Спорт
Екс-селекторот Ангеловски на суд ја добил премијата што му следувала според договорот

Поранешниот македонски селектор Игор Ангеловски, по судски пат си ја добил премијата која му следувала според договорот за изборениот пласман на Европското првенство. Македонија историскиот пласман на едно големо натпреварување го избори преку Лигата на нации. Во баражот, во Тбилиси против Грузија, голот на Горан Пандев го реши победникот и патникот на континенталниот шампионат.
Синоќа по историскиот дебакл, поразот од 7:0 во дуелот со Англија, се огласи адвокатот Александар Тортевски, откри дека претседателот на ФФМ, Муамед Сејдини, не сакал да го испочитува договорот со селекторот Ангеловски, одбил да му ја исплати премијата за обезбедниот пласман на ЕП.
„По историскиот успех на репрезентацијата и пласманот на ЕП, претседателот Сејдини прво што направи е да го избрка селекторот, а на сите членови на УО на ФФМ им додели награди од по 20.000. Патем, на Игор Ангелевски не сакаше да му ја исплати наградата па моравме да одиме по судови“, напиша на „Твитер“, адвокатот Тортевски.
Фудбалската федерација на Македонија, од пласман на ЕП, заработи речиси 10.000.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ се врати на победнички патеки во Франција

Пари Сен Жермен се врати на победнички пат во Лига 1 и брзо го заборави поразот во дербито со Олимпик Марсеј. На домашен терен, тимот на Луис Енрике со сигурни 2-0 го совлада Оксер.
Дебито на Забарњи во листата на стрелците донесе водство на ПСЖ уште во 32. минута, откако го искористи додавањето на Витиња. Со 1-0 се замина на полувреме, а во вториот дел дефанзивата на гостите не издржа повторно – уште еден гол од стопер донесе конечен резултат.
Лукас Бералдо се запиша како стрелец за конечни 2-0, постигнувајќи го својот прв гол сезонава, а третиот во кариерата за „светците“.
Спорт
Палиња е спасителот на Тотенхем

Тотенхем извлече реми (1-1) и освои бод против Вулверхемптон во Лондон, иако беше во губитничка позиција. Португалецот Жоао Палиња постигна гол за израмнување во 91. минута, спасувајќи го тимот на Томас Франк од пораз.
Тотенхем немаше најдобра вечер против последнопласираниот тим во Премиер лигата. Вулверхемптон поведе во 54. минута преку Сантијаго Буено, а „спарс“ долго време не успеваа да одговорат.
Сепак, добра акција во финишот од мечот резултираше со бод за тимот од Лондон.
Спорт
Интер рутински го победи Калјари

Интер со успех се враќа од гостувањето на Сардинија, откако го победи Калјари со 0-2. Тимот на Кристијан Киву го контролираше натпреварот и заслужено стигна до триумф.
Гостите од Милано поведоа уште во осмата минута преку Лаутаро Мартинез.
Победата ја потврди младиот Пио Еспозито со гол во 82. минута, по одличната асистенција на Федерико Димарко.