Спорт
Евролига: Сите кошаркари беа исклучени по тепачката, освен Руди Фернандес, ќе следат казни
Евролигата се огласи со официјална изјава по случувањата на натпреварот меѓу Реал Мадрид и Партизан. Мечот е прекинат пред истекот на регуларните 40 минути поради тепачка на играчите на двата тима.
Конфликтот меѓу играчите настана кога на минута и 40 секунди до крајот, Серхио Љуљ грубо го фаулираше Кевин Пантер, а овој не му прости и тргна со тупаница кон него.
Во тепачката се вклучија сите играчи од двата тима, а најлошо помина беше Данте Егзум кого Јабуселе го фати за врат, го собори и почна да го удира по теренот. На крајот, кошаркарот на Партизан доби сериозна повреда, скината тетива на прстот на ногата.
„Кога беа применети дисквалификации за оние играчи кои беа вклучени во тепачката и оние кои автоматски беа исклучени поради напуштање на клупата, ниту еден тим го немаше потребниот минимум од двајца играчи потребни за да го заврши натпреварот, така што играта се сметаше за официјално завршена според резултатот во тој момент. Прекинот е при резултат 80:95 во корист на Партизан кој сега води во серијата со 2:0 во победи.
Евролига ги проследи фактите до независниот дисциплински судија на натпреварувањето, кој ќе донесе одлука за инцидентите на теренот во следните 24 часа во согласност со утврдената процедура. Евролига најостро ги осудува настаните кои се случија на крајот од натпреварот. Ваквите настани не ги претставуваат вредностите на почит што лигата и нејзините клубови ги промовираат и кои ги отелотворува кошаркарскиот спорт“, се вели во официјалниот став на Евролига.
Official report regarding the Playoffs Game 2 between Real Madrid and Partizan Mozzart Bet Belgrade.
The Independent Disciplinary Judge will issue a decision about the on-court incidents within the following 24 hours.
Read more here: https://t.co/BNSlNg1Ai8 pic.twitter.com/8tVXM6KIWI
— Turkish Airlines EuroLeague (@EuroLeague) April 27, 2023
Судиите го гледаа видеото од сите случувања, а бидејќи сите играчи беа во конфликт, физички и според правилата, немаше како да се одиграат последните 100 секунди.
Само Руди Фернандес не доби исклучувачки фаул и единствен остана на клупата.
HUGE BRAWL just went down in Wizink Center between Partizan and Real Madrid players 😱 #EuroLeague pic.twitter.com/wkpzyIQTcM
— BasketNews (@BasketNews_com) April 27, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.