Заврши првата фаза од елитното европско клупско натпреварување, Лигата на шампиони. 24-те најдобри екипи борбата за трофејот во Лигата на шампионите ќе ја продолжат во нокаут фазата.

Пласман во осминафиналето изборија: Ливерпул, Барселона, Арсенал, Интер, Атлетико Мадрид, Баер Леверкузен, Лил и Астон Вила.

Последниот воз го фатија европските гиганти, ПСЖ и Манчестер Сити, но нема да им биде лесно во нокаут фазата. „Граѓаните“ и „светците“ заедно со Реал, Баерн, Јувентус, Бенфика… ќе мора да играат во плејофот за пласман во осминафиналето.

Иако веќе пишувавме за тоа, уште еднаш ќе ве потсетиме како функционира Лигата на шампионите откако ќе започне елиминациската фаза.

Ждрепката за плејофот ќе биде извршена во петок, во Нион. Таа ќе се изврши според „серпентин систем“, кој имавме можност да го видиме при извлекувањето на двојките во Конференциската лига, лигашкиот дел од третото по ранг клупско натпреварување под покровителство на УЕФА, беше комплетиран уште во декември, со оглед на тоа што имаше две кола помалку.

Поточно, во еден шешир ќе бидат деветтиот и десеттиот во поредокот, во вториот 23. и 24. по првата фаза, а потоа 11. и 12. ќе се вкрстат со 21. и 22. , па 13-ти и 14-ти со 19-ти и 20-ти и на крајот 15-ти и 16-ти со 17-ти и 18-ти на табелата. Можни се дуели на две француски и две италијански екипи во плејофот. Манчестер сити во плејофот ќе игра против Реал или Баерн Минхен.

Првите натпревари ќе се одиграат на 11. и 12.февруари, реваншите се на 18. и 19.февруари.

Осминафиналето ќе се одигра на 4. март, а реваншите седум дена подоцна. Ждрепката за оваа фаза, исто така полудиригирана, ќе биде извршена на 21. февруари. Истиот ден ќе биде извршена и ждрепката за сите други фази, до полуфиналето.

Динамо Загреб е најголемиот губитник по комплетирањето на последното коло во Лигата на шампионите. Динамо во Загреб го победи Милан со 2.1, но по ремито меѓу Спортинг и Болоња во Лисабон, основната фаза ја заврши на 25.место.

Динамо освои 11 поени во Лигата на шампионите колку што освоија и Манчестер сити, Спортинг и Клуб Бриж. „Модрите“ испаднаа бидејќи имаа најлоша гол разлика.

Што се однесува до натпреварот против Милан, Динамо имаше предност со голот на Батурина, Милан потоа остана со фудбалер помалку на теренот, во 39.минута Муса го доби вториот жолт картон. Италијанскиот тим изедначи со голот на Пулишиќ, а победата на Динамо му ај донесе Пјаца.

Поранешните македонски репрезентативци Стефан Ристовски и Аријан Адеми во игра влегоа во 70.минута.

Лига на шампиони, последно коло>

Астон Вила – Селтик 4:2 (2:2)
/Роџерс 3,5, 90+1, Воткинс 60 – Ајдахо 36,38/

Барселона – Аталанта 2:2 (0:0)
/Jамал ​​47. Арауhо 72 – Едерсон 67, Пашалиќ 79/

Баер Леверкузен – Спарта 2:0 (1:0)
/Вирц 32, 64 Тела/

Борусија (Д) – Шахтјор 3:1 (2:0)
/Гираси 17,44, Бенсебаини 79 – Гомеш 50/

Баерн – Слован (Б) 3:1 (1:0)
/Милер 8, Кејн 63, Коман 84 – Толиќ 90/

Динамо (ЗГ) – Милан 2:1 (1:0)
/Батурина 19, Пјаца 60 – Пулишиќ 53/

Xирона – Арсенал 1:2 (1:2)
/Данџума 28 – Жоржињо 38 п., Нванери 42/

Интер – Монако 3:0 (2:0)
/Мартинез 4 п., 16, 67/

Јувентус – Бенфика 0:2 (0:1)
/Павлидис 16, Кокџу 80/

Лил – Феенорд 6:1 (2:1)
/Сарауи 4, Траунер 38 а.г. Санчез 57, Дејвид 74, Кабела 80 – Хименез 14/

Манчестер Сити – Клуб Бриж 3:1 (0:1)
/Ковачиќ 53, Ордоњез 62 а.г., Савињо 77 – Оњедика 45 /

ПСВ – Ливерпул 3:2 (3:2)
/Бакајоко 35, Сајбари 45, Пепи 45+6 – Гакпо 28, Елиот 40/

Салцбург – Атлетико (М) 1:4 (0:1)
/Дагим 90+1 – Симеоне 5, Гризман 13, 45+1, Љоренте 63/

Штурм – Лајпциг 1:0 (1:0)
/Mалик 42/

Спортинг – Болоња 1:1 (0:1)
/Хардер 77 – Побега 21/

Брест – Реал (М) 0:3 (0:1)
/Родриго 27, 78, Белингем 56/

Штутгарт – ПСЖ 1:4 (0:3)
/Пачо 77 а.г. – Баркола 7, Дембеле 17,35,54/

Јанг Бојс – Црвена Звезда Белград 0:1 (0:0)
/Канга 69/

Репрезентација на Португалија го обележа 29.Светско првенство во ракомет. Португалците кои славеа над велесилите Норвешка, Шведска, Шпанија, во четвртфиналето ја шокираа Германија, славеа по едно продолжение со 31:30 (натпреварот во регуларниот дел заврши 26:26).

Мартим Кошта е херојот на Португалија, погоди на четири секунди до крајот на продолжението. Португалците успеаја да ја поништат нестварната партија на Андреас Волф. Голманот на Германија забележа 21 одбрана. Португалските голамани, Мартинш и Капдевил, заедно имаа 13 интервенции.

Португалија ја предводеа братот на Мартим Кошта, 19-годшниот Франциско со осум и Итуриза со седум гола. Мартим Кошта постигна четири гола од 12 обиди, но три од тие четири гола постигна во продолжението.

Лукас Цербе седум пати реализираше од седум петри, вкупно постигна девет гола, а Јури Кнор постигна седум.

Португалија во полуфиналето ќе игра против актуелниот светски првак Данска.