Спорт
ЕФЛ Куп: Хаверц одговори со прв хет-трик за Челси, Арсенал победи во Лестер

Фановите на Челси беа нервозни за високата сума која ја платија за германскиот талент Каи Хаверц критикувајќи го неговиот учинок во првите два меча од Премиер лигата, но тој даде совршен одговор со својот прв хет-трик во кариерата за да помогне „сините“ да стигнат до 6:0 победа над Барнсли во Англискиот лига куп.
Теми Абрахам му помогна на Хаверц со две асистенции и со еден гол, а во листата на стрелците се запишаа и Рос Баркли и Оливие Жиру за рутинска победа против второлигашот.
Во единствениот меч меѓу два премиерлигаши, Арсенал стигна до 2:0 победа на „Кингс пауер“ против Лестер благодарение на автоголот на Кристијан Фукс во првото полувреме, за во 90-тата минута Еди Нкетија да ја потврди победата. Другите фаворити немаа проблеми – Евертон предводен од двата гола на Ришарлисон стигна до 5:2 победа над Флитвуд, Њукасл со 7:0 славеше против Моркемб, а во осминафиналето се и Брајтон и Барнли.
ЕФЛ КУП, 1/16 ФИНАЛЕ
Фулам – Шефилд венсдеј 2:0
Милвол – Барнли 0:2
Престон – Брајтон 0:2
Стоук – Гилингем 1:0
Челси – Барнсли 5:0
Флитвуд – Евертон 2:5
Лестер – Арсенал 0:2
Моркемб – Њукасл 0:7
ЧЕЛСИ – БАРНСЛИ
ЛЕСТЕР – АРСЕНАЛ
ФЛИТВУД – ЕВЕРТОН
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA
Спорт
Шредер е МВП – Во најдобрата петорка само НБА играчи

Вечерва во Рига со победа на Германија заврши 42. Европското првенство во кошарка. Германија во спектакуларно финале ја победи Туција со 88:83. За најдобар играч на финалето е прогласен Исак Бонга.
МВП титулата, за најдобра играч на турнирот му припадна на Денис Шредер. Капитенот на Германија го реши финалето со шест поени во последните 67 секунди, мечот го заврши со 16 поени и 12 асистенции.
Покрај Шредер во иделаната петорка на првенството се уште четворица НБА играчи: Јанис Адетокумбо (Грција), Алперен Шенгун (Турција), Франц Вагнер (Германија) и Лука Дончиќ (Словенија).
Инаку ФИБА ја објави и втората најдобра петорка на шампионатот. Во неа се турскиот капитен Џеди Осман, финската ѕвезда Лаури Марканен, полскиот играч Џордан Лојд, Дени Авдија од Израел и Србинот Никола Јокиќ.
Foto/ EPA