Спорт
Ериксен: Секоја чест на Тотенхем, но сакав нешто ново

Кристијан Ериксен вели дека главната мотивација за заминување од Тотенхем во Интер била да се „обиде со нешто ново“ по шест и пол години во северен Лондон.
Ериксен дојде во Тотенхем од Ајакс во 2013 година и стана еден од клучните фудбалери во составот, добивајќи репутација на одличен плејмејкер кого подолго време го следеа и Манчестер јунајтед и Реал Мадрид. Тој уште лани одби да потпише нов договор со англискиот клуб и во вторникот го комплетираше трансферот од 20 милиони евра и сега со писмо се прости со навивачите на Тотенхем.
„Драги навивачи на Тотенхем, не знам каде да почнам! Немав време да ви кажам збогум, иако одиграв многу натпревари во кои сите велеа дека ќе си одам следниот ден. Имам толку многу неверојатни спомени од последните шест и пол години и уживав во играњето, но понекогаш сакате да се обидете со нешто ново. Беше задоволство да се настапува за клубот и се надевам дека ќе се сретнеме во иднина“, вели Ериксен.
Тотенхем веднаш најдоа замена за него – прво го официјализираа постојаниот трансфер на Џовани Ло Селсо од Реал Бетис, пред денеска да го потврдат доаѓањето на Холанѓанецот Стивен Бергвајн од ПСВ Ајндховен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ваков нокаут ретко се гледа и во боксот

Натпреварот меѓу уругвајските клубови Пајсанду Интериор и Сориано Капитал (1:0) го најде својот пат до светските медиуми поради потегот што припаѓа на боксерски ринг, а не на фудбалски терен.
Марио Гонзалес е името на играчот кој бранува на социјалните мрежи поради неговото насилно однесување, а Енцо Ечевесте е името на неговата жртва.
Се се случи на две минути пред крајот на натпреварот.
Во последните моменти од мечот, настана мешаница меѓу фудбалерите по еден прекршок. Гонзалес беше опкружен со неколку играчи, а Ечевесте му пријде одзади на противникот и го фати за врат. Откако се извлече, Гонзалес се сврте и го удри Ечевесте во лицето, кој само се струполи на тревата.
„Да заборавиме се што се случи. Се е во ред, мораме да се фокусираме на следниот натпревар и да го оставиме ова зад нас. Ви благодарам на сите за загриженоста и пораките. Добро сум”, изјави Ечевесте по натпреварот.
"TODO PELOTA"
Por la tremenda trompada que le pegó el futbolista Mario González a un jugador rival en el partido de Soriano Capital ante Paysandú Interior en Uruguay. En mis libros, todo pelota, qué pedazo de trompada que le dio el hijo de re mil puta.
pic.twitter.com/fyJNFXPLth— Tendencias en Deportes (@TendenciaDepor) February 23, 2025
Спорт
Бензема смета дека Роналдо не е најдобриот фудбалер во историјата

Карим Бензема, фудбалер на Ал Итихад, ја коментираше изјавата на Кристијано Роналдо дека е „ најдобар во историјата и точка“.
Бензема со Ал Итихад минатиот викенд го победи Ал Наср на Роналдо со 4:1, а по нтапреварот одговорајќи на новинарски прашања рече.
„Секој има право да каже што сака. Ако тој мисли дека е најдобар во историјата, тоа е негово мислење, но има и други играчи. За мене, на пример, најдобар е Роналдо Назарио“, изјави 37-годишниот напаѓач и дополни.
„Не сакам да ги споредувам играчите, мислам дека секој од нив има своја приказна, а и Кристијано има своја приказна“.
Бензема и Роналдо речиси една деценија беа соиграчи во Реал Мадрид.
Спорт
Тотенхем со барање до медиумите: Не викајте нè Тотенхем

Англискиот фудбалски клуб Тотенхем испрати интересно барање до локалните и светските медиуми.
Клубот инсистира новинарите повеќе да не ги нарекуваат само „Тотенхем“, туку „Тотенхем Хотспур“ или скратено „Спурс“.
На ова се инсистира од 2011 година, но се интензивираше во последните две сезони, во екот на кампањата за ребрендирање.
На клубот му пречи затоа што Тотенхем се однесува на област во Лондон, додека Хотспур е вистинското име на клубот.
„Тотенхем им се обраќа на медиумите во врска со именувањето на клубот. Ве молиме наведете го клубот првенствено како Тотенхем Хотспур, а Спурс е најпосакуваната скратена верзија. Во клубот договоривме да не се нарекуваме Тотенхем“, пишува во е-поштата.
Тотенхем е основан во 1882 година, а од 2019 година игра на новиот стадион.
Моментално ја заземаат 12. позиција во Премиер лигата.