Спорт
Ертел со трансферот во Русија самиот се „исфрли“ од француската репрезентација
Францускиот ветеран Томас Ертел се приклучи на шампионот на руската ВТБ лига, Зенит Санкт Петерсбург, потпишувајќи договор на една сезона со опција за уште една, со што практично се збогуваше со француската репрезентација, за која играше на неодамна завршениот Евробаскет.
33-годишниот Ертел со потписот за Зенит ќе пропушти една сезона во Евролигата првпат од неговото деби во 2011/12, а исто така се откажа од можноста да игра за сребрените на Евробаскетот, бидејќи Француската кошаркарска федерација претходно потврди дека сите кои ќе играат за руски или белоруски клубови нема да можат да бидат повикувани за репрезентативните обврски.
„Сакаме да му посакаме добредојде на Томас во нашиот тим. Тој е играч со огромно искуство и квалитет. Веруваме дека со него ќе ги оствариме целите за новата сезона“, изјави тренерот на Зенит, Чави Пасквал.
Welcome to the squad, Thomas Heurtel ????????
1+1 deal, here’s more: https://t.co/OKcB5rQFhq pic.twitter.com/0FKNTzb57g
— Basketball club Zenit (@zenitbasket) September 21, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ал Наср не сака да патува во Иран
Фудбалскиот клуб Ал-Наср не сака да патува во Иран на натпреварот со Естеглал од Лигата на шампионите во АФЦ, пренесува „Марка“.
Според овој извор, клубот стравува за безбедноста поради тензичната ситуација на Блискиот Исток.
Натпреварот меѓу Ал Наср и Естеглал е закажан за 22 октомври во Техеран.
Саудискиот клуб за кој настапува Кристијано Роналдо е на четвртото место на табелата на Западната конференција со четири бода по две кола. Иранскиот тим има бод помалку.
Спорт
Ридигер откри кој му бил најдобар соиграч
Антонио Ридигер во 2022 година како слободен играч од Челси се пресели во Реал Мадрид. Говорејќи за „The Inside Scoop“, се присети на моментот кога потпиша за Реал и го избра најдобриот соиграч во досегашниот тек од кариерата.
Играјќи за Штутгарт, Рома и Челзи, Рудигер имаше можност да игра со многу светски фудбалски ѕвезди, а по пристигнувањето во Мадрид нивниот број само се зголеми.
Се присети на неговото доаѓање во гигантот од „Сантијаго Бернабеу“.
„Беше 9. мај 2022 година, кога потпишав за Реал. Тие дојдоа во Лондон. Беше неверојатно. Ги прегрнав децата, не можев да верувам. Ми дадоа дрес, а јас го имам и денес”, рече Рудигер и откри кој е најдобриот соиграч што го имал.
„Карим Бензема Лука Модриќ, Тони Крос или Еден Азар од периодот во Челзи, но јас го избирам Бензема“.
Бензема и Рудигер играа заедно за Реал пред Французинот да замине во Ал Итихад. Бензема одигра вкупно 648 натпревари за Реал во кои постигна 354 гола и забележа 165 асистенции. Со клубот освои 25 трофеи, од кои пет во Лигата на шампионите и четири во Ла Лига.
Спорт
„Бодот на Динамо против Монако вреди повеќе од буџетите на Цибона, Сплит и Задар“
Александар Петровиќ, актуелен селектор на Бразил, ги спореди фудбалот и кошарката откако Динамо одигра 2:2 со Монако во второто коло од Лигата на шампионите.
„Разликата во организацијата меѓу фудбалот и кошарката е највидлива во финансискиот сегмент. Бодот на Динамо против Монако вреди повеќе од поединечните буџети на Цибона, Сплит и Задар за тековната сезона“, напиша Петровиќ.
Елитното фудбалско клупско натпреварување сезонава има нов формат со 36 клубови во заедничка група, а воедно никогаш немало поголеми финансиски награди за учесниците.
Секоја победа во главната фаза од Лигата на шампионите е вредна 2,1 милион евра, а секое реми се наградува со 700.000 евра.