Фото/ EPA-EFE/GEORGI LICOVSKI

Македонија ја победи Ерменија со 2:0 (0:0) и ги задржа шансите за освојување на првото место во Групата 4, во Ц дивизијата од Лигата на нации. Македонија, до победата дојде во второто полувреме, кое го играше со фудбалер помалку, со головите на Барди и Миовски.

Фудбалската репрезентација на Македонија ја прекина лошата низа и по 11 месеци успеа да забележи победа. Интересно, пред неполна година, Македонија ја победи Ерменија во пријателски натпревар во Струмица, а против истиот ривал ја прекина серијата од седум натпревари без победа.

Избраниците на Благоја Милевски беа подобри на теренот, не и дозволија на Ерменија ниту еднаш сериозно да се закани по голот на Димитриевски и на крајот заслужено го запишаа привиот триумф во новата сезона во Лигата на нации.

Во првиот дел Елмас имаше одлична шанса во 21.минута. По додавањето од Барди, Елмас малку откосо шутираше со десна но Чанчаревиќ одбрани. 20 минути подцна Барди се обиде од далечина, ударот заврши малку над голот.

Зајков доби жолт картон во 44.минута, а истиот играч поради приговор доби уште еден на истекот од првото полувреме.

Со играч помалку во вториот дел, Македонија им ја препушти топката на противниците, а својите шанси ги бараше во контранападите.

По една контра која ја истрча Елмас, се обиде Миовски, но неговиот удар беше изблокиран.

Во 70.минута, Барди од 25.метри совршено изведе слободен удар. Топката заврши во горниот лев агол од голот на Чанчаревиќ. Капитенот го постигна 18.гол за националниот тим.

Осум минути подоцна Миовски стави точка на натпреварот.

North Macedonia [2] – 0 Armenia – Bojan Miovski 80'
byu/etclassico insoccer

Замина во Саудиска Арабија, го постигна 901-от гол во кариерата, а сега зборуваше за клубот во кој остави најголема трага. Кристијано Роналдо говореше за успесите на Реал Мадрид во претходните години, но и за Мбапе.

Португалскиот напаѓач го прокоментира успехот на мадридскиот клуб во најсилното европско клупско натпреварување:

„Луѓето велат дека Реал Мадрид има среќа во Лигата на шампионите, но… Не, тоа не е точно, не е точно дека тие имаат среќа“, започна Роналдо и продолжи:

„Реал Мадрид е едноставно најдобриот клуб во историјата на фудбалот.

Тој го коментираше и доаѓањето на Килијан Мбапе во „кралскиот“ клуб:

„Мислам дека Килијан ќе направи прилично добри работи во Реал Мадрид. Структурата на клубот е многу добра. Имаат одличен тренер и претседател. Таму сигурно ќе се снајде добро“, изјави Кристијано Роналдо.

Португалецот периодот од 2009 до 2018 година го мина во Реал Мадрид и за тоа време одигра 438 натпревари и постигна 451 гол.

Познатиот аргентински фудбалер Лионел Меси проговори за тоа кого го смета за најголемиот спортист во историјата.

Има многу врвни спортисти, кои би можеле да се најдат на тоа место, но Меси има свој фаворит.

„Кога станува збор за спортот, мислам дека најдобар е Мајкл Џордан. Откако ја гледав серијата „Последниот танц“ се инспирирав и дознав повеќе за тоа кој е тој и што има постигнато“, изјави Лионел Меси, пренесува SPORF.

Меси додаде дека би бил многу среќен да се слика со Џордан.

„Толку луѓе ме побараа за фотографии, зошто да не барам од него фотографија? Би било навистина убаво“.

Нема сомнеж дека Мајкл Џордан е меѓу најголемите спортисти на сите времиња. Славниот кошаркар е двократен олимписки победник и шесткратен шампион во НБА. За време на неговата професионална кошаркарска кариера, тој играше двапати за Чикаго Булс (1984–1993, 1995–1998) и за Вашингтон Визардс (2001–2003).

Познато е дека Џордан двапати го напушти спортот и двапати се враќаше. Славниот Американец беше примен во Куќата на славните на кошарката во 2009 година, а во Куќата на славните на ФИБА во 2015 година. Денеска има 61 година.