Поради проблеми со дишните патишта трнерот на Аталанта, Иван Јуриќ, заврши во болница. Хрватскиот стручњак, од неодамна тренер на Аталанта, мораше да оди во болница поради инфекција на грлото.

Поради хоспитализацијата тренерот го пропушти првото собирање на екипата во летниот камп.

Клубот соопшти дека состојбата на Јуриќ е подобра и се очекува да биде отпуштен од болница во наредните денови.

Јуриќ претходно во Италија ги водеше Рома, Верона, Торино, Ѓенова, Кротоне и Мантова, а последниот ангажман го имаше среде оваа сезона кога го водеше Саутемптон.

Турнирот од Летната лига на НБА во Лас Вегас традиционално собира голем број млади кошаркари кои се борат за место во најсилната лига во светот. Меѓу оние кои би се обиделе да се пробијат во Америка, се очекуваше Србинот Урош Трифуновиќ, но…

Урош Трифуновиќ, српски репрезентативец и член на турскиот Тофаш, не дебитираше во дресот на Хјустон, а причината за ова изненади многумина.

Трифуновиќ беше најавен како член на составот на Рокетс за дуелот против Детроит, а неговото име се најде и во официјалниот протокол на натпреварот. Многумина мислеа дека тренерот едноставно одлучил да не го користи, но вистинската причина е дека српскиот кошаркар воопшто не отпатувал во САД, објавија српските медиуми.

Како што објавија американски и српски извори, отсуството на Трифуновиќ нема никаква врска со повреда или форма, туку исклучиво со административни проблеми при влез во земјата. Поради специфичната ситуација во САД и одредени правила за имиграциска политика што потекнуваат од администрацијата на Доналд Трамп, српскиот бек не можеше да ги добие сите потребни дозволи на време за да патува во Лас Вегас.

Поради оваа причина, иако неговото име беше во протоколот на Рокетс, тој остана надвор од теренот.

Трифуновиќ има одлична сезона зад себе во Турција, каде што во домашното првенство бележи просек од 11,4 поени по натпревар додека играше за Тофаш.

Преговорите меѓу Галатасарај и Наполи околу ангажманот на Виктор Осимен продолжуваат. Од една страна, се чини дека договорот се приближува секој ден, но има некои детали за кои двете страни не можат да се договорат.

Се чини дека двете страни постигнале договор за вкупната цена на отштета. Наполи треба да ги добие посакуваните 75 милиони евра, но проблемот е динамиката на плаќањето.

🚨🟡🔴 Galatasaray reject Napoli new conditions for Victor Osimhen deal, talks will continue… if conditions change again.

Napoli asked for €40m now plus €35m to be paid by 2026 plus sell-on clause.

Galatasaray want to pay €35m by 2027 and refuse to include sell-on clause. pic.twitter.com/Ru38m3bxTH

— Fabrizio Romano (@FabrizioRomano) July 14, 2025

Наполи сака 40 милиони евра веднаш, а 35 милиони евра да бидат исплатени во 2026 година. Галатасарај се согласи на 40 милиони веднаш, но сака да ја продолжи втората транша од 35 милиони евра до 2027 година.

Наполи, исто така, сака да се стави во трансферот и клаузула во врска со процент од следната продажба што би му припаднал на италијанскиот шампион, нешто за кое турскиот шампион не сака да чуе. Двете страни се уште се на преговарачка маса, па ќе видиме што ќе донесат наредните денови, па дури и часови.