Спорт
Ембид нема да ја одбрани МВП титулата, ќе оди на операција
На Џоел Ембид, центарот на Филадефија, му е дијагностицирана повреда на левото колено, поради што се размислува да замине на операција, пренесува „Атлетик“. Новинарот на овој медиум, Семс Чарнија, потврда за оваа информација добил од два информирани извори.
Ембид во разговор со медицинскиот персонал ќе одлучи дали е најдобро само да се одмори или да оди на операција, до која е поблиску во овој момент, иако нема официјална потврда од челниците на Филаделфија.
Ембид се повреди на дуелот против Голден Стејт, кога Џонатан Куминга падна врз неговото лево колено во последната четвртина.
Како резултат на тоа, актуелниот МВП на НБА не играше против Јута. Тоа беше неговиот 13-ти натпревар оваа сезона го пропушти. Со новото правило во кое за да се биде во МВП трката мора де се одиграат најмалку 65 од 82 натпревари, тешко е да се замисли дека Ембид може да го одбрани трофејот.
Тоа би значело дека до крајот на регуларниот дел може да пропушти само уште четири натпревари, а со операција на повидок тоа ќе биде невозможна мисија.
Ембид моментално е трет во официјалниот пласман за МВП зад Шеј Гилџес–Александер и фаворитот Никола Јокиќ. Сезонава има просечни 35,3 поени и 11,7 скока со 5,7 асистенции и 1,8 блокади.
Да потсетиме, Ембид минатата сезона стана играчот со најмалку одиграни натпревари (66) кој беше прогласен за МВП уште од Бил Волтон во сезоната 1977/78.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Еванс играч на натпреварот – тоа ви кажува каков тим е Манчестер јунајтед“
Манчестер Јунајтед не загуби, не прими гол на гостувањето кај Астон Вила, но менаџерот Ерик тен Хаг се уште е на удар на јавноста во Англија.
Нерешениот резултат (привремено) му ја спаси работата на Тен Хаг, лија тактика повторно ја критикуваа поранешните фудбалери. Дека работите во Јунајтед не се добри покажува и фактот дека Џони Еванс беше играч на натпреварот против Астон Вила.
„Тој има 36 години, дојде само да тренира со Манчестер јунајтед, а сега е нивниот најдобар дефанзивец. Тоа ви кажува дека нешто не е баш во ред“, вели Пол Сколс.
„Проблем е нападот. Не го гледам квалитет. Ако ги погледнете најуспешните тимови, тие се во состојба да постигнуваат голови. Колку постигна Јунајтед досега? Пет на седум натпревари? Порано имавме тројца напаѓачи кои можеа да постигнат по 20 голови во сезона. Зборуваме за сезони со 80 гола и повеќе, а јас не го гледам тоа сега во Манчестер јунајтед. Хојлунд е добар, но дали тој ќе постигне 20 голови? Не верувам“.
„Зиркзе? Што е тој? Дали е „деветка“ или „десетка“? Дали ќе постигне 20 гола? Не верувам. Мислам дека се надеваат дека тој е таму со докажан квалитет. Ова е смешно, потрошија толку пари, а некои од нив не можат ниту да влезат во првиот тим. Мислевте дека Угарте дојде и дека ќе ја смени играта во средниот ред. Тој сега не играше. Де Лихт за 50 милиони и тој не играше. Џони Еванс со 36 години играше на неговоот место. Па Мартинез. И него го донесе Тен Хаг. Што ли си мислеше денеска? Еванс игра, мечот го започна и Мегваер. Ова е целосен хаос кога се работи за регрутацијата на играчи“, рече Сколс и потенцира дека тимот нема јасно дефиниран стил на игра.
„Кога немате стил на игра и не знаете како сакате да играте, многу е тешко да изберете играчи. На Ливерпул му беше лесен да купува, знаат што прават. Играат 4-3-3, регрутираат играчи за тој систем. Кога немаш стил на игра, не знаеш како ќе играш, се се менува од недела во недела“.
Тоа што Еванс беше играч на натпреварот како проблем за Јунајтед го истакна и Димитар Бербатов.
„Се обидувам да ги најдам вистинските зборови. Сите на теренот треба да се засрамат бидејќи Џони Еванс е играч на натпреварот. Критиките ќе продолжат бидејќи Јунајтед мора да победува и да освојува бодови. Тие се 14. на табелата, што неверојатно. Единствениот начин тоа да се исправи е да почнат да победуваат и да освојуваат бодови. Но како играат ќе биде многу тешко“, изјави Бербатов.
Инаку, Ерик тен Хаг остави на клупата против Астон Вила пет фудбалери кои беа донесени на негово инсистирање, а за чии трансфери клубот издовои речиси 300 милиони евра.
Угарте, Де Лихт, Зиркзе, Мартинез и Антони беа физички подготвени за натпреварот, но Холанѓанецот не ги вклучи во стартните 11.
Спорт
(Видео) Таткото и синот Џејмс заедно на теренот
Леброн и Брони Џејмс прво играа заедно во тимот на Лос Анџелес Лејкерс.
Во контролен натпревар Лејкерси загубија од Феникс Санс со 118:114, а членовите на семејството Џејмс официјално дебитираа и испишаа историја, бидејќи прв пат откако постои НБА лигата, син и татко беа заедно на теренот.
Таткото за 16 минути постигна 19 поени, со пет скока и четири загубени топки, додека синот доби 13 минути, без конкретен учинок, нула поени, две блокади и четири загубени топки.
LeBron James. Bronny James.
The father-son duo share the court for the first time together! 👏 pic.twitter.com/93hC7k64gK
— NBA (@NBA) October 7, 2024
Спорт
Фонсека: Пулишиќ ги шутира шеналите, ова не смее да ни се повтори
Милан не успеа да го избегне поразот од Фиорентина на „Артемио Франки“. Давид Де хеа им одбрани два пенали на гостите, со што им овозможи на соиграчите да слават со 2.1. Инаку пенал не реализираа и домашните, при резултат 0:0, Мањан го одбрани ударот на Кен.
Тренерот на Милан, Пауло Фонсека, по мечот истакна дека им е лут на фудбалерите бидејќи не ја почитувале хиерархијата, бидејќи како што истакна главен изведувач на пенали е Кристијан Пулишиќ.
„Секако дека сум вознемирен бидејќи играчите самоиницијативно решаваа кој ќе шутира. Пулишиќ треба да ги шутира. Тоа никогаш повеќе не смее да се повтори, тоа им го кажав на играчите“, изјави Фонсека, кој по натпреварот имаше бурна средба со играчите.
Инаку, Де Хеа прво му одбрани пенал на Тео Ернандез, а потоа и на Тејми Ејбрахам.