Спорт
Ф1 ја објави саатницата за сите трки во 2023

Организаторите на Светскиот шампионат во Формула 1 објавија кога ќе стартуваат сите 23 трки и шест спринт-трки, кои ќе бидат дел од календарот за 2023 година.
Сезоната ќе почне на 5 март во Бахреин, а трката ќе почне во 16 часот по наше време. Две недели подоцна (19 март) ќе се одржи и Големата награда на Саудиска Арабија. Стартот на патеката во Џеда е закажан за 18 часот. Двете трки ќе се возат под рефлектори.
Третиот викенд е во Австралија, на патеката „Алберт Парк“. За да го гледате почетокот на трката, ќе треба да бидете будни веќе во 7 часот наутро.
Големата награда на Азербејџан исто така ќе биде домаќин на првиот спринт во 2023 година. Таа трка почнува в сабота, 29 април, од 14.30 часот. Ден подоцна е главната трка на пистата во Баку, со почеток во 13 часот.
Големата награда на Мајами ќе се одржи само една недела по двојната програма во Азербејџан. Стартот на патеката „Хард рок“ ќе биде во 21.30 часот.
Големата награда на Лас Вегас, која ќе дебитира во календарот на Формула 1, почнува в сабота во 22 часот по локално време, односно в недела наутро во 7 часот по средноевропско време. Квалификациите и тренинзите пред трката во Лас Вегас се закажани за четврток и за петок навечер по локално време, а сите сесии почнуваат по зајдисонце.
Од европските трки, само Големата награда на Велика Британија ќе има малку подоцнежен старт бидејќи трката во Силверстоун ќе почне во 16 часот по наше време. Сите други стартови на територијата на Стариот континент ќе бидат 15 часот по наше време.
Почетно време на сите трки во Формула 1 во 2023 година:
1. ГН на Бахреин (5 март) – 16 ч
2. ГН на Саудиска Арабија (19 март) – 18 часот
3. ГН на Австралија (2 април) – 7 часот
4. ГН на Азербејџан (30 април) – 13 часот (спринт во 14.30 часот)
5. ГН на Мајами (7 мај) – 21.30 ч
6. ГН на Емилија-Ромања (21 мај) – 15 ч
7. ГН на Монако (28 мај) – 15 часот
8. ГН на Шпанија (4 јуни) – 15 ч
9. ГН на Канада (18 јуни) – 20 ч
10. ГН на Австрија (2 јули) – 15 часот (спринт во 16.30 часот)
11. ГН на Велика Британија (9 јули) – 16 ч
12. ГН на Унгарија (23 јули) – 15 ч
13. ГН на Белгија (30 јули) – 15 часот (спринт во 16.30 часот)
14. ГН на Холандија (27 август) – 15 ч
15. ГН на Италија (3 септември) – 15 ч
16. ГН на Сингапур (17 септември) – 14 ч
17. ГН на Јапонија (24 септември) – 7 часот
18. ГН на Катар (8 октомври) – 16 часот (спринт во 16.30 часот)
19. ГН на САД (22 октомври) – 21 часот (спринт во 00.00 часот)
20. ГН на Мексико (29 октомври) – 21 ч
21. ГН на Бразил (5 ноември) – 18 часот (спринт во 19.30 часот)
22. ГН на Лас Вегас (19 ноември) – 7 часот
23. ГН Абу Даби (26 ноември) – 14 ч
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Калум Вилсон во Вест Хем

Калум Вилсон ќе го носи дресот на Вест Хем следната сезона. Вилсон се согласи на едногодишен договор со „Чеканите“.
Вислон е слободен агент од крајот на претходната сезона и завршувањето на неговата соработка со Њукасл.
Вилсон одигра 130 натпревари за Њукасл и постигна 49 гола, но клубот и играчот не успеаја да се договорат за продолжување на соработката во сезоната 2024/25.
Триесет и тригодишникот одигра само 25 натпревари, само на два беше стартер.
Според Би-Би-Си, Вилсон имал неколку интересни понуди и од Премиер лигата и од МЛС, но конечната одлука била да се пресели во Вест Хем.
Спорт
Французите открија каква улога ќе има Новак во Ле Ман

Веста дека најдобриот тенисер на сите времиња, Новак Ѓоковиќ, ќе стане косопственик на францускиот второлигаш Ле Ман дојде како гром од ведро небо.
Еден ден подоцна, со оваа тема се занимаваше и францускиот „Лекип“, кој откива каква би била улогата на познатиот тенисер во овој клуб со богата традиција.
Ѓоковиќ се приклучи на бразилскиот фонд „Оутфилд“, кој е нов инвеститор во клубот од Ле Ман, треба да има улога на советник и амбасадор на клубот.
Додека присуството на Фелипе Маса и Кевин Магнусен, добро познати имиња од Формула 1, меѓу инвеститорите на фондот „Оутфелд“ е логично со оглед на историјата на градот Ле Ман и автомобилизмот, вклучувањето на Новак Ѓоковиќ отвора повеќе прашања, пишува „Лекип“.
Србинот доаѓа заедно со бразилскиот претприемач Георгиос Франгулис, партнер на светската тенисерка број 1 Арина Сабаленка и основач на брендот „Оукбери“, кој е присутен низ целиот свет.
Инвестицијата на Ѓоковиќ не е само финансиска или симболична, што се докажува со објавата што ја сподели со своите 16 милиони следбеници на Инстаграм во петокот. Педро Оливеира.
„Тој и другите спортисти ја делат нашата визија за овој проект. Тие ќе имаат советодавна улога, но ќе бидат и амбасадори на брендот. Фелипе и Кевин ќе градат врски со светот на автомобилизмот, додека Новак ќе го донесе својот шампионски дух, својот поглед на врвното натпреварување. Тој го сака фудбалот. Тој инвестира во фудбалски клуб за прв пат и е многу возбуден.“
Според „Лекип“, Гоме се надева дека легендата на светскиот тенис би можела да игра на егзибицискиот натпревар. Сепак, прославата се случува на средина од Мастерсот во Шангај, кој Ѓоковиќ го освои четири пати, но беше поразен од Јаник Синер (7:6, 6:3) во финалето минатата година…
Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.