Фудбалерите на Еспањол, приредија вистинско изненадување, го совладаа Реал Мадрид со 1:0 (0:0) во 22. коло на шпанската Ла Лига.

Вечерва ништо не му одеше во корист на „кралскиот клуб“, а според многумина на овој натпревар ја немаа наклоноста на судиите.

Избраниците на Карло Анчелоти двапати ја погодија рамката на голот, Килијан Мбапе во првиот дел и Родриго во вториот дел. Блескаше и голманот на Еспањол со неколку извонредни интервенции.

Во 20.минута беше поништен голот на Винисиус поради прекршокот што гонаправи Мбапе.

Ситуацијата на која замерка имаат навивачите на Реал се случи во 61. минута. Тогаш Карлос Ромеро страртуваше врз Мбапе во обид да прекина контра на Реал. Судијата Руиз покажа жолт картон, а и ВАР собата не се огласи.

Romero received a yellow card for this tackle on Mbappé. pic.twitter.com/qmXZ8nZe3T

— ESPN FC (@ESPNFC) February 1, 2025

Ромеро остана на теренот и потоа го реши натпреварот, во 85. минута.

Фудбалерите на Еспањол изведоа феноменален контранапад, откако се одбранија по корнерот на противникот.

Топката убаво се движеше на крајот Омар Ел Хилали нафрли на далечната статива за за Ромеро, кој со левата нога го совлада Тибо Куртоа и го нокаутира мадридскиот тим.

Во 24. коло од Премиер лигата, Вулверхемптон на домашен терен ја совлада Астон Вила со 2:0. Вулверхемптон забележа значајна победа во борбата за опстанок, додека Вила дополнително се оддалечи од местата кои обезбедуваат пласман во Лигата на шампионите.

Волвс го шокираа фаворитот во 12. минута со голот на Белгардо. Резултатот остана 1:0 до полувремето, но се чини дека Вулверхемптон можеше побрзо да постигне втор гол, отколку Вла да изедначи. Фудбалерите на Астон Вила не упатија дар кон противничкиот гол во првите 45 минути.

Унаи Емери го повлече Оли Воткинс на полувремето и го претстави најновото засилување, Дониел Мален. Холанѓанецот погоди во 55. минута, но голот беше поништен поради офсајд по интервенција на ВАР.

После тоа Вила немаше многу шанси, Вулвс добро се бранеа, а во 97.минута најдобриот играч на „волците“, Матеус Куња стави точка на натпреварот.

Аталанта го губи здивот во трката со Интер и Наполи во Серија А. Ла Деа по неверојатната серија од 12 победи, на последните пет натпревари победи само еднаш, три пати ремизираше и еднаш загуби.

Вечерва во Бергамо, Торино успеа да остане непоразен против Аталанта (1:1). Голманот на Торино и ја украде победата на Ла Деа, во 74.минута му одбрани пенал на првиот стрелец во лигата, Матео Ретеги.

Кончениот резултат беше поставен во првиот дел во интервал од пет минути. Џимшити погоди за предноста на Аталанта во 35.минута, а пет минути подцна изедначи Марипан.