Спорт
Екс-репрезентативец на Србија извршил самоубиство

Поранешниот репрезентативец на Србија Миљан Мрдаковиќ извршил самоубиство во својот дом во Белград. Според српските медиуми Мрдаковиќ се самоубил во изнајмен стан во Белград, во кој живеел со својата девојка.
„Седнал на креветот, рекол: ‘Не можам повеќе’ и се самоубил. Девојката избегала од станот и повикала полиција“, пишуваат српските медиуми.
Мрдаковиќ си пукал во главата.
Миљан Мрдаковиќ е роден во 1982 година, кариерата ја започнал во младинскиот тим на Раднички Ниш.
На 16 годишна возраст заминал во Андерлехт, а во Србија се вратил во 2002 година во ОФК Београд. Потоа играл за Гент, Австрија Виена, Салцбург, Металист Харков, Макби Тел Авив, Виторија Гимараеш, Шандонг, Аполон, АЕК Ларнака, Џангсу, Еносис, Верија и Танпинес Роверс.
За репрезентацијата на Србија настапил на олимписките игри во Пекинг во 2008 година.
Во кариерата одиграл 397 натпревари, постигнла 150 голови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Киеза спречи изненадување на „Енфилд“

Новата сезона во Премиер лигата започна со натпреварот помеѓу шампионот Ливерпул и Борнмут. По голема борба, „црвените“ победија на „Енфилд“ со резултат од 4:2.
Првото полувреме беше резервирано за Уго Екитике, Французин чии способности беа доведени во прашање поради парите што беа издвоени за него.
Напаѓачот на домашниот тим беше сеприсутен. Веќе по 10 минути од играта, тој беше во крупен план откако Сенеси играше со рака и со тоа го спречи противникот да има еден на еден со голманот Ѓорѓе Петровиќ.
По проверката во ВАР собата, беше утврдено дека нема основа за црвен картон, првата контроверзна одлука во Премиер лигата оваа сезона што вклучуваше видео преглед.
Екитике не дозволи оваа ситуација да го исфрли од ритам и до крајот на полувремето токму тој ја затресе мрежата откако топката буквално му се залепи за ногата, по што следеше ладнокрвен финиш.
На почетокот на вториот дел Екитике му асистираше на Коди Гакпо, кој си направи простор и погоди за 2:0.
Следуваше период во кој Арне Слот направи неколку измени и впечатокот е дека со тоа го наруши ритамот на својот тим.
Анотан Семењо тогаш стапи на сцена, најпрвин го намали резултатот, а потоа изведе вистинска мајсторија. Го прерча речиси целиот терен и го изедначи резултатот.
Во финишот Ливерпул сепак успеа да дојде до победата. Неочекуван херој е федерико Киеза,кој во 88.минута ја искористи лошата реакција на двајца дефанзивци на Борнмут.
Точка на мечот стави најдобриот стрелец во лигата минатата сеозна, мо Салах во 94.минута.
foto/ EPA
Спорт
(Видео) Рајо ја декласира Џирона, Миовски заменет во 45.минута

Рајо Ваљекано со победа во Џирона ја отвори 95. сезона во шпанската Ла Лига. „Пчелките“ славеа убедлива победа со 3:1.
Иако можеби не беше очекувано, првиот меч во сезоната донсе голем број голови, а победникот беше познат по првите 45.минути.
Рајо Ваљекано постигнаа два гола во рок од три минути. Прво, во 18-та минута, Хорхе Де Фрутос постигна гол, а во 21-та минута, му асистираше на Алваро Гарсија за 2:0.
Во 43-та минута, домашниот голман Пауло Газанига направи прекршок за пенал и доби директен црвен картон. На теренот влезе резервниот голман Крапивцов, а тренерот Мичел реши да го повлече од игра македонскиот репрезентативец Бојан Миовски.
Пеналот во гол го претвори Иси Палазон.
Џирона не се откажа, продолжи да напаѓа, а наградата стигна во 57-та минута кога, по продорот на Циганков, топката ја смести во мрежата Жоел Рока.
Foto/ EPA
Спорт
Шок пред Евробаскет: Џанан Муса опериран

Репрезентативецот на Босна и Херцеговина, Џанан Муса, беше опериран во Минхен поради повреда на абдоминалниот ѕид, и неизвесно е дали ќе биде подготвен за Европското првенство, кое започнува за 12 дена.
ПР тимот на новиот кошаркар од Дубаи објави дека Муса имал проблеми со повреда, поради што пропуштил бројни тренинзи, и многу е можно да не биде дел од националниот тим на Евробаскет.
Босна и Херцеговина е во групата Ц со домаќините Кипар, Италија, Грузија, Шпанија и Грција.