Спорт
ЕУРО 2020 е круна на ривалството меѓу Италија и Англија
Англија и Италија имаат само уште еден меч до европската круна, но ривалитетот на двете селекции трае скоро 90 години.
Англија утре на „Вембли“ ќе игра за својата прва европска титула во историјата, а Италија сака по вторпат да се качи на „покривот на Европа“ откако тоа им успеа во далечната 1968 година.
Се издвојуваат неколку мечеви меѓу двете селекции кои остануваат запаметени.
1934 година:
„Тоа е првиот меч по кој Италија стана светски шампион со победата над Чехословачка во финалето, претходно се одигра дуелот меѓу овие две селекции на кој се „пролеа многу крв“
1977 година:
„Двата ривали се состанаа во квалификациите за СП. Иако Англија со 2-0 славеше во претпоследното коло, тоа не беше доволно за пласман на Мундијалот. Италија со подобра гол разлика замина на СП“.
1990 година:
„На Мундијалот во Италија во меч кој и Италија и за Англија беше утешна награда, играа за третото место, Азурите славеа со 2-1 (Баџо, Скилачи – Плат).
1997 година:
„Пред 24 години Италија и Англија беа ривали во квалификациите за СП во Франција, на првиот меч Азурите славеа нагости, а во последното коло во Рим бркаа победа за пласман. Составот на Глен Ходл издржа (0-0), изборија виза за Франција, а Италијанците мораа да одат таму преку баражот“.
2012 година:
„ЕУРО 2012 и пенали во четвртфинале – среќата овојпат беше на страната на Азурите. Останува запаметена „паненката“ на Пирло. Италија стигна до финале, загуби од забревтаната Шпанија.
2014 година:
„На СП во 2014 година во Бразил ниту едните ниту другите не сакаат да се сеќаваат. Елиминирани се од Костарика и Уругвај на пат кон најдобрите на првенството, а во меѓусебниот дуел Италија триумфираше со 2-1. Маркизио и Балотели стрелаа кон едниот, а Стариџ кон спротивниот гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Разни „стручњаци“ ме испратија во пензија, им благодарам на тоа
Новак Ѓоковиќ, в недела ќе се бори за 11-та титула на Австралија Опен. Десеткратниот шампион во Мелбурн, во полуфиналето, во спектакуларен меч го победи бранителот на трофејот, Јаник Синер со 3:2 (3:6, 6:3, 4:6, 6:4, 6:4) за четири часа и девет минути игра.
„Никогаш не престанав да верувам во себе. Многу луѓе се сомневаа во мене. Гледам дека одеднаш се појавија многу „стручњаци“ кои сакаа да ме пензионираат или веќе го направија тоа неколку пати во последните години“, рече Ѓоковиќ и додаде:
„Сакам да им се заблагодарам затоа што ми дадоа сила и мотивација да им го докажам спротивното. Ова не е изненадување за мене. Знам на што сум способен“, рече Ѓоковиќ.
Неговиот настап прптив Синер, особено беше импресивен во петтиот сет, кога спаси осум брејк топки. Во текот на мечот Ѓоковиќ спаси 16 од 18-те топки за брејк.
Противник во финалето в недела ќе му биде Карлос Алкараз.
Foto/ depositphotos
Спорт
Заврши сезоната за Џек Грилиш
Џек Грилиш, еден од најдобрите играчи на Евертон ја заврши сезоната.
Како што стојат работите, Грилиш ќе мора да се подложи на операција поради фрактура на стапалото. Со ова паднаа во вода сите надежи дека би можел да добие повик од Томас Тухел за настап на Светското првенство.
Менаџерот на Евертон, Дејвид Мојес, ја потврди веста.
„Веруваме дека на Џек му треба операција. Иако сè уште не е 100 проценти потврдено, повредата веројатно ќе го држи надвор од терените до крајот на сезоната“, рече Мојес.
Откако пристигна на позајмица во Евертон, Грилиш повторно почна да игра како во времето кога беше играч на Астон Вила. Сезонава дресот на Евертон го носи како позајмен играч од Манчестер Сити.
Foto/ depositphotos
Спорт
Данска ќе се бори за европската титула
Данската ракометна репрезентација ќе игра во финалето на Европското првенство против Германија, откако во второто полуфинале во Хернинг го победи Исланд со 31:28 (14:14).
Данците, в недела ќе се борат за третото европско злато, исто како и Германците.
Данска последен пат беше европски шампион во 2012 година во Белград, оттогаш двапати беше во финалето и двапати загуби од Франција (2014 и 2024).
Тимот предводен од Николај Јакобсен од клупата ги освои последните четири светски првенства и е актуелен олимписки шампион.
Во натпреварот против Исланд, Данците го скршија отпорот на својот ривал во второто полувреме, откако првиот дел беше израмнет.
Најдобар стрелец во победничкиот тим беше незапирливиот Матијас Гидсел, најдобриот ракометар во светот, со седум гола од исто толку обиди.
Веднаш зад него по ефикасност беше Јохан Хансен со шест гола (седум шута), додека Симон Питлик постигна пет.
Во поразениот тим, Јанус Даги Смарасон и Ори Фрајр Поркесон беа најдобри со по седум гола. Омар Инги Магнусон постигна шест.
Финалето ќе се одигра во недела од 18 часот, претходно во 15.15 часот ќе се одигра натпреварот за третото место.
Foto/ EPA

