во кои играше Родри. Шпанија неодамна загуби од Колумбија во пријателски натпревар, но со одлука на селекторот Луис де ла Фуенте Родри не играше на тој натпревар. Тој играше на следниот натпревар и со два гола беше најдобар играч во ремито (3:3) со Бразил.
Во овој период без пораз, Родри со Сити ги освои Лигата на шампионите, Премиер лигата, ФА Купот, Суперкупот на Европа и Светското клупско првенство. Некои истакнуваат дека го загубил „Комјунити Шилд“ од Арсенал, на почетокот на сезоната, но тој натпревар официјално заврши без победник по 120 минути, подоцна Арсенал славеше по изведувањето пенали.