Спорт
„Енцестандо“: Калиниќ три години во Црвена звезда
Никола Калиниќ кариерата ќе ја продолжи во Црвена звезда. Договорот на крилниот кошаркар со Барселона истече и кога не доби нов, ја одби понудата од Олимпија Милано и реши да се врати во Белград.
Клубот сè уште не е се огласил, но шпанските медиуми тврдат дека Калиниќ потпишал тригодишен договор со црвено-белите.
Со оглед на тоа дека има 33 години, извесно дека Калиниќ кариерата ќе ја заврши во црвено-белиот дрес.
Минатата сезона во Евролигата имаше просек од 7,3 поени со 3,8 скока и 2,4 асистенции по меч.
За Калиниќ, ова ќе биде трет мандат во Звезда, а првпат пристигна во 2014 година од крагуевачки Раднички.
По само една сезона се пресели во турски Фенербахче со кој ја освои Евролигата во 2017 година.
По пет години минати во Истанбул, се пресели во шпанска Валенсија, а по само една сезона во 2021 година, се врати во Звезда.
Повторно остана само една година и премина во Барселона со која потпиша двегодишен договор.
Тоа значи дека тој се враќа во Звезда како слободен играч. Со Звезда освои две двојни круни и беше МВП на АБА-лигата во 2022 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пикси: Не бевме вреќа за удирање
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.