Спорт
Ексфудбалерот на Сити, Бенжамин Менди е ослободен во судењето за силување

Поранешниот фудбалер на Манчестер сити, Бенжамин Менди денеска беше прогласен за невин во судењето за силување и обид за силување, во обновеното судење по процесот кој траеше повеќе од три години.
28-годишниот француски фудбалер претходно беше ослободен за шест други обвиненија за силување во јануари, но беше на повторно судење за два случаи. Тој сега е слободен човек, но и фудбалер без клуб по крајот на неговиот договор со англискиот шампион.
„Бенжамин Менди сака да се заблагодари на поротата за тоа што ги увидоа доказите во неговото судење, а не шпекулациите и лажните изјави. Ова е вторпат господинот Менди да е суден и да е ослободен од порота. Поминаа речиси три гоини од почетокот на истрагата, и ова имаше огромно влијание на неговиот живот. Тој сега ќе се фокусира на обновување на неговиот живот“, изјави неговата адвокатка, Џени Вилтшир.
Benjamin Mendy responds to not guilty verdict 🎙 pic.twitter.com/juh9QrpLPT
— Football Daily (@footballdaily) July 14, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сензација каква што не памети Европа – Финска ја елиминира Србија

Кошаркарите на Финска ја приредија најголемата сеозанција на Европското првенство во кошарка, во осминафиналетоо ја елиминираа Србија со победата 92:86. Херој на Финска е Валтунен, 26-годишниот копаркар на Гранада кој постигна осум поени во клуните моменти од натрпреварот.
Почетокот намечот ја навести сензацијата. Финсите отворија со 11:1, со домонација во скокот и одличен шут за три поени (6/11). Србите уште во првиот период бркаа довфифрен минус.
Србија успеа да фати ритам во вториот период, а со тројката на Мициќ замина на полувреме со плус од летири поени.
Третиот период им приладна повторно на Финците кои на преноста на Србија одгоровија со серија од седум поени и повторно ја презедоа доминација во скокот.
Драмата кулминираше во последните четири минути кога на водствот на Србија од четири поени, Финците одговорија со нова серија за плус 4. Потоа на сцена стапи Валтонен која на 53 секунди до крајот и донесе на Финска 78:82. Кога Марканен погоди две слободни за плус 6 јасно беше дека Финците ќе ја испратат Србија дома.
Залудни за Србија беа 33-те поени на Никола Јокиќ со осум скока. Проблем беше што само Никола Јовиќк имаше двоцифрен број на поени, 20. Од друга страна, Марканен го оправда статусот на прва ѕвезда на Финска со 29 поени и осум скока. Јантунен постигна 15, а Литл и големиот херој Валтонен постигнаа по 13 поени.
Финска во четвртфиналето го чека победникот од натпреварот Франција-Грузија, кој ќе се игра во недела.
Фото/ Принтскрин
Спорт
Галатасарај по Гундоган го сака Чалханоглу

Галатасарај сака преодниот рок да го заврши со уште еден звучен трансфер. Преодниот рок во Турција трае до наредната недела. .
Галатасарај го потпиша Илкај Гундоган, а сега редот за врска сака да го засили со Хакан Чалханоглу.
Клубот понудил 17 милиони евра, но Интер нема намера да го пушти Турчинот, особено не за таа сума. Сепак, во Галатасарај се убедени дека Чалханоглу ќе дојде:
„Хакан сака да дојде кај нас, но околностите не се поволни. Сепак, ние сме уверени дека ќе дојде. Ако не денес, тогаш утре. Порано или подоцна, Чалханоглу ќе го носи дресот на Галатасарај. Нека ја погледне кариерата на Гундоган и нека таа биде негова ѕвезда водилка. Хакан е млад и ние ја почитуваме неговата желба да ја заврши кариерата кај нас“, соопшти раководството на Галатасарај.
Foto/ X
Спорт
Холандија остана без Де Јонг, се повредил против Полска

Холандскиот репрезентативец Френки де Јонг го напушти кампот на националниот тим и се врати во клубот откако се повреди на квалификацискиот натпревар против Полска.
Како што објави Фудбалската федерација на Холандија, 28-годишниот играч од средниот ред беше принуден да се врати во Барселона по повредата здобиена на натпреварот со Полска во Ротердам (1:1).
Претходно, селекторот на Холандија, Роналд Куман, изјави дека Де Јонг се пожалил на болки во мускулите во второто полувреме, поради што бил заменет од Квинтен Тимбер во 83-та минута.
Френки де Јонг ќе го пропушти следниот квалификациски натпревар на „лалињата“ против Литванија, закажан за 7 септември во Каунас.
Де Јонг е еден од клучните играчи на холандската репрезентација, досега одигра 60 натпревари.
Холандија има седум бода од првите три натпревари и моментално го дели првото место во Групата Г заедно со Полска и Финска.