Спорт
Ерлинг Халанд, очигледно, не е човек за интервјуа (видео)

Ерлинг Халанд беше првиот стрелец по камбекот на Бундеслигата во саботата при 4:0 победата на Борусија Дортмунд над Шалке, по што ги изненади сите со необичното интервју по мечот.
По 10-тиот гол во само девет меча (од кои само шест како стартер), Халанд даваше само кратки одговори на прашањата на новинарот.
This club man! ??@ErlingHaaland pays tribute to the Dortmund fans who couldn’t be at the game today.
What an incredible bond.#beINBundesliga pic.twitter.com/5Lc2Pv7mWc
— beIN SPORTS (@beINSPORTS_EN) May 16, 2020
Прашање: „По крајот на мечот, заедно со сите соиграчи, отидовте на јужната трибина, славниот ’Жолт ѕид’, кој беше празен. Зошто го направивте тоа?“.
Одговор: „Зошто да не?“
Прашање: „Дали е тоа некоја порака која сакате да ја пратите?“.
Одговор: „Да“
Прашање: „Дали ќе ја кажете пораката?“.
Одговор: „До моите фанови“
Прашање: „Тие значат многу“.
Одговор: „Да“.
Прашање: „Благодарам! Задоволство е да се зборува со тебе“.
Одговор: „Благодарам“.
Фановите веднаш го споредија Халанд со Златан Ибрахимовиќ и неговиот стил на одговори при кратките прашања, но и со робот, кој едноставно е „произведен“ само да дава голови.
Но, како што покажува ова видео од претходните слични интервјуа на 19-годишниот тинејџер, очигледно тоа е едноставно неговиот стил.
I don’t think Erling Haaland is programmed for Interviews. pic.twitter.com/xbvs9WRsnJ
— Javi (@JaviUtd) May 16, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баер со двајца помалку на теренот го победи Ајнтрахт

Фудбалерите на Баер Леверкузен го победија Ајнтахт Франкфурт со 3:1 (2:0) во првиот натпревар од 3. коло на германската Бундеслига.
Ова беше прв натпревар на Каспер Хјулманд на клупата на „фармацевтите“ и права победа, која требаше да биде лесна, но беше доведена во прашање во второто полувреме.
Баер стекна капитална предност во првиот дел од натпреварот, со головите на Алехандро Грималдо во 10. минута, односно Патрик Шик од пенал во финишот на првиот дел.
Тие 2:0 ги преполови Узун во 52. минута, а потоа во 58. Роберт Андрих доби црвен картон, а Леверкузен се бранеше френетично до крајот.
Во 92.минута во екот на нападите на гостите од Фракфурт, Баер остана со уште еден играч помалку на теренот. Црвен картон доби и Езекиел Фернандез.
До крајот Баер постигна уште еден гол преку играчот на натпреварот
Грималдо, кој во осмата минута од судиското надополнување постигна преубав гол.
Баер ја забележа првата победа во сезоната и сега има четири бода, додека Ајнтарт го претрпе првиот пораз во сезоната и остана на шест.
Спорт
Ридигер ќе паузира до три месеци

Реал Мадрид се соочи со неочекуван проблем пред патот во Сан Себастијан. Чаби Алонсо нема да може да смета на услугите на Антонио Ридигер.
Како што објави Реал Мадрид во официјалното соопштение, Ридигер се пожалил на болка во квадрицепсот за време на тренингот, по што веднаш отишол на прегледи и му била дијагностицирана повреда на мускулот на левата нога.
Прегледите покажале дека повредата е сериозна. Првите прогнози се дека, во најдобар случај, паузата ќе трае 10, а можеби и повеќе од 12 недели.
Спорт
Турција ја растури Грција за финале на Евробаскетот

Кошаркарската репрезентација на Турција супериорно избори место во финалето на Евробаскетот. Во второто полуфинале, Турција ја декласира Грција со 94:68 (26:16, 25:13, 23:20, 22:17).
Турција по пауза од 24 години повторно ќе игра финале на ЕП. Во 2001 година на домашен терен Турците го загубија финалето од Сојузна Република Југославија. Грците како и пред 16 години го загубија финалето, тогаш во Полска ја освоија бронзата.
Турската одбрана ја уништи Грција, го ограничи најголемиот грчки адут Јанис Адетокумбо на само 12 поени. А турскиот напад беше вистинска поезија. Одбраната на Грција ја уништи Ерџан Османи, постигна 14 поени во првата четвртина, имаше 18 на полувремето, а мечот го завшри со 28 поени, погоди пест тројки од осум обиди.
Натпреварот од почетокот беше еднонасочна улица. Турците отворија со 7:0, а потоа константно ја зголемуваа предноста, која во финишот на првиот дел изнесуваше и 19 поени.
Во вториот дел, Турците рутински ја завршија работата.
Покрај Османи кај Турција се истакнаа Џеди Осман со 17 поени и по три скока и асистенции, Алперен Шенгун со дабл-дабл учинок, 15 поени, 12 скока и шест асистенции, како и Шејн Ларкин со 14 поени и пет асистенции.
За Грција, Костас Слукас имаше 15 поени со три скока и четири асистенции, а Јанис Адетокумбо имаше дабл-дабл со 12 поени и 12 скока, 11 поени уфрли Панајотис Калаицакис.
За златниот медал в недела, Турција ќе игра против Германија, додека во „малото финале“ за бронзата ќе играат Грција и Финска.