Проблемите за организаторите на престижниот тениски турнир Вимблдон ги создава коронавирусот. Откако пред два дена поради позитивни тестови на Ковид-19, Хрватот Марин Чилиќ и Италијанецот Матео Беретени мораа да го напуштат турнирот, трета жртва е шпанскиот тенисер Роберто Баутиста-Агут.

„Го известив Вимблдон за моето повлекување бидејќи сум позитивен на Ковид-19. За среќа, симптомите не се сериозни, но мислам дека ова е најдобрата одлука. Благодарам на поддршката и се надевам дека ќе се вратам бргу“, напиша Баутиста-Агут.

Шпанецот денеска во второто коло требаше да игра против Колумбиецот Галан-Риверос кој директно обезбеди пласман во следната рунда.

Најдобрите македонски кошаркари изутринава го одработија првиот од трите предвидени тренинзи во Сарагоса, каде утревечер (19.30 часот) ќе го одиграат натпреварот од петтото квалификациско коло за пласман на Светскиот куп 2023, во кој за противник ја имаат селекцијата на Шпанија.

Селекторот Драган Бајиќ и неговите асистенти ги имаа на располагање сите 12 кошаркари на кои смета за утрешниот дуел со актуелниот бранител на светската круна.

Според првичниот план, нашата селекција ќе тренира и вечерва, во термин за кој е предвиден и натпреварот, од 19.30 часот. Многу веројатно е дека ќе се тренира и на денот на одигрување на натпреварот.

Францускиот интернационалец Антоан Гризман и следната сезона ќе игра во Атлетико. Клубот од Мадрид побара од Барселона да ја продолжи позајмицата за уште една година.

Доколку Гризман игра на повеќе од 50 проценти од натпреварите за Атлетико Мадрид, тогаш мадридскиот клуб ќе мора да го откупи за сума од 40 милиони евра.

Токму огромната плата на Французинот во моментот му прави огромни проблеми на Атлетико. На „Ванда Метрополитано“ пристигна белгискиот интернационалец Аксел Витсел на слободен трансфер, но тој не може да биде регистриран поради проблемите на клубот со финансискиот фер-плеј.