Ислам Махачев (34) е новиот шампион на УФЦ во велтер категорија (до 77 кг). На настанот УФЦ 322 во Њујорк, тој доминираше над поранешниот шампион, Австралијанецот Џек Дела Мадалена (29) и победи со едногласна одлука на судиите по пет рунди (50-45 x3).

Дагестанецот стана 11-от борец во историјата на УФЦ кој бил шампион во две различни тежински категории, откако претходно беше шампион во лесна категорија.

Со оваа победа, Махачев стигна до својата 29-та победа во 30 професионални настапи и го израмни учинокот на својот пријател Хабиб Нурмагомедов, но и уште еден рекорд кој со години се сметаше за недопирлив.

Махачев сега е на 16 последователни победи во кафезот на УФЦ, го изедначи рекордот на Андерсон Силва, кој беше единствениот борец со таква серија досега.

Во следниот настап, Дагестанецот ќе има можност да го надмине Бразилецот и да биде сам на врвот.

Покрај тоа, тој стана 11-от борец во историјата што ја освоил титулата на УФЦ во две различни тежински категории. Тој веќе се издвојуваше како рекордер по бројот на одбрани на појас во лесна категорија, од кои собра четири, а со новата титула дополнително го зацврсти својот статус како еден од најголемите борци во историјата на УФЦ.

Новиот шампион заработил помеѓу два и два и пол милиони долари по оваа борба, пишува порталот „Спортстер“. Дела Мадалена заработил нешто помалку, помеѓу еден и пол милион и два милиони долари.

Махачев знае каде сака да го брани шампионскиот појас. „Доналд Трамп, одиме. Дајте ни ја Белата куќа, ние доаѓаме.“

Доналд Трамп претходно објави дека на 14 јуни, на неговиот 80-ти роденден, ќе одржи настан на УФЦ во Белата куќа.

„На 14 јуни следната година, ќе имаме голема УФЦ борба во Белата куќа, токму во Белата куќа, на теренот на Белата куќа“, рече американскиот претседател за време на говорот во Норфолк, Вирџинија, по повод 250-годишнината од американската морнарица.

Шефот на УФЦ, Дана Вајт, близок пријател на Доналд Трамп, веќе објави минатиот август дека Белата куќа ќе одржи настан на MMA по повод 250-годишнината од Соединетите Американски Држави. Првично планираниот датум беше 4 јули, кога се слави Денот на независноста во САД.

Денвер Нагетс ги победија Минесота Тимбервулвс на гостински терен во саботата навечер со 112:123 (31:29, 29:26, 26:32, 26:36).

Српскиот ас Никола Јокиќ, иако еден ден претходно тимот го наведе како „под знак прашалник“ поради „истегнување на левиот зглоб“, забележа нов трипл-дабл – седми во сезоната (од 12 натпревари), 171-ви во лигашкиот дел од НБА и 189-ти кога се сметаат и плејофот.

Јокиќ натпреварот го заврши со 27 поени (8/5 од поле, 3/6 за три и 8/8 од поле) со 12 скока и 10 асистенции.

Денвер играше без двајца кошаркари од стартната постава, Кристијан Браун (повреда на левиот глужд) и крилото Кам Џонсон (повреда на бицепсот на десната рака).

Сепак, другите стандардни стартери во тимот на Дејвид Аделман му беа поддршка на Јокиќ: Арон Гордон и Џамал Мареј дадоа по 23 поени со дабл-дабл, првиот имаше 10 скока, а вториот подели 11 асистенции, ист број на поени постигна и Тим Хардавеј.

Кај Минесота Џулиус Рендл и Ентони Едврдс постигнаа по 26 поени.

Во Милвоки, блескаше Лука Дончиќ. Лејкерси славеа убедлива победа 119:95. Словенецот постигна 41 поен и влезе во историјата на НБА лигата.

Дончиќ ја премина границата од 40 поени по 50-ти пат во својата кариера пред да наполни 27 години. Пред него, само три легенди успеаја да го направат тоа – Мајкл Џордан, Вилт Чемберлен и Боб Макаду.

Актуелните шампиони, Окалхома сити Тандер ја забележаа 13-та победа во 14-от натпревар од почетокот на сезоната. Очекувано Тандер славеа во Шарлот 109:96.

Кај Тандер, Шеј Гилџис-Александер беше најдобар со 33 поени и седум асистенции. МВП-то од минатата сезона се приближува до бројката од 100 натпревари во кои постигнал 20+ поени.

Меѓу другите, се истакна Чет Холмгрен со 25 поени и осум скока, Ејџеј Мичел го заврши натпреварот со 14 поени, додека Ајзеа Хартенштајн имаше 12 поени и 11 скока.

Драмата во Групата Ц, за пласман на Светското првенство ќе продолжи до самиот крај.

Данска и Шкотска се репрезентациите кои во претпоследното коло влегоа со 10 поени. На Днците им требапе победа, но кикснаа во Копенхаген против Белорусија, додека Шкотите загубија во Атина од Грција.

Грците ги победија Шкотланѓаните со 3:2 (1:0) во возбудлив натпревар, домашната екипа немаше што да изгуби, а избраниците на Иван Јовановиќ успеаја да слават голема победа на крајот, победа која дава самодоверба и ништо повеќе од тоа.

Грција нема шанси да се пласира во следната фаза, Шкотланѓаните ќе бараат победа во последното коло против Данска за да се квалификуваат за Светското првенство. Реми ќе им одговара на Данците.

Данците, против аутсајдерот Белорусија запошнаа според планот, со гол на Дамсгард во 11-та минута.

Вистонски шок фаворитите доживеаја во вториот дел. Два гола постигнаа Белорусите за само три минути. Стрелци беа Громико и Демченко.

Напаѓаше Данска до самиот крај, но само успеа да избегне пораз со голот на Исаксон во 79-та минута.

За три дена во решавачкиот меч, Шкотска ќе ја пречека Данска.