Спорт
ЕХФ ги подели поканите, познати се сите учесници во ЛШ за сезоната 2023/24

ЕХФ ги објави имињата на сите 16 екипи кои ќе бидат дел од Лигата на Шампионите во сезоната 2023/24. Наредната сезона, Македонија во елитата ќе ја преставува Еурофарм Пелистер. Македонскиот првак беше меѓу десетте тимови кои имаа загарантирано учество во Лигата на шампиони.
ЕХФ, во вторникот, ги објави имињата на клубовите кои добија специјални покани за настапа во Лигата на шампионите.
Очекувано беше покани да добијат Веспрем, Висла Плоцк, Монпелје и ППД Загреб. Уште две покани се испратени во Алборг (Данска) и Колстад (Норвешка).
Овие шест екипи заедно со Еурофарм Пелистер, европскиот првак Магдебург, Барселона, ПСЖ, Кил, ГОГ Гудме, Веспрем, Киелце, Порто и Целје ќе играат во Лигата на шампионите наредната сезона.
Клубовите чии апликации за добвање на специјална покана беа одбиени (Спортинг Лисабон, Динамо Букурешт, Шафхаузен и Кристијанштад) добија директно место во фазата по групи во , кои добиваат директно место во групната фаза од Лигата Европа на ЕХФ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ливерпул, Челси и Јунајтед последен пат загубиле во ист ден – во минатиот век!

Во рамките на шестото коло од англиската Премиер-лига, Челси, Ливерпул и Манчестер jунајтед претрпеа порази истиот ден – редок случај кој статистичката платформа „Опта“ го бележи за првпат во овој век.
Сличен настан се случил последен пат на 16 април 1994 година, пред повеќе од 31 година. Тогаш Јунајтед загуби со 0-1 од Вимблдон, Челси исто така со 0-1 од Арсенал, а Ливерпул падна со 0-2 од Њукасл.
Интересно е што три децении подоцна има одредени сличности – како во 1994, така и сега Јунајтед и Челси загубија со ист резултат, додека Ливерпул прими два гола.
Овојпат, лондонскиот тим Челси загуби со 1-3 од Брајтон, „црвените ѓаволи“ паднаа со ист резултат против Брентфорд, додека Ливерпул беше поразен од Кристал Палас со 2-1 во Лондон.
Спорт
Силекс против шампионот Шкендија ќе се обиде да ја прекине лошата серија

Двата порази по ред екипата на Силекс ќе се обиде да ги прекине на дуел против Шкендија во Тетово. Кратовскиот прволигаш загуби од Башкими на гости и од Струга ТЛ дома, а серијата на тешки натпревари продолжува и денеска со гостување во Тетово, кај актуелниот првак.
Силекс, сепак, е оптимист дека против Шкендија може да дојде до прекин на оваа мини серија на лоши резултати во Првата лига.
„Ни претстои тежок меч против шампионот. Имаме мала резултатска криза, но се надевам дека таа серија на непоразени ќе си одиме од гостувањето во Тетово. Треба само да веруваме во нашите квалитети. Ги анализиравме грешките од претходните натпревари, и мислам дека со максимална посветеност ќе излеземе од оваа резултатска криза“, вели Дарко Анѓелески, капитенот на екипата на Силекс.
Тој изјави оти верува дека Силекс може да се врати непоразен од ова тешко гостување.
„Сигурно дека ова гостување е едно од најтешките во сезоната, но сметам дека ако сме вистински од првата минута, можеме да дојдеме до позитивен резултат“, заврши Анѓелески.
Спорт
ПСЖ загуби уште две ѕвезди за дуелот со Барселона во ЛШ

Пари Сен Жермен загуби два клучни играчи поради пред натпреварот од второто коло на Лигата на шампионите против Барселона, објави „Л’Екип“. Станува збор за Португалецот Витиња и за грузискиот интернационалец Квича Кварацкелија.
Според изворот, доколку медицинските прегледи потврдат повреди кај двајцата фудбалери, тие нема да можат да настапат против Барселона на 1 октомври (среда). Веројатноста за ова се смета за многу висока.
Во моментов, ПСЖ има четворица играчи повредени, Осман Дембеле, Дезире Дуе, Маркињос и Жоао Невеш. Сите тие сигурно ќе го пропуштат дуелот против каталонскиот тим.
Витиња и Кварацкелија ги заработија повредите во победата од 2-0 над Оксер во шестото коло на Лига 1. Португалецот го напушти теренот во 36. минута, додека Грузиецот беше заменет на полувремето.