Спорт
Еванс: Новак и Рафа да не бараат изговори, мора да играат во Њујорк
Британскиот тенисер број 1, Ден Еванс вели дека Новак Ѓоковиќ и Рафаел Надал имаат обврска да играат на САД опен во Њујорк и дека загриженоста на Ѓоковиќ околу рестрикциите се проблем само за високорангираните тенисери.
Гренд слемот на Флешинг Медоуз во Њујорк треба да стартува на 31 август, иако американскиот град е еден од најпогодените од корона вирусот, а веќе десетина дена има и постојани протести. Ѓоковиќ, кој победуваше во Њујорк во 2011, 2015 и 2018 смета дека ограничувањата на хигиената ќе го направат неговото учество речиси невозможно, но Еванс не се согласува.
„И тенисерите мораат да живеат со корона вирусот и ограничувањата. Не мислам дека ограничувањето на еден човек во клубот е голема работа, бидејќи повеќето тенисери и така патуваат само со својот тренер. Не патуваат сите со физиотерапевти, фитнес-тренери и други луѓе како Новак, така што тој аргумент не стои“, вели Еванс за „Би-би-си“.
Тој исто така смета дека тие треба да играат на гренд слемот за да се оддржи квалитетот на турнирот.
„Сега е време тенисерите да бидат заедно и Новак и Рафа треба да помогнат на понискорангираните да добијат добра исплата. Секако, не се работи само за парите, но доволно е безбедно да се игра турнир“, додава Еванс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ВАДА бара суспензија за Синер
Светската антидопинг агенција (ВАДА) поднесе жалба до Судот за спортска арбитража во Лозана и бара суспензија за Јаник Синер.
Непосредно пред почетокот на УС Опен на крајот на август, беше објавено дека ITIA (International Tennis Integrity Agency) го ослободи Синер, т.е. дека не нашла „нема вина и немарност“ во случајот на два позитивни теста за клостебол во март.
Меѓутоа, ВАДА мисли поинаку и смета дека пресудата не била точна според сегашните правила, како што се наведува во соопштението.
„Ќе побараме суспензија меѓу една и две години. ВАДА не бара поништување на ниту еден резултат“, се вели меѓу другото во соопштението на ВАДА.
Синер, и покрај притисокот од тој допинг скандал, го освои УС Опен, негова втора Грен слем титула, по Австралија Опен исто така оваа година.
Спорт
Солскјер: Не можевме да го пуштиме Роналдо во Сити
Оле Гунар Солскјер призна дека Манчестер Јунајтед направил грешка кога го вратил португалскиот напаѓач Кристијано Роналдо од Јувентус на Олд Трафорд во 2021 година, но откри и дека клубот го направил тоа за да го спречи одличниот стрелец да замине во Манчестер Сити.
Роналдо го отслужи првиот мандат во Јунајтед од 2003 до 2009 година, кога беше продаден на Реал за тогаш рекордна сума од 94 милиони евра. Во втората во првата сезона постигна 24 гола, а потоа во втората по критиките од клубот поради статусот во тимот остана без договор. Прво го менаџира Оле Гунар Солскјер, кој набрзо доби отказ, а по привременото решение на Ралф Рангник, во клубот пристигна и Ерик тен Хаг.
„Тој е еден од најдобрите фудбалери во светот во последните 15 години. Играв со него. Играше за Јунајтед. Тој има историја со овој клуб. Тој го напушта Јувентус и не можеме да му дозволиме да замине во Манчестер Сити. Тој веројатно би постигнал повеќе голови таму, отколку што ќе даде гол денес.
Роналдо за Јунајтед одигра вкупно 346 натпревари со учинок од 145 гола и 64 асистенции. Халанд неодамна го постигна својот 100-ти гол за Сити. Му беа потребни 105 натпревари.
Спорт
НБА Трејд: Таунс се сели во Њујорк
Рано во петокот наутро по средноевропско време, одекна „бомбата“ на НБА – Њујорк Никс и Минесота Тимбервулвс склучија трејд со центар на Карл-Ентони Таунс и Џулиус Рендл.
Рендл и Донте ДиВинченцо одат во Минесота, која лани играше во финалето на Западот, а Таунс ќе стане новиот центар на Никс. Минесота ќе добие и 13 заштитен избор на драфтот следното лето.
Третиот тим во трејдот е Шарлот Хорнетс, кој помогна да помине трејдот финансиски и за нивните напори ќе добијат пикови на драфтот, се уште не се знае точно кои.
Разговорите меѓу Никс и Волвс траат цело лето, а како што пренесува ESPN, Таунс воопшто не очекувал трејд. Тој порасна во Њу Џерси и ќе биде стартниот центар за Никс, особено што Мичел Робинсон е повреден.
Минатата сезона Таунс имаше просек од 21,8 поени и 8,3 скока, а сега повторно ќе работи со тренерот Том Тибодо, кој ги предводеше Волвс од 2016-2019 година.
Рендл, кој во декември наполни 30 години, имаше просек од 24,2 поени, 9 скока и 5 асистенции во 46 натпревари пред да го повреди рамото на крајот на јануари. Се очекува тој да биде подготвен за почетокот на тренинг кампот.
НБА сезоната започнува на 22 октомври.