Руската тенисерка Марија Шарапова одлучила да се почести со недвижност, и тоа далеку од родната Русија. Таа купила ранч во Санта Барбара, Калифорнија, а за луксузот издвоила 8,6 милиони долари.

Главната куќа е скриена зад препознатлива црвена капија, плафонот е од дрво, а целото осветление е природно.

За потсетување, Русинката веќе има една куќа во Лос Анџелес.

Еве како изгледа новата инвестиција на Шарапова.

Доколку во наредниот еден месец Челси не ја промени играта и не тргне со победи, Лампард би можел да биде сменет, а за негов наследник се подготвува Масимилијано Алегри, се шпекулира од Лондон.

Челси не воодушевува со настапите на стартот на Премиерлигата, а газдата на клубот – Роман Абрамович се чини го губи трпението.

Френк Лампард доби можност да го води клубот со кој ги постигна најголемите успеси како фудбалер. Медиумите на Островот тврдат дека Абрамович „се крши“ за промена на тренерот, пред се поради големите пари што клубот минатото лето ги потроши за засилувања.

За потсетување, Челси минатиот викенд испушти победа против Саутемптон (3-3), а вечерва „сините“ имаат тежок испит во ЛШ против Севилја.

Колумбискиот велосипедист Фернандо Гавирија (26) вторпат за 6 месеци е заразен со коронавирусот, открило вчерашното тестирање пред денешната 16. етапа на „Џиро Диталија“.

„Гавирија веднаш е ставен во изолација, добро се чувствува и нема симптоми. Сите други велосипедисти се негативни. Лекарската служба внимателно ја следи ситуацијата“, се вели во соопштенето на тимот чиј член е заразениот велосипедист.

Тој првпат беше заразен со опасниот вирус во март годинава за време на трката во УАЕ. Тогаш цел месец помина на болничко лекување во Абу Даби.

Досега најдобриот пласман на трката во Италија му беше седмото место на 11. етапа.

Неговиот случај ќе ги заинтригира лекарите затоа што ретки се оние што и вторпат се заразени со Ковид-19.
„Џиро Диталија“ финишира в недела во Милано.