Поранешниот тимски шеф на Ред Бул, Кристијан Хорнер, е еден од инвеститорите кои сакаат да купат удел во Алпин, потврди францускиот тим.

Хорнер беше отпуштен од Ред Бул минатото лето, по изненадувачкиот пад на формата на тимот, и речиси две годишните конфликти во тимот. Алпин објави соопштение во кое се наведува дека група инвеститори предводени од Хорнер е меѓу заинтересираните страни со кои се разговара за потенцијални инвестиции.

Исто така, се наведува дека не е тајна дека малцинскиот сопственик „Отро Капитал“, кој купи 24 проценти од акциите во Алпин за 200 милиони евра во 2023 година, веќе водел прелиминарни преговори во врска со продажбата на својот удел.

Во времето кога „Отро Капитал“ купи удел во Алпин, тимот беше проценет на околу 700 милиони фунти.

Оттогаш, светските шампиони Мекларен се проценети на 3,5 милијарди фунти, а Мерцедес на 4,6 милијарди фунти, по некои промени во сопственичките структури.

Хорнер, кој го предводеше Ред Бул до осум титули кај возачите и шест титули кај конструкторите за 20 години на чело, не се огласи откако беше отпуштен. Сепак, тој им стави до знаење на одредени инсајдери во Формула 1 дека ако се врати во шампионатот, сака целосна контрола врз тимот, или како тимски шеф или како еден од сопствениците.

Доколку купи дел од Алпин, тоа нема да ги исполни тие услови, освен ако Рено не се откаже од поголемиот дел.

На отказот што го доби во јули му претходеа две турбулентни години во кои колешка го отпушти поради сексуално вознемирување, а сè се совпадна со пад на формата. Хорнер ги негираше обвинувањата, а по две внатрешни истраги, тие се покажаа како неосновани.

По неговото заминување, Ред Бул успеа да се стабилизира, а Макс Ферстапен се врати во трката за титулата, која на крајот му ја одзеде Ландо Норис за два бода.

Алпин, патем, ја заврши минатата сезона на последното место меѓу конструкторите.

Овогодинешното првенство во Формула 1 започнува со Големата награда на Австралија од 6 до 8 март.

Foto/ depositphotos

Серхио Рамос постигна принципиелен договор со група клучни акционери за купување на фудбалскиот клуб Севилја. Негов партнер во овој потфат е Мартин Инк од групацијата „Фајв Илевен Капитал“, објави Маноло Агилар. Со овој договор започнува период на ексклузивност во кој Рамос и неговиот тим ќе ја анализираат финансиската состојба на клубот пред да се обидат да склучат конечен договор, пишува „Кадена СЕР“.

Постигнатиот договор претставува клучен чекор бидејќи сега следи процес на длабинска анализа. Се очекува овој процес да трае неколку месеци, по што ќе биде донесена конечна одлука. Овој развој на настаните потврдува дека неодамнешните гласини не биле неосновани и дека понудата на Серхио Рамос и неговите партнери е сериозна и поткрепена со принципиелен договор.

Според дополнителни информации од Мигел Анхел Чазари, првичната понуда за преземање на клубот е 450 милиони евра.

За време на неговата кариера, Рамос играше двапати за Севилја. Првиот пат беше од 2003 до 2005 година, по што се пресели во Реал Мадрид. Тој се врати во клубот во сезоната 2023/24, по две сезони поминати во Пари Сен Жермен.

На овој принципиелен договор му претходеше состанок одржан на 15 јануари, каде што Серхио Рамос и Перез Солано ја презентираа својата понуда и проект пред акционерите. Состанокот, кој траеше повеќе од два часа, беше оценет многу позитивно поради важноста на понудата, што на крајот доведе до постигнување договор.

Foto/ depositphotos

Актуелната шампионка на Австралија Опен, Медисон Кис, го заврши својот настап на првиот гренд слем во сезоната. Во осминафиналето, Кис, деветта на ВТА листата, беше поразена од сонародничката Џесика Пегула, шеста во светот, со 6:3, 6:4. Кис ја заврши одбраната на својот прв трофеј од Гренд слем по 79 минути. Ова значи дека поради раната елиминација, таа ќе испадне од Топ 10 во светот.

Пегула го отвори мечот со брејк за големо водство од 3:0, но Кис направи голем пресврт и поведе со 4:3. Сепак, Пегула најде сила за нов пресврт и освојување на првиот сет. Во вториот сет, Пегула, со два брејка стекна предност 4:1, но Кис успеа да се врати со три последовни гема, но не успеа да направи целосен пресврт.

Пегула се пласираше во четвртфиналето, каде што ја чека Аманда Асимов.

Во својата кариера, Пегула има заработено речиси 22 милиони долари од турнириските награди. Сепак, ова е ситиница во споредба со она што таа и нејзините четири браќа и сестри ќе го наследат. Тенисерката е ќерка на Тери Пегула, чие богатство се проценува на над 7,5 милијарди долари.

Тој го стекна своето богатство преку бизнис со природен гас и недвижности. Тој е сопственик на Бафало Билс, франшиза на НФЛ што ја купи во 2014 година. Покрај тоа, тој е и сопственик на хокеарскиот тим Бафало Сејберс.

Foto/ EPA