Новиот тренер на Рома, Жозе Мурињо беше гостин на Јутјуб каналот на „волчицата“ во кој одговараше на прашања поставени преку социјалните мрежи, околу вечниот град, јадењето, социјалните мрежи, музиката и „Фортнајт“.

– Градот Рим?

Историја, моќ, страст.

– Олимпискиот стадион?

Фантастичен.

-Животот во Италија?

Не знам дали можам да го наречам живот, бидејќи е многу тешко. Хахахаха.

– Инстаграм?

Смешен е.

– Навивачите на Рома?

Моите навивачи.

– Фортнајт?

Кошмар! Фудбалерите седат цела вечер играјќи го тоа ср.ње. А следниот ден ги чека меч.

– Сетубал?

Дома, единствениот збор кој може да го опише. Јас сум граѓанин на светот, но Сетубал е дома.

– Три омилени италијански јадења?

Би можел да набројан 30. Дури и кога живеев во Лондон омилените ресторани ми беа италијанските. Пиката со лимон, равиоли со домати… Морам да внимавам колку јадам.

– Омилена музика?

Роден сум во 1963, што значи дека бев млад во 1980-тите и 1990-тите. Тогаш работите припаѓаа на Брајан Адамс и Брус Спрингстин.

– Дијалектот во Рим?

Даје Рома! Морам да научам повеќе, но имам луѓе кои ми помагаат.



Претседателот на Барселона, Жоан Лапорта, е подготвен да направи сѐ што е потребно да ги воведе финансиите во каталонскиот гигант на вистински пат по што од дел од фудбалерите побарал репограмирање на нивните плати за клубот да ги исполни барањата на Ла Лига за лиценцирање играчи.

Жерард Пике, Серхио Бускетс, Жорди Алба и Серхи Роберто се четирите фудбалери за кои се смета дека имаат превисоки плати, особено во ситуација на економска криза, и Барселона сака да им ги скрати платите со ветување за продолжување на договорот.

Сепак, според „Марка“, одредени фудбалери одбиваат да ги намалат своите плати, особено бидејќи вината воопшто не е кај нив. Се верува дека Барселона се обидува да ги продаде Самуел Умтити, Миралем Пјаниќ и Антоан Гризман, што е можно побргу.

Барселона уште ги нема регистрирано своите четири нови засилувања ова лето (од кои три дојдоа со слободни трансфери), а нема продолжување на договорот ниту на Лионел Меси, кој чека Лапорта да ја среди мешаницата за да се врати во Каталонија.

Македонскиот капитен Горан Пандев денеска ќе го продолжи договорот со Џенова и ќе остане со тимот на „Рособлу“ барем уште 12 месеци, тврди „Скај спорт Италија“.

Пандев ја предводеше Македонија на историското прво Европско првенство и би требало да се врати од одмор следната недела по што ќе се сретне со старо-новиот тренер Давиде Балардини и соиграчите.

38-годишниот Пандев, покрај 122-те настапи за македонската репрезентација, за Џенова е клучен играч по пристигнувањето во јули 2015, од кога има 165 настапи со 32 гола и 11 асистенции.