Спорт
Едноставно недопирлива – Фрејзер-Прајс во историјата со четврто злато на 100 метри (видео)

Јамајчанката Шели-Ен Фрејзер-Прајс стигна до доминантна победа на 100 метри на Светското првенство во атлетика во Катар, за да стане првата личност со четири златни медали во историјата на натпреварувањата.
Фрејзер-Прајс, која се врати на атлетиката минатата година откако се породи со својот прв син, ја комплетираше доминантната трка со најдобро време оваа сезона од 10.71, пред Британката Дајна Ашер-Смит (10.83) и Мари-Жозе Та Лу од Брегот на Слоновата Коска (10.90).
Shelly-Ann Fraser-Pryce goes 10.71 seconds, fastest in the world this year, two years after childbirth, for her sixth combined Olympic or world 100m title. Greatest female sprinter in history? pic.twitter.com/p3jHyN11S1
— Nick Zaccardi (@nzaccardi) September 29, 2019
Единствно разочарување беше повторно слабата посетеност на „Халифа стадионот“ во Доха, каде што имаше помалку од 40.000 фанови.
Публиката која беше таму имаше можност да види еден светски рекорд, кога американската штафета 4х400 мешано (мажи и жени) постави нов светски рекорд од 3:09.34 за злато пред Јамајка и Бахреин, како и доминантната победа на Кристијан Тејлор во трискок со должина од 17.92 метри, речиси 20 сантиметри подалеку од сонародникот Вил Клеј.
Анжелика Сидорова го освои златото во скок со стап, но тоа нема да се смета за нејзината татковина Русија, која официјално е суспендирана и од овој шампионат. Сидорова скокна 4.95 метри за злато пред Американката Сенди Морис (4.90) и актуелната шампионка, Гркинката Катерина Стефаниди (4.85).
СП ВО АТЛЕТИКА, 3.ДЕН
100 МЕТРИ (Ж)
1.Шели-Ен Фрејзер-Прајс (Јам) 10.71
2.Дајна Ашер-Смит (Бри) 10.83
3.Мари-Жозе Та Лу (БСК) 10.90
4х400 МЕТРИ МЕШАНО
1.САД 3:09.34 СР
2.Јамајка 3:11.78
3.Бахреин 3:11.82
ТРИСКОК (М)
1.Кристијан Тејлор (САД) 17.92 м
2.Вил Клеј (САД) 17.74 м
3.Иг Фабриз Занго (Бур) 17.66 м
СКОК СО СТАП (Ж)
1.Анжелика Сидорова (Рус) 4.95 м
2.Сенди Морис (САД) 4.90 м
3.Катерина Стефаниди (Грц) 4.85 м
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Земјотрес во тенисот – Ѓоковиќ и колегите поднесоа тужба

Здружението на тенисери (PTPA), основано од Новак Ѓоковиќ, покрена правна постапка против управните тениски тела.
Документите беа поднесени во Окружниот суд на САД во Њујорк.
Во тужбата на 163 страници, меѓу другото, се вели дека „професионалните тенисери се заробени во наместена игра“ што им дава „ограничена контрола врз нивните сопствени кариери и брендови“.
Се критикува распоредот, системот на рангирање и контролата што постои кога е во прашање имиџот на играчите.
Жалбата беше поднесена од PTPA и 12 играчи, меѓу кои и Ѓоковиќ, неговиот ко-основачки партнер Васек Поспишил и Ник Кирjос – „во име на целата играчка популација“.
Со тужбата се бара крај на „монополската контрола“ на тениската турнеја, како и финансиска компензација од АТП, ВТА, ИТФ и ИТИА.
PTPA верува дека раководните тела функционираат како картел со тоа што склучуваат договори со турнири кои ги ограничуваат наградните фондови и ги спречуваат потенцијалните конкуренти да влезат на пазарот.
Тие сметаат дека распоредот е неодржлив, трае 11 месеци во годината, попатно барајќи од играчите да играат на преголема топлина или во раните утрински часови.
Поради ова, играчите страдаат од сериозни повреди на зглобот, лактот и рамото бидејќи топките се менуваат во текот на сезоната.
ITIA е обвинета за нарушување на приватноста поради пребарување на телефоните на играчите поради сомневање за корупција и допинг.
АТП годинава организира 60 настани во 29 земји. АТП тврди дека поделила 241,6 милиони долари на играчите во 2023 година.
ВТА оваа сезона нуди 51 турнир во 26 земји. Се истакнува дека во 2024 година на тенисерите им исплатила 221 милион долари.
Играчите често се жалеа дека не добиваат доволно висок процент од приходите што ги генерира спортот, поради што PTPA е создаден во 2020 година.
Спорт
Крај на сезоната за Митев

Фото/ facebook.com/rfmofficial
Средниот бек на Алкалоид и македонската репрезентација, Марко Митев, ја заврши сезоната.
Митев, се повреди во неделата, на натпреварот Словенија-Македонија во квалификациите за пласман на Европското првенство.
Средниот бек се повреди на почетокот на 19.минута. Во тој момент беше јасно дека повредата не е наивна.
Прегледите покажале дека ги повредил лигамнетите во коленото, поради што за него оваа сезона е завршена.
Не е познато колкава пауза го очекува Митев.
Прашање е што ќе се счучи и со неговиот евентуален трансфер. По Мундијалот, во јануари, интерес за Митев покажаа неколку германски екипи, кои биле подготвени и да платат обесштетување за да го откупат неговиот договор од Алкалоид.
Спорт
Димитријевиќ ќе го напушти Милано

Македонскиот репрезентативец Ненад Димитријевиќ ќе го напушти Милано по завршувањето на сезоната. Димитирјевиќ, минатото лето како големо засилување пристигна во Олимпија.
Димитријевиќ, минатата сезона, блескаше во дресот на УНИКС Казан, беше прогласен за МВП на руската лига.
За неговиот потпис се бореа неколку клубови од Евролигата, тој реши да потпише за тимот на тренерот Еторе Месина.
Нема баш најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.
Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.