Вториот натпревар на фудбалското Европско првенство го донесе и првиот реми исход. На националниот стадион во Баку (Азербејџан) Швајцарија и Велс одиграа 1-1 и освоија по бод во групата А во која синоќа на отворањето на шампионатот во Рим Италија со 3-0 ја совлада селекцијата на Турција.

Иако во три четвртини од мечот Швајцарците беа подобриот противник, создадоа многу повеќе шанси од противникот, сепак не успеаја да постигнат втор погодок.

Брел Емболо во 49 минута од мечот донесе предност за својата селекција од 1-0 откако во првото полувреме напаѓачот Сеферовиќ пропушти 2-3 можности за отворање на резултатот.

Токму Емболо беше најистакнат во вториот дел, неколкупати прецизно биеше кон голот на Вард, но чуварот на мрежата на Велс беше сигурен

Се чини без никаква игра, по една нафрлена топка Кифер Мур во 74 минута погоди со глава за конечни 1-1.

Нововлезениот Марио Гаврановиќ постигна втор гол за Швајцарија во 86 минута, но по ВАР преглед на ситуацијата, голот беше поништен поради офсајд.

Големите ѕвезди на Велс – Арон Ремзи и Герет Бејл не покажаа голем дел од своите мајстории затоа што Швајцарија беше подобриот противник.

„Седумката“ на Швајцарија, Емболо со глава од 6-7 метри бие прецизно во 50 минута во мрежата на Вард, за водство од 1-0 за Швајцарците.

Само една минута претходно истиот играч откако успешно се ослободи од двајца дефанзивци на Велс биеше силно од 16 метри, но противничкиот голман ја исфрли топката во корнер.

Доминацијата на Швајцарците од првото полувреме се ефектуира по само 5 минути во вториот дел.

Велс е на потег.

Мирни тактички 45 минути одиграа Швајцарија и Велс во вториот меч од Европското првенство. Во азербејџанската престолнина по првото полувреме се уште е активен почетниот резултат.

Иако Швајцарците се поактивни на теренот, топката подолго време е во нивните нозе, сепак не успеваат да го пронајдат патот до мрежата на голманот Вард.

Напаѓачот Сеферовиќ е најактивен во нападот, во 26 минута имаше убав обид да ја затресе противничката мрежа, но неуспешно. Мболо во 45 минута му спушти една топка на Сеферовиќ на десетина метри, но топката заврши високо над противничкиот гол.

Швајцарија изведе дури 7 корнери во првиот дел, но Велшаните се сигурни во воздушните дуели.

Иако Герет Бејл и другарите имаа малку можности во шеснаесетникот на Сомер, сепак најдобрата прилика за водство ја пропушти вешкиот репрезентативец Мур. Во 15 минута од мечот одлично биеше со глава под пречката, но голманот Сомер со крајни напори ја исфрли топката во корнер.

Швајцарија на 4 меча на големите натпреварувања со островски репрезентација од Велика Британија има 3 порази и едно реми, со Англија 1-1.