Спорт
ЕХФ наброја 10 причини зошто РК Вардар ќе биде европски првак (видео)
ЕХФ многупати сезонава во ракометната Лига на шампиони си играше „топло-ладно“ со навивачите на македонскиот ракометен репрезент во Европа, со шансите и потенцијалите на Вардар.
Отпрвин, на почетокот на сезоната, ги сметаа за аутсајдери, па пред двомечот со ПИК Сегед повторно прогнозираа дека нема место за скопскиот тим на финалниот турнир во германија.
Сега ЕХФ со потполно нов став и гледиште на ситуација. Сметаат дека има 10 добри причини зошто Вардар повторно, како и во 2017 година, ќе се искачи на ракометниот покрив на Европа.
Ова го пишуваат експертите од ЕХФ за скопски Вардар пред Ф4 турнирот во Келн, претстојниов викенд:
1. Форматот –
Благодарение на СЕХА лигата Вардар е научен да игра фајнл-фор турнири и знаат како да го издржат притисокот на двата најважни натпревари во сезоната. Доказ за тоа е и фактот дека Вардар има пет регионални трофеи.
2. Тимур Дибиров –
Левото крило кое никогаш не старее и кое е најефикасното оружје на Вардар. Г-дин „Контра-напад“, кој има широк спектар на спин-удари со кои може да го загрози противничкиот гол.
3. Знакот –
Полуфиналниот дуел со Барселона од 2017 во кој Вардар влезе како аутсајдер, а излезе како победник со гол во последните секунди е се уште свеж, а и годинава Барса е полуфиналниот ривал.
4. „Ел команданте“ –
Многу играчи си заминаа од Вардар, како и главниот „ум“, Раул Гонзалез, таткото на актуелниот вардаров тим. „Ел команданте“ и натаму е базата на екипата, над која се надоградува успехот, па и покрај тоа што Гонзалез нема да го видиме со ПСЖ во Келн, Вардар ќе се обиде да го освои и за својот поранешен тренер.
5. Стојанче Стоилов –
Силниот кружен напаѓач е повеќе од капитен. Тој е лидер на борците, „силното срце“ на „фалангата“, тој не се предава, тој е мотиватор, борец, силата на тимот. Дури и кога нема повеќе да игра еден ден, тој и натаму ќе го носи вардаровиот дрес.
6. Тренерот –
Роберто Гарсија Парондо се чини дека има магични раце. Со заминувањето на топ-ѕвездите, тој формира еден нов вардаров тим. Шпанскиот стил на Гонзалез комбиниран со нови црти во нападот и среќната „рака“ со потпишувањето на Стаж Скубе и Дејан Милосављев.
7. Дејан Милосављев –
Голманот е клучот за трофејот, а Вардар без страв може да смета на еден – Дејан Милосављев, кој го замени Арпад Штербик, како вистински број еден. Келн ќе биде една од најголемите сцени на кои настапил младиот Србин во кариерата, на патот кон успехот.
8. Домашните фанови –
Ниту еден играч од тимот од 2017 не може да ја заборави „црвено-црната“ парада која беше приредена во Скопје за нивните херои, кои дома се вратија со трофејот од Келн. Целата земја стоеше зад нив и го славеше историскиот спортски успех. Имајќи ја на ум националната еуфорија која може да ја предизвикаат, играчите ќе имаат екстра енергија и мотив.
9. Игор Карачиќ –
Играчот кој изминатава сезона беше главниот креатор на играта на Вардар, дефинитивно ќе сака да се збогува со титула. Неговите асистенции и голови го отворија патот кон Келн, а најголемите потези на наследникот на Циндриќ се очекуваат.
10. Неизвесната иднина –
Приказната за Вардар ќе продолжи, тоа е сигурно, но дали повторно ќе имаат шанса да стигнат во Келн? Никој не знае. Може ова да биде нивната последна забава на големата сцена. Нема поголем мотив од тој за Стоилов и соиграчите.
Фото:EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.