Спорт
Естетски хирург го тужи Роналдо за 48.000 евра

Еден од најдобрите фудбалери во историјата, играчот на Ал Наср Кристијано Роналдо добил тужба од британскиот естетски хирург д-р Рошан Равиндран, познат и како доктор Рош, за наводно неплатена сметка од 48.000 евра.
Рош тврди дека поранешниот фудбалер на Манчестер јунајтед должи за третмани за време на неговиот престој на „Олд Трафорд“ во 2021 и 2022 година, пишува „Сан“.
Поранешниот кардиолог, кој е специјализиран за ботокс и филери, нега на кожа и подигнување на веѓите, забележува во тужбата дека вршел третмани за Роналдо, членовите на неговото семејство и придружбата во неговата клиника во Чешир.
Британските таблоиди повеќе ги интересираше дали и сопругата на Роналдо, Џорџина Родригез е негова пациентка.
„Судската постапка е во тек и како професионалец не можам да зборувам за моите пациенти“, изјавил докторот за „Сан“.
Пријател на хирургот на читателите им го доближи ликот и делата на д-р Рош.
„Тој е многу почитуван експерт во светот на личности од висок профил, вклучувајќи врвни политичари, членови на кралското семејство, спортисти и холивудски ѕвезди. Кога станува збор за третмани како ботокс и филери, тој несомнено е „број еден“. Неговата клиентела ја цени апсолутната дискреција и супериорните третмани“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Нунез херој – Сити ја победи Астон Вила во 94. минута

Фудбалерите на Манчестер Сити ја победија Астон Вила со 2:1 во 34. коло од Премиер лигата.
Првиот меч од 34.коло донсе драматичен финиш и неочекуван херој на Манчестер Сити, Матеус Нинеш кој погоди за победа во 94.минута.
Момците во светлосини дресови брилијантно го отворија овој натпревар и поведоа со голот на Бернардо Силва во 7. минута. Само девет минути подоцна беше досуден пенал за гостите од Бирмингем по ВАР консултации, одговорноста ја презеде Маркус Рашфорд и изедначи на 1.1.
Сити доминираше на овој натпревар. Имаше многу поголем посед на топка, постојано напаѓаше и се обидуваше да постигне гол, а Мартинез брилијантно го запираше секој нивен обид.
По 90 минути игра, судијата Крег Паусон ја продолжи играта на уште 5 минути, а кога се чинеше дека натпреварот ќе заврши нерешено, тогаш Сити го зададе конениот удар.
Во 94. минута Матеуш Нунеш на асистенција на Доку му донесе победа на Манчестер Сити.
Сити скокна на третото место со 61 бод, еден повеќе од Нотингем Форест, два од Њукасл и четири од Челси и Астон Вила. Овое пет тима се борат за преостанатите три места во Лигата на шампионите.
Спорт
Роналдо ќе добие вистинско богатство со новиот договор

Кристијано Роналдо е на прагот да потпише нов договор со Ал-Наср, а медиумите открија дека Потугалецот ќе добие нестварна годишна плата.
Роналдо во јануари 2023 година потпиша за тимот на Ал-Насра и стана најплатениот играч во историјата на овој спорт. Досега не беа познати деталите од договорот понуден на Португалецот, а сега се знае и тоа.
На годишно ниво, Кристијано би заработувал над 171 милион фунти, што е околу 3,3 милиони фунти неделно.
🤯 Cristiano Ronaldo's rumoured new contract with Al-Nassr:
💰 Yearly: £171,500,000
💰 Monthly: £14,289,000
💰 Weekly: £3,298,000
💰 Daily: £471,000
💰 Hourly: £19,600
💰 Per minute: £327
💰 Per second: £5.45This is GOAT level money. 🤑🤑 pic.twitter.com/0OGeJ1VqYj
— Football Tweet ⚽ (@Football__Tweet) April 22, 2025
Спорт
Болдвин го реши Париз, Ернангомез со личен рекорд му пресуди на Ефес

Фенербахче и Панатинаикос со победи го отворија плеј-офот во Евролигата. Во драматични натпревари, Фенербахче го победи Париз со 83:78, а ПАО славеше победа над Ефес 87:73.
Избраниците на Тиаго Сплитер, Истанбул беа во мечот до последните секунди, но не успеаја да се одбраната од Вејд Болдвин.
Тајсон Вард со 19 поени (7/11 од поле, 3/7 за тројки) и пет скока го предводеше Париз, Надир Хифи постигна 21 поен,, Ти Џеј Шортс забележа 17 поени и седум асистенции.
Фенер имаше четворица „двоцифрени“ играчи – Болдвин даде 15, Најџел Хејс-Дејвис 14, Хол 13, Ерик Мекколум и Тарик Биберовиќ по 11 и Бонзи Кулсон 10.
ПАО успеа да ја прежеивее лошата партија на МВП на сезоната, Кендрик Нан погоди само четири пати од 15 обиди. Ефес блескаше три четвртини, неколку пати имаше предност од 12 поени, но играта на турскиот тим се распадна во последниот период во кој постигнаа само 11 поени.
На крајот преусди тројката на Грент на 30 секунди до крајот.
Хуанчо Ернангомес со рекорд во кариерата, 20 поени и 16 скокови и индекс на корисност 40 го предводеше ПАО. Кај Ефес Ларкин и Поарие постигнаа по 17 поени.