Вистинска драма се одвиваше на натпреварот меѓу Боливија и Уругвај во квалификациите за Светското првенство.

Во последните минути од натпреварот, дефанзивецот на Атлетико Мадрид, Хозе Хименез, имаше сериозни тешкотии со дишењето, поради што го напушти теренот и употреби маска за кислород.

Условите на стадионот „Вила Ингенио“ во Ел Алто се екстремни, бидејќи се наоѓа на 4.100 метри надморска височина.

Фудбалската федерација на Боливија одлучи да ги пресели своите игри на овој стадион во октомври минатата година, сметајќи дека висинската предност ќе му помогне на тимот да се пласира на Светското првенство во 2026 година.

Иако традиционалниот боливиски стадион Ла Паз е веќе познат по својата височина од 3.640 метри, федерацијата реши да оди уште повисоко и да игра на терен кој се наоѓа на 600 метри повисоко.

Овој чекор беше одговор на лошите резултати на тимот, кој претрпе три порази на последните пет натпревари, па беше одлучено да се искористи дополнителната висинска предност.

На надморска височина од 4.100 метри воздухот е многу разреден, со само 0,82 грама на литар, од кои само 0,17 грама се кислород, што го отежнува дишењето дури и за професионалните спортисти.

Натпреварот заврши без голови, со резултат 0:0.

Боливија сега заостанува еден бод зад Венецуела, која ја зазема плеј-оф позицијата, додека Уругвај е на третото место со 21 бод.

Tough conditions in Bolivia: José María Giménez had to use an oxygen bottle during the match. 🫁

El Alto Stadium sits at 4,150 meters above sea level. pic.twitter.com/i06FeOJ0Ax

— Tekkers Foot (@tekkersfoot) March 26, 2025

Највлијателниот менџер во светот на фудбалот, Жорж Мендеш, наводно започнал разговори со турскиот гигант Галатасарај околу трансферот на Жоао Феликс (25), јавуваат локалните медиуми.

Оваа вест доаѓа пред се поизвесното заминување на португалскиот напаѓач од Челзи за време на летниот преоден рок.

Феликс моментално е на позајмица во Милан до крајот на сезоната 2024/25, каде што пристигна на почетокот на годината за околу два милиони евра.

И покрај тоа што постигна гол на своето деби, Португалецот не ги оправда очекувањата на „Сан Сиро“, поради што Милан нема намера да го откупи неговиот договор.

Станува сè појасно дека Феликс ќе го напушти Челзи ова лето, со оглед на неговата ограничена минутажа под водство на Енцо Мареска во првата половина од оваа сезона.

Турските медиуми пренесуваат дека Мендеш го известил Челзи дека Феликс е подготвен за трансфер во Галатасарај за сезоната 2025/26. Се очекува турскиот гигант да го реновира нападот во текот на летниот преоден рок, со оглед на извесното заминување на Виктор Осимхен, кој се уште е играч на Наполи.

Се уште се чекаат одлуките за иднината на поранешните напаѓачи на Интер и Милан, Мауро Икарди и Алваро Мората.

Навивачите на Челзи побараа од Премиер лигата да ги истражи врските на косопственикот на клубот Тод Боли со веб-страницата за препродажба на билети која нуди седишта за илјадници долари поскапи од номиналната вредност.

Боли е наведен како член на Управниот одбор на „ Вивид Ситс“, кој лигата го означи како „неовластен веб-сајт за продавање билети“ и ги предупредува навивачите да бидат крајно претпазливи кога го користат.

Здружението на навиваќи на Челзи испрати отворено писмо до извршниот директор на Премиер лигата, Ричард Мастерс, во кое вели дека е „време да се дејствува и да се истражи“.

„Вивид Ситс“, продолжува да ги продава билетите од Премиер лигата над номиналната вредност по значително зголемени цени, а нашите членови продолжија да истакнуваат дека односот на г-дин Боли со „Вивид Ситс“ е нарушување на довербата и јасен конфликт на интереси“, се вели во писмото.

Американскиот милијардер го купи Челзи за 2,5 милијарди долари во 2022 година со конзорциумот „Клирлејк капитал“.

„Вивид Ситс“, продава билети за различни настани, вклучувајќи ги и натпреварите на Челзи во Премиер лигата и Конференциската лига, како и за претстојното Светско клупско првенство во САД.

Билет за претстојниот натпревар против Ипсвич се продава за 990 фунти (1.275 долари), а за натпреварот против Ливерпул на 3 мај за повеќе од 3.000 фунти (3.800 долари).

На веб-страницата на Челзи, најскапиот билет за возрасни за најбараната категорија е 80 фунти (103 долари).

Лигата ги предупреди навивачите да не купуваат од неовластени продавачи, а Челзи соопшти дека неовластената продажба е „растечки проблем“ и бара од навивачите да пријават загриженост за билетите.