Спорт
Ериксон: Северна Кореја бара да им ја наместам ждрепката на СП во 2010
Поранешниот англиски селектор, Швеѓанецот Свен-Горан Ериксон, вели дека претставници од Северна Кореја од него побарале да ја намести ждрепката за Светското првенство во 2010 година.
Тогаш Ериксон беше менаџер на Нотс каунти, каде што го ангажира Расел Кинг, кој подоцна беше осуден за измама. Швеѓанецот бил со Кинг на патување во Пјонгјанг во преговори за рударство кога се сретнал со претставници на Фудбалската федерација.
„Корејците знаеја дека сум член на фудбалскиот комитет на ФИФА. Ми кажаа: ‘Можете ли да ни помогнете?’. Јас им кажав секако, ако можам, бидејќи мислев ќе побараат дресови или топки или таква помош. Но, тие сакаа едноставна ждрепка и јас да им помогнам. Им објаснив дека никој не може да им го даде тоа и дека е криминално. Не ми веруваа. Тоа беше најчудната средба во мојот живот“, вели Ериксон.
На мундијалот, пак, Северна Кореја не доби лесна група – играше со Бразил, Португалија и во Брегот на Слоновата Коска и заврши без победа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Одложени кошаркарски натпревари поради локалните избори

Сите кошаркарски натпревари во младинска и сениорска конкуренција закажани од 14 до 19 октомври се одложуваат поради претстојните локални избори во Македонија.
Министерството за внатрешни работи (МВР) извести дека полициските службеници ќе бидат целосно ангажирани за обезбедување на изборниот процес.
Натпреварите ќе се одржат во нови термини од 20 до 22 октомври. Доколку клубовите се договорат, мечот може да биде одигран и по овие датуми, но само со писмена согласност и најдоцна до почетокот на следното коло (25–26 октомври).
Спорт
Позната е каква е состојбата со Мбапе

Килијан Мбапе мораше да го напушти теренот во финишот на Франција – Азербејџан поради болка во зглобот, но лекарите потврдија дека нема причина за загриженост.
Првиот стрелец на Реал Мадрид веќе имал слични тегоби, како на дуелот со Виљареал, но тоа не го спречи да постигне гол. Французинот ќе биде подготвен за следниот натпревар, а пред повредата го отвори резултатот за својата репрезентација.
Спорт
Енигматична објава на Модриќ покажува каков мајстор е надвор од теренот

По ремито во Прага против Чешка (0:0), Хрватска е сè уште во одлична ситуација и се приближува до пласман на Светското првенство. На Хрватите им се потребни две победи во преостанатите три натпревари, а првиот треба да го добијат утре против слабиот Гибралтар.
Секако, на овој дуел не се очекува ништо друго освен победа на Хрватска, а капитенот Лука Модриќ тоа на некој начин го најави.
Фудбалерот од средниот ред на Милан верува дека тоа е можност да ги мотивира своите соиграчи, па објави интересна порака на социјалните мрежи.
„Еден чекор поблиску до нашата цел! Пред сè Хрватска!“, напиша Лука Модриќ, кој го одигра својот 191-ви натпревар против Чешка во дресот на Хрватска.
Иако има 40 години, Модриќ сè уште игра фантастично и сите уживаат во неговите настапи, а се чини дека е сè уште гладен за победи, мотивиран како на самиот почеток од кариерата, додека својата енергија им ја пренесува на своите соиграчи поради што Хрватска е на самиот врв на светските фудбалски сили.
о шоу.