Спорт
Ериксен три години во Манчестер јунајтед

Кристијан Ериксен (30) официјално го засили Манчестер Јунајтед. „Црвените ѓаволи“ потврдија дека 30-годишниот дански фудбалер потпишал договор до 2025 година.
„Манчестер Јунајтед е посебен клуб и едвај чекам да заиграм. Многупати ја имав честа да играм на „Олд Трафорд“, но кога ќе заиграм во црвениот дрес тоа ќе биде неверојатно чувство“, изјави Ериксен и за соработката со Ерик тен Хаг рече:
“Ја следев неговата работа во Ајакс. Знам колку внимава на сите детали. Тој е одличен тренер, разговарав со него и тој ми објасни што сака да види на теренот. Возбуден сум. Имам многу амбиции и знам дека можам да постигнам многу“, рече Ериксен.
Да потсетиме, Ериксен пред една година доживеа срцев удар на натпреварот на ЕП меѓу Данска и Финска.
Иако се сметаше дека неговата кариера е завршена, Ериксен беше опериран за да му вгради дефибрилатор што му овозможи да се врати на теренот.
Тој потпиша за Брентфорд на почетокот на оваа година. Одигра неколку одлични натпревари, со што го обнови интересот на големите клубови за неговите услуги.
Во својата богата кариера, пред Брентфорд, Ериксен настапуваше и за Интер, Тотенхем и Ајакс.
Christian Eriksen is a RED! ✍️????#MUFC || @ChrisEriksen8
— Manchester United (@ManUtd) July 15, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ЛШ: Макаби со пресврт против Звезда, Бенфика сигурна против Динамо Киев

Португалскиот гигант Бенфика е на чекор пред пласман во Лигата на шампионите, откако во првиот меч од баражот стигнаа до 0:2 победа над украинскиот Динамо Киев, додека Црвена звезда пропушти водство во Израел, за да го очекува реваншот против Макаби Хаифа со 3:2 негатива. Азербејџанскиот Карабаг и чешка Викторија Плзењ одиграа реми без голови во првиот денешен меч.
Жилберто ги донесе Бенфика во водство по 9. минути игра, за Гонсало Рамос во 37. минута да го удвои водството на Бенфика за мирен реванш.
Во Израел беше многу понеизвесно. Францди Пјеро ги донесе Макаби во водство во 18. минута, но тимот на Дејан Станковиќ одговори фуриозно – Александар Пешиќ израмни во 27. минута, за во 40. минута Гелор Канга да ги замолчи домашните навивачи за водство на Звезда од 1:2. Сепак, само што почна второто полувреме, во 51. минута, Пјеро со вториот гол израмни, за десет минути подоцна Тјарон Чери да го комплетира пресвртот за 3:2.
ЛИГА НА ШАМПИОНИ, БАРАЖ, 1.МЕЧ
Карабаг (Азе) – Викторија Плзењ (Чеш) 0:0
Динамо Киев (Укр) – Бенфика (Пор) 0:2
Макаби Хаифа (Изр) – Црвена звезда (Срб) 3:2
Спорт
Најбогатиот Британец, Џим Ретклиф потврди дека сака да го купи Манчестер јунајтед

Сер Џим Ретклиф, најбогатиот Британец и газда на компанијта „ИНЕОС“, потврди дека е заинтересиран за купување на Манчестер јунајтед по денешните вести кои ги објави „Блумберг“ дека семејството Глејзер е подготвено да слушне понуди за инвестиции во клубот, односно купување на дел од клубот, или за целосна продажба со сума од над 5 милијари фунти.
„Ако клубот е на продаба, Џим дефинитивно е потенцијален купувач. Ако нешто такво биде можно, Џим е заинтересиран за долгорочна сопственост на клубот. Не е работи за трошеето пари. Џим ги разгледува опциите кои може да се преземат бидејќи знае колку е важен клубот за градот. Чувството е дек е време за ресетирање“, изјави портпаролот на Ретклиф за „Тајмс“.
Ретклиф веќе е сопственик на велосипедскиот тим Инеос Гренадирс, на францускиот клуб Ница и на швајцарскиот клуб Лозана. 69-годишниот Британец, кој цел живот е навивач на Јунајтед, претходно ова лето се обиде да го купи Челси во последен момент, но неговата понуда беше обиена.
Манчестер јунајтед од 2005 година се во сопственост на американското семејство Глејзер, и официјално не ги коментираат шпекулациите.
Глејзери го ставаат Јунајтед на продажба – клубот проценет на 5 милијарди фунти!
Спорт
Усик соочувањето со Џошуа го заврши со украинска патриотска песна

ИБФ, ВБА и ВБО шампионот во тешка категорија, Олександер Усик го заврши тензичното соочување со Ентони Џошуа пред нивниот римеч во Саудиска Арабија со украинска патриотска песна.
Усик го шокираше Џошуа за да му ги одземе шампионските појаси минатата година, а сега во меч најавен како „Бес на Црвеното Море“ викендов ќе се обиде да ги враатаи титулите. Украинецот, кој беше облечен во народна носија, почна да ја пее песната „Ој у лузи, червона калина“, кој доби на популарност во овогодишната инвазија од Русија.
Песната е посветена на времето на Богдан Хмелницкиј, водачот на запорошките козаци, кој во 1648 ги поведе Украинците на побуна против Полска и креираше независна козачка држава, која потоаа во 1654 се спои со Царството Русија. Песната првпат е објавена во 1875 година, а по овогодишната војна стана толку популарна што дури и Пинк флојд објавија своја верзија.
Oleksandr Usyk bursts into song following his head-to-head with Anthony Joshua! ???????????? pic.twitter.com/O9XRy6TXSw
— Sky Sports Boxing (@SkySportsBoxing) August 17, 2022