Фудбалерите на Словачка и Романија ремизираа 1:1 во натпреварот од последното, трето коло во групата Е.

Тие се пласираа во нокаут фазата на Европското првенство по „пријателската“ поделба на бодовите.

Словачка и Романија одиграа без победник, како и Белгија и Украина, каде резултатот остана 0:0.

Сега Романија оди во следната фаза од првото место поради подобра гол разлика, Белгија е втора, додека Словачка ќе мине како трета.

<iframe width=’800′ height=’420′ src=’https://uuuuuuuuu.tryupkora.com/embed/iLpgLf7IgR9Ox’ style=’border:none;’ allowfullscreen></iframe>

По исходот во групата Е добивме нова двојка во нокаут фазата на ЕП.

Спорниот финиш на таа група доведе до тоа сите три екипи да завршат со ист број бодови за прв пат во историјата на турнирот.

Романија, Белгија, Словачка и Украина имаа по четири бода, а Украинците беа првата селекција што испадна со четири бода.

Во двата последни меча беше забележано нерешено, а Белгијците по којзнае кој пат избраа да одат на потешката страна на ждрепката, иако не ја победија Украина за да ја прескокнат Романија и да си ја олеснат работата.

Вака избраниците на Доменико Тедеско ќе играат против Французите во осминафиналето.

Веќе се познати уште два пара: Германија и Данска, односно Италија и Швајцарија.

Најдоброто клупско кошаркарско натпреварување во Европа од сезоната 2025/2026,  ќе ја доживее трансформацијата која се најавуваше во претходните месеци.

Според сознанијата на грчкиот портал „Газета“, најважната промена во Евролигата ќе биде зголемувањето на бројот на клубови од 18 до 20.

Тоа би значело дека ќе се добијат две нови екипи во елитата, повеќе игра и секако приходи за клубовите.

Самиот формат на натпреварувањето треба да остане ист како досега – секој со секој двапати во регуларниот дел од сезоната плус формат за плеј-ин пред плеј-офот.

Сепак, постои идеја лигата да се подели на две дивизии, слично како НБА стои во соопштението.

Англискиот репрезентативец Фил Фоден привремено ја напушти репрезентацијата, потврдија од фудбалски сојуз на Англија.

Во соопштението  се наведува дека на играчот на Манчестер Сити му е дозволено да се врати во татковината, поради семејни проблеми.

Но причина за неговото патување во Манчестер е раѓањето на неговото трето дете. Тој ќе се приклучи на тимот најдоцна во недела, информираат од таму.

Фоден беше дел од тимот кој заврши на првото место во групата Ц. Тој играше на сите три натпревари, но не успеа да постигне гол или асистенција.

Во осминафиналето на Европското првенство Англија ќе игра против Холандија или третопласираната селекција од групата Е.

Доколку ја надминат таа пречка, во потенцијалното четврт-финале ги чекаат Италијанците или Швајцарците.