Спорт
Евролигата подели казни за Партизан и Реал, но го „поштеди“ Љуљ
![](https://makfax.com.mk/wp-content/uploads/2023/04/Fuz-hoiXgAMQr0S.jpg)
Евролигата подели казни за Партизан и Реал Мадрид по општата тепачка која го прекина вчерашниот меч на 1:40 пред крајот, и Партизан направи 2:0 предност.
Тимот на Жељко Обрадовиќ славеа во Мадрид, и покрај грдиот финиш кој започна со неспортскиот фаул на Серхио Љуљ над Кевин Пантер. Искусниот Шпанец помина без казна, додека Пантер доби два меча суспензија, а Матијас Лесор од Партизан ќе паузира еден меч.
Гершон Јабуселе, кој имаше „боречки“ зафат над Данте Егзум доби пет меча суспензија, а кај Реал е казнет и Габриел Дек со еден меч. Двата клуба исто така ќе мора да платат 50.000 евра за неспортското однесување на нивните играчи. Евролигата не дозволува жалби на своите дисциплински одлуки.
На Партизан му недостасува само уште една победа за да се пласира на Фајнал фор турнирот првпат по 13 години. Следните два меча се играат во „Штарк арената“, од кои првиот на 2 мај.
BREAKING: Disciplinary judge issues decisions after Game 2 between Real Madrid and Partizan: pic.twitter.com/ZUVWZDLrn6
— Dionysis Aravantinos (@AravantinosDA) April 28, 2023
Disciplinary judge issues decisions after Game 2 between Real Madrid and Partizan.
— Turkish Airlines EuroLeague (@EuroLeague) April 28, 2023
Real Madrid-Partizan: una roba vergognosa, nata da una porcheria di Llull, proseguita con cazzotti, placcaggi, e altre cose orribili.#EurolegaTipo pic.twitter.com/ITEb2uigta
— La Giornata Tipo (@parallelecinico) April 27, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
И Аврамовиќ замина од Партизан
![](https://makfax.com.mk/wp-content/uploads/2024/06/58539_avramovic1_f.jpg)
По Кевин Пантер, Зек Лидеј, Френк Камински, Пи-Џеј Дожер и Алекса Аврамовиќ го напушти кошаркарскиот клуб Партизан.
Како што пренесува „Меридијан спорт“, дефинитивно завршува соработката помеѓу Партизан и Алекса Аврамовиќ, српскиот репрезентативец кариерата ќе ја продолжи во друг клуб.
Дел од српските медиуми тврдат дека Аврамовиќ ќе се пресели во редовите на новиот евролигаш, Париз, каде тренер наскоро во нов тренер треба да биде промовиран поранешниот капитен на Партизан, Петар Божиќ.
Аврамовиќ дојде во Партизан од шпански Естудијантес во 2021 година, ја освои АБА лигата во 2023 година.
Спорт
(Видео) Погба: Пол Погба повеќе не постои
![](https://makfax.com.mk/wp-content/uploads/2024/06/paul-pogba-juventus-2023-2324-1693319423-115307.jpg)
Пол Погба (31), играчот од средниот ред на Јувентус и светски шампион со Франција во 2018 година, пред четири месеци, беше суспендиран на четири години поради допинг. Казната ја одерди италијанското обвинителство за борба против допингот.
Погба е суспендиран затоа што тестот на кој бил подложен по натпреварот меѓу Удинезе и Јувентус на 20 август 2023 година покажал дека има вишок тестостерон.
Деновиве на социјалните мрежи кружи видео на кое Погба настапува со депресивен тон:
„Завршив. Мртв сум. Пол Погба повеќе не постои“, беше објавено во кратко видео.
Погба целата своја професионална кариера ја помина во два клуба, а иако е Французин, ниту еден од нив не е од неговата татковина.
Во академијата на Манчестер јунајтед пристигна на 16-годишна возарст од ле Авр, во 2009 година. Три години подоцна тој се пресели во Јувентус без обештетување. По четири години, летото 2016 година, тој се врати во Јунајтед со отштета од 105 милиони евра.
После шест години, Погба повторно се врати во Јувентус и повторно го напушти „Олд Трафорд“ како слободен играч.
Но во втората сезона таму поради повреди и споменатата суспензија поради допинг одигра само 12 натпревари.
Погба освои четири шампионски титули и два купа со Јувентус, сите во неговиот прв мандат во клубот. Како играч на Манчестер јунајтед ги освои Лига Купот и Лига Европа.
"I’m over, I’m dead. Paul Pogba doesn’t exist anymore." 😞💔
— CentreGoals. (@centregoals) June 23, 2024
Спорт
(Видео) Кошаркарски експерти: Синот на Леброн не е за во НБА лигата
![](https://makfax.com.mk/wp-content/uploads/2024/06/17145020292132.jpg)
Американските кошаркарски стручњаци, му дадоа лоша оценка на синот на Леброн, Брони Џејмс пред НБА драфтот. Драфтот ќе се одржи на 26 јуни во Њујорк.
Американските медиуми често пишуваа за Брони Џејмс, синот на Леброн Џејмс, кој од УСЦ Универзитетот бара шанса во НБА. Медиумите долго шпекулураа дека тимот што ќе го добие Брони на драфтот, во пакет со него ќе го добие и неговиот славен татко Леброн.
Сепак, кошаркарските стручњаци оваа година го рангираа Брони Џејмс на 72-то место, што генерално се смета за едно од најлошите во последните многу години.
Да потсетиме, НБА драфтот има 60 позиции, а Брони Џејмс е рангиран 12 места подолу од последниот пик…
„Мораме да бидеме искрени. Никој не би го погледнал Брони Џејмс како НБА перспектива, доколку неговиот татко не е Леброн Џејмс. Тој не е за НБА. Не е подготвен. Му требаат уште најмалку две години работа на пониско ниво за да се развие и за тоа му треба топката во раце и многу минути што би значело најмалку две години во развојната лига, ако ме прашате мене, не вреди да се инвестира во него, затоа што може да добиете 3&Д играч (путира тројки и игра одбрана). Не можам да го рангирам надвор од најдобрите 75 на драфтот бидејќи е интелигентен и има сјајни атлетски предизпозиции. Сепак, тој не е близок до најдобрите играчи на овој драфт, најдобро би било за него да се врати на универзитетот и да се обиде да направи се што е мжно да стане подобар играч“, напиша Сем Весини, НБА драфт експерт за порталот Атлетик.